Taitusi 3:4 - Farefare Ninkaré

⁴ La Nawẽnnɛ n de tɩ Fãagra la n wa pa'alɛ nẽrsaalba a yel-sõnnɛ, la a nõŋlʋm na,

ZE'ELEGO PAALEGA

⁴ Gee Yinɛ se'em en de tu Faara la itesuŋɔ la a nɔŋerɛ kãtɛ la en niiɛ paaɛ nɛra woo la,

Taitusi 3:4 ပူးပေါင်းရင်းမြစ်များ

Aluki 1:47

Mam tarɩ sũ-yẽlga mɛ, Nawẽnnɛ n de mam Fãagra la ĩyã,

Aromduma 2:4

Bɩɩ fõn ka nannɩ la Nawẽnnɛ ɩr-sõŋɔ, la a sũ-bʋgsʋm, la a sũ-mã'arɛ n zo'oge la? Fʋ mi tɩ Nawẽnnɛ ɩr-sõŋɔ la boorɩ tɩ fʋ teege la yɛm basɛ tõon-be'ero.

1 Timoti 1:1

Mam Apolɩ n de Azezi-krisi Tõntõnna n gʋlsɛ gõŋɔ wã. La de la Nawẽnnɛ n de tɩ Fãagra, la Azezi-krisi tɩ tɩ tarɩ pʋtẽ'erɛ gu'ura la, n bɔ mam nõorɛ tɩ mam dɛna a Tõntõnna.

1 Timoti 2:3

Bõn-ẽna n ãn sõŋa bɔ Nawẽnnɛ n de tɩ Fãagra dee ãna a sũure yẽlʋm.

1 Timoti 4:10

Bɛla, tõma n tõnnɩ nãmsra mõrgra la, la de la tõma n tarɩ pʋtẽ'erɛ gu'ura vɔm dãana Nawẽnnɛ n de nẽrsaalba wuu Fãagra la ĩyã, la a de la sɛba n bɔ ẽ sɩra la Fãagra gãnna.

2 Timoti 1:10

Yel-sõnnɛ ẽŋa yãŋa puke la Azezi-krisi wa'aŋɔ la ĩyã. Ẽŋa n fãagɛ tɔ, sã'am kũm pãŋa dee botɩ tɩ yẽ vɔm n ka ba'asrɩ a kõ-yẽlga la ĩyã.

Taitusi 1:3

La wakatɛ n paagɛ la, a puke bõn-ẽŋa mɛ pa'alɛ a yetɔga pʋam, a dɩkɛ a yetɔga la ẽŋɛ la mam nu'usum tɩ m mõolɛ bɔ nẽrba, wʋ Nawẽnnɛ n de tɩ Fãagra n bɔ nõorɛ se'em na.

Hiburuduma 9:26

La sãn dagɩ nɩ bɛla, a daan wʋn nãmsɛ nɩ mɛ nõorɛ faa, halɩ lan pɔsɛ dũnia pĩ'iluŋo wa paam zĩna. La sɛla n de sɩra, a wa'am na nõorɛ ayɩla mã'a dũnia ba'asgɔ wakatɛ wã, tɩ a yese tõon-be'ero, ẽn dɩkɛ a mẽŋa kãabɛ la ĩyã.

1 Pita 2:3

Tɩ yãma bãŋɛ Zuudãana la n ãn sõŋa se'em mɛ.