Taitusi 3:7 - Farefare Ninkaré

⁷ tɩ a yel-sõnnɛ na botɩ tõma masɛ a nẽŋam, lebge a kɔma wʋn yẽ vɔm n ka ba'asrɩ tɩ tõma tarɩ pʋtẽ'erɛ gu'ura la.

ZE'ELEGO PAALEGA

⁷ ti, en bo' tu buurɔ a zu'uhegɔ la zuo la, tu beere wan sɔna vom kan ba'ahɛ la ti tu tara bu puti'irɛ la.

Taitusi 3:7 ပူးပေါင်းရင်းမြစ်များ

Amatie 25:34

Tɩ naba la wʋn yele sɛba n boe a zʋʋgɔ la yetɩ: ‹Wa'am-ya, yãma sɛba n tarɩ mam Sɔ Nawẽnnɛ yel-sõnnɛ na. To'oge-ya so'olʋm na tɩ Nawẽnnɛ daan põn mãasʋm tɩ a bɔ ya halɩ lan dẽŋɛ dũnia pĩ'iluŋo la.

Amarkɩ 10:17

Azezi daan basɛ bilam dee le dɩkɛ la sore sẽnna. Tɩ bʋraa zoe wa'am a zẽ'am, wa ka dũma a nẽŋam soke ẽ yetɩ: «Karẽnsãama, fõn de la nẽr-sõŋɔ, mam wʋn ẽŋɛ la wãne yẽ vɔm n ka ba'asrɩ?»

Aromduma 11:6

La de la a yel-sõnnɛ ĩyã tɩ a looge ba, la dagɩ ba tõoma ĩyã. Nawẽnnɛ loore la sãn de nɩ na nẽrba tõoma ĩyã, a yel-sõnnɛ na ka le dɛna yel-sõnnɛ.

Aromduma 3:24

La Nawẽnnɛ yel-sõnnɛ na ĩyã, a botɩ ba masɛ a zẽ'am na zãŋa, Azezi-krisi n fãarɩ ba tõon-be'ero pʋam na ĩyã.

Aromduma 3:28

Tõma yẽ tɩ la de la nẽra n bɔ Krisi sɩra ĩyã tɩ a masɛ Nawẽnnɛ zẽ'am, la dagɩ ẽn sakrɩ lɔɔ la ĩyã.

Aromduma 4:16

Bɛla, la de la bɔ sɩra ĩyã, tɩ Nawẽnnɛ nõor-bĩŋre la wʋn dɛna yel-sõnnɛ bɔ'a n tarɩ yõorɔ bɔ Abraham yɩɩsɩ la wuu. La, la ka de a yɩɩsɩ sɛba n dolɩ lɔɔ la mã'a ĩyã, la de la nẽr-sɛba wuu n bɔ Nawẽnnɛ sɩra wʋ Abraham n yʋʋn bɔ sɩra se'em na. Abraham n de tɩ wuu sɔ-yaaba.

Aromduma 4:4

Nẽra sãn tõnna tõoma, a to'orɩ la yɔɔrɔ. Yɔɔrɔ la dagɩ bɔ'a tɩ ba bɔ ẽ, la de la a bõnɔ.

Aromduma 8:17

Tõma n de a kɔma la, tɩ wʋn po to'oge bõn-sõma sɛba tɩ a bĩŋe tɩ a bɔ a kɔma la, tɩ wʋn lagɩm na Krisi po to'oge bõn-sɛba tɩ a wʋn to'oge la. Tõma n nãmsrɩ la Krisi lɛ la, tɩ mẽ wʋn po lagɩm na ẽ yẽ nã'asgɔ.

1 Korẽntɩ 6:11

Yãma nẽrba basɛba daan ãn na bɛla. La Nawẽnnɛ Sɩa peege yãma tõon-be'ero mɛ botɩ ya lebge Nawẽnnɛ nẽrba, masɛ a zẽ'am Zuudãana Azezi-krisi yʋ'ʋrɛ ĩyã.

Galatɩ 2:16

La tõma mi mɛ tɩ la dagɩ nẽra n dolɩ lɔɔ la n yetɩ se'em na ĩyã, n wʋn basɛ tɩ a masɛ Nawẽnnɛ zẽ'am, la de la nẽra n bɔ Azezi-krisi sɩra mã'a tɩ Nawẽnnɛ wʋn basɛ tɩ a masɛ a zẽ'am. Tõma mẽ bɔ la Azezi-krisi sɩra, tɩ Nawẽnnɛ basɛ tɩ tɩ masɛ a zẽ'am, tõma n bɔ Azezi-krisi sɩra la ĩyã, dee dagɩ tõma n dolɩ lɔɔ la n yele se'em na ĩyã. Nẽra nẽra ka tã wʋn masɛ Nawẽnnɛ zẽ'am, ẽn dolɩ lɔɔ la n yele se'em na ĩyã.

Galatɩ 3:29

Yãma n lagɩm na Krisi la, ya de la Abraham yɩɩsɩ, wʋn to'oge sɛla tɩ Nawẽnnɛ bĩŋe nõorɛ tɩ a bɔ la.

Galatɩ 4:7

Bɛla tɩ ka le dɛna yamsɩ, tɩ de la Nawẽnnɛ kɔma. Tõma n de a kɔma la ĩyã, a wʋn bɔ tɔ sɛla wuu tɩ a bĩŋe tɩ a bɔ a kɔma la.

2 Tesaloniki 2:16

Tõma pʋ'ʋsrɩ tɩ Zuudãana Azezi-krisi, la tɩ Sɔ Nawẽnnɛ n nõŋɛ tɔ dee ẽŋɛ tɩ yel-sõnnɛ bɔ tɔ bʋraanɛ n ka ba'asrɩ, dee botɩ tɩ tara pʋtẽ'erɛ gu'ura bõn-sõma sɛba tɩ tɩ sakɛ la.

Taitusi 1:2

Tɩ tarɩ pʋtẽ'erɛ tɩ tɩ wʋn yẽ la vɔm n ka ba'asrɩ, tɩ Nawẽnnɛ n dagɩ põmpɔrma la daan bĩŋe nõorɛ halɩ tɩ dũnia nãn ka nãam.

Taitusi 2:11

Bẽm ĩyã, Nawẽnnɛ botɩ tɩ bãŋɛ a yel-sõnnɛ la n de fãarɛ bɔ nẽrsaalba wuu la mɛ.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Hiburuduma 1:14

Malɛkadõma de la bẽm? Ba de la sɩɩsɩ n tõnnɩ bɔ'ɔra Nawẽnnɛ, tɩ Nawẽnnɛ tõnna ba, tɩ ba sõŋra nẽr-sɛba n de ba yẽ fãarɛ la.

Hiburuduma 11:7

Anoe n bɔ Nawẽnnɛ sɩra la ĩyã, tɩ a zoe Nawẽnnɛ sakɛ a nõorɛ. Nawẽnnɛ yʋʋn pa'alɛ ẽ na bõn-sɛba n wʋn ẽŋɛ tɩ nẽrba nãn ka yẽtɩ, tɩ a sakɛ mãalɛ õorŋɔ kãtɛ, tɩ ẽŋa la a yir-dõma kẽ mĩ yẽ fãarɛ. Bɛla a pa'alɛ tɩ dũnia dõma n ka sakɛ la koŋe bʋʋrɔ mɛ, dee tɩ ẽŋa masɛ Nawẽnnɛ zẽ'am, ẽn bɔ ẽ sɩra la ĩyã.

Hiburuduma 11:9

Abraham n bɔ sɩra la ĩyã, a yʋʋn sẽŋɛ ka kẽ'era tẽn-sɛka tɩ Nawẽnnɛ bĩŋe nõorɛ tɩ a bɔ ẽ na pʋam wʋ sãana la, yʋʋn tĩ fuu-deego bɔna mĩ. A'izakɩ, la Azakɔbɩ mẽ yʋʋn kẽ'erɩ la fuu-deto pʋam. Nawẽnnɛ yʋʋn bĩŋe nõorɛ bɔ la bãma wuu.

Hiburuduma 6:17

Bɛla, Nawẽnnɛ yʋʋn boorɩ tɩ a pa'alɛ la sɛba tɩ a bĩŋe nõorɛ la ba la, tɩ ẽŋa n bĩŋe a nõorɛ se'em na ka viiri, bɛla tɩ a bĩŋe a nõorɛ dee pɔɩ pa'asɛ.

Yemesi 2:5

M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

1 Pita 3:7

Bɛla mẽ, yãma sɛba n de sɩrba la, bɔna-ya la ya pɔgba la lɛ, la wõm taaba, la ya bãŋɛ tɩ ba ka tarɩ pãŋa wʋ yãma la, la ya nanna ba, tɩ bãma la yãma n wʋn lagɩm to'oge Nawẽnnɛ yel-sõnnɛ n de vɔm. Ɩta-ya bɛla tɩ sɛla da gu ya pʋ'ʋsgɔ.