Taitusi 3:3 - Farefare Ninkaré

³ Tõma mẽ daan de la nẽrba n ka mi sɛla, la sɩ'ɩsrɩba, la nẽrba n bʋrgɛ ka dɔla sɩra sore, tɩ tõma yɛmleego, la bõn-yooro tɩ tõma boorɩ la sɔna tõma. Tõma daan vɔa la pʋtʋʋlgɔ pʋam, ɩta sũure la tɩ taaba bõnɔ, dee dɛna nẽrba tɩ ba ka nõŋɛ, dee sisra taaba.

ZE'ELEGO PAALEGA

³ Se'ere en sɔi la, tumam mɛhi tabelɛ dɛna la geto, ka nana, bɔregɛ, dɛna da'aba bo' kɔrehi la nyɛlum yima yima, dikɛ tu dabeha tum pa'ahegɔ tuuma, nintɛrega, zɛregera nɛreba, yaaɛ taaba.

Taitusi 3:3 ပူးပေါင်းရင်းမြစ်များ

Amatie 21:29

Tɩ a dayʋa la lerge ẽ yetɩ: ‹Mam kãn sẽŋɛ.› Tɩ la ẽŋɛ fẽe, tɩ a teege yɛm sẽŋɛ.

Aluki 21:8

Tɩ Azezi lerge ba yetɩ: «Guuse-ya tɩ nẽra da pã'asɛ ya tɩ ya tuuge. Nẽrba zozo'e n wʋn dɩkɛ mam yʋ'ʋrɛ wa'am wa pã'asra ya, tɩ ba nẽra woo yetɩ: ‹Mam n de Krisi›, bɩɩ ba wʋn yetɩ: ‹Wakatɛ lɛm mɛ.› Da doose-ya nẽr-bãma.

Azã 8:34

Tɩ Azezi lerge ba yetɩ: «Mam yetɩ ya la sɩra sɩra, tɩ nẽr-sɛka woo n tõnnɩ tõon-be'ero de la tõon-be'ero yamŋa.

Aromduma 11:30

Kʋrʋm, yãma bu-zãŋsɩ la zagsɛ Nawẽnnɛ mɛ, la lɛɛlɛ wã, a zoe yãma ninbãalga mɛ, Ɩsrayɛlɩ dõma n zagsɛ ẽ na ĩyã.

Aromduma 6:12

Bɛla, da basɛ-ya tɩ tõon-be'ero le sɔna ya vɔm wã n ba'asrɩ la, botɩ ya sakɛ a yɛmleego n de be'em na.

Aromduma 6:17

Tɩ pʋ'ʋsɛ Nawẽnnɛ a yel-sõnnɛ: Kʋrʋm, yãma daan de la tõon-be'ero yamsɩ, la yãma to'oge sɩra zãsŋɔ la mɛ wʋ ban zãsʋm ya se'em na, sakɛ ẽ la ya sũure wuu.

Aromduma 6:22

La lɛɛlɛ wã, Nawẽnnɛ yese ya tõon-be'ero pʋam mɛ, tɩ ya lebge Nawẽnnɛ yamsɩ. Ya yõorɔ de la ya welge to'ore malgra ya mẽŋa dɛna pʋpeelem dõma. Bõn-ẽŋa ba'asgɔ de la vɔm n ka ba'asrɩ.

Aromduma 6:6

Tɩ mina-ya tɩ tõma n de se'em kʋrʋm na lagɩm na Krisi mɛ ki dɔ-puurŋa la zuo, tɩ tõma tõon-be'ero yɛmleego pãŋa wʋn sã'am ba'asɛ, tɩ tõma kãn le dɛna tõon-be'ero yamsɩ.

2 Korẽntɩ 12:20

Mam zotɩ mɛ tɩ m wʋn wa paam ya zẽ'am yẽ tɩ ya ka ãn wʋ mam n boorɩ se'em na, tɩ yãma mẽ yẽ tɩ mam ka ãn wʋ yãma n boorɩ se'em na. Mam zotɩ mɛ tɩ zɛbrɛ, la ɩta sũure la taaba, la sũ-isgre, la gẽelgɔ, la pɔ'ɔg-taaba, la ya'anzũm, la zẽk-m-mẽŋa, la ɩr-yooro wʋn bɔna ya tẽŋasʋka.

Galatɩ 6:3

Nẽra sãn tẽ'esɛ tɩ ẽŋa de la sɛla dee ka dɛna sɛla sɛla, a pã'asrɩ la a mẽŋa.

Kolɔsɩ 1:21

La yãma mẽ daan zãagɛ mɛ la Nawẽnnɛ, ya daan de la bɛ'ɛba ya pʋtẽ'e-be'ero, la ya tõon-be'ero la ĩyã.

Kolɔsɩ 3:7

Yãma n daan vɔa tõon-be'ero pʋam na, ya mẽ daan ɩtɩ la bɛla.

2 Timoti 3:13

La tõon-be'ero dõma, la sɛba n pã'asrɩ nẽrba wʋn ken kẽ'era la tõon-be'ero pʋam pa'asra wɛ'ɛsa, ba pã'asrɩ la nẽrba, dee pã'asra ba mẽŋa.

2 Timoti 3:6

Ba nẽrba basɛba kẽ'erɩ la yiɛ pʋam pã'asra pɔg-sɛba yɛm n ka boe zẽ'a ayɩla la. Pɔg-bãma tõm na tõon-be'ero tɩ la dɛna zeero bɔ ba, ban boorɩ se'em na n tarɩ ba yɛ'ɛna,

Taitusi 1:16

Ba yetɩ bãma mi Nawẽnnɛ mɛ, la ba tõoma la pa'alɩ tɩ ba sɩ'ɩsrɩ Nawẽnnɛ mɛ. Ba de la nẽr-bɛ'ɛsɩ gãŋɛ, la ba ka sakrɩ Nawẽnnɛ nõorɛ, dee ka tãna wʋn tõm tõon-sõŋɔ.

Taitusi 2:12

A zãsnɩ tõma tɩ tɩ basɛ la sɛla n ka dolɩ Nawẽnnɛ sore, la dũnia nẽrba n boorɩ sɛla la, dee vɔa dũnia wã zuo la pʋtẽ'e-sõŋɔ, la sɩra, dee dɔla Nawẽnnɛ sore sõŋa.

Yemesi 1:26

Nẽr-sɛka woo n tẽ'esrɩ tɩ ẽŋa de la nẽra n dolɩ Nawẽnnɛ, dee ka tãna a nõorɛ yõkra, a pã'asrɩ la a mẽŋa, nẽr-ẽŋa Nawẽnnɛ doosgo la de la zãŋa.

1 Pita 1:14

Sakra-ya Nawẽnnɛ nõorɛ, da le vɔa-ya wʋ yãma n daan nãn ka bãŋɛ Nawẽnnɛ sɩra, tɩ ya yɛmleego botɩ ya bɔɔra sɛla n de be'em na.

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 13:14

Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

Lilegere 18:2

A tɔgɛ la ke'enke'em yetɩ: «A lui mɛ, a lui mɛ! Babilɔnɩ n de tẽn-kãtɛ la lui mɛ. A lebge la kʋlkã'arsɩ kẽ'a zẽ'a, a de la kʋlkã'ar-bɛ'ɛsɩ, la bõn-ẽgla n de bõn-dẽgrɔ tɩ nẽrba sisri sʋka zẽ'a.