Taitusi 3:2 - Farefare Ninkaré

² Ba da tɔgra nẽrba be'em, ba da dɛna zɛbzɛbrɩba, la ba dɛna nẽrba n tarɩ sũ-mã'asʋm, dee ɩta sũ-bʋgsʋm la nẽrba wuu.

ZE'ELEGO PAALEGA

² ba da tɔgera be'em bɔ'ɔra nɛra, ba bahɛ nɔkpɛ'ɛma, ba ana ma'ma, gee tara nɔsunɛ la nɛrawoo.

Taitusi 3:2 ပူးပေါင်းရင်းမြစ်များ

Amatie 11:29

Dɩkɛ-ya mam sɔgrɩga sɔgɛ ya mẽŋa, zãsʋm sɛla tɩ mam wʋn pa'alɛ ya la, tɩ ya wʋn yẽ vo'osgo. Se'ere n soe la, mam de la sũ-bʋgsʋm dãana, la sik-m-mẽŋa dãana.

Tõoma 23:5

Tɩ a lerge yetɩ: «M sɔbiisi, mam ka mi tɩ a de la Nawẽnnɛ kãabgɔ kẽma nẽŋadãana. Se'ere n soe la, Nawẽnnɛ gõŋɔ pʋam la gʋlsɛ yetɩ: ‹Da tɔgɛ fʋ buuri nẽŋadãana be'em.› »

1 Korẽntɩ 6:10

bɩɩ nayigba, bɩɩ sɛba n nõŋɛ bõnɔ, bɩɩ sɛba n yũuri dãam bugra, bɩɩ sɛba n tʋʋrɩ nẽrba, bɩɩ fãarba, bãma kãn kẽ Nawẽnnɛ so'olʋm pʋam.

1 Korẽntɩ 9:19

Mam soe m mẽŋa mɛ, mam dagɩ nẽra yamŋa. La baa bɛla, mam dɩkɛ m mẽŋa lebge la nẽrba wuu yamŋa, tɩ m tã'agɛ botɩ ba nẽrba zozo'e dɔla Krisi.

2 Korẽntɩ 10:1

Mam Apolɩ tɩ ya yetɩ, mam sãn bɔna yãma zẽ'am, mam de la nẽr-bʋgsgɔ, la mam sãn ka bɔna yãma zẽ'am, mam tarɩ la bʋraanɛ tɔgra la, mam belnɩ ya mɛ la Krisi sũ-bʋgsʋm, la a sõŋa.

2 Korẽntɩ 12:20

Mam zotɩ mɛ tɩ m wʋn wa paam ya zẽ'am yẽ tɩ ya ka ãn wʋ mam n boorɩ se'em na, tɩ yãma mẽ yẽ tɩ mam ka ãn wʋ yãma n boorɩ se'em na. Mam zotɩ mɛ tɩ zɛbrɛ, la ɩta sũure la taaba, la sũ-isgre, la gẽelgɔ, la pɔ'ɔg-taaba, la ya'anzũm, la zẽk-m-mẽŋa, la ɩr-yooro wʋn bɔna ya tẽŋasʋka.

Galatɩ 5:22

La Nawẽnnɛ Sɩa tõoma de la nõŋlʋm, la sũ-yẽlga, la sũ-mã'asʋm, la sũ-mã'arɛ, la sõŋa, la ɩr-sõŋɔ, la ẽŋɛ sɩra,

Galatɩ 6:1

M sɔbiisi, ya sãn yẽ nẽra tɩ a tõnnɩ tõon-be'ero, yãma sɛba tɩ Nawẽnnɛ Sɩa boe la ya lɛ la, pa'alɛ-ya ẽ la sũ-bʋgsʋm tarɩ ẽ leme so-sõŋɔ la zuo. La guuse fʋ mẽŋa, tɩ fʋ mẽ da po tõm a tõon-be'ero la.

Galatɩ 6:10

Bɛla, tɩn yẽ folle sɛka woo, tɩ tõm ẽŋɛ nẽrba wuu sõŋa, lan gãnnɩ wuu, tɩ ɩta sɛba n lagɩm na tõma bɔ Krisi sɩra la sõŋa.

Efɛɛzɩ 4:2

La masɛ mɛ tɩ ya sikra ya mẽŋa sɛla woo pʋam, tara sũ-bʋgsʋm, la sũ-mã'arɛ, la ya tara nõŋlʋm da isgra sũure la taaba.

Efɛɛzɩ 4:31

Basɛ-ya sũ-toogo, la sũ-yĩire, la sũ-isgre, la nõke'ene, la taaba tʋʋrɛ, la pʋtʋʋlgɔ wuu.

Filipi 4:5

Basɛ-ya tɩ nẽrba wuu bãŋɛ ya sũ-bʋgsʋm yelle. Zuudãana la lemŋo lɛm mɛ.

1 Tesaloniki 2:7

La tõma daan tarɩ nõorɛ mɛ, tõma n de Krisi Tõntõnɩba la ĩyã, la tõma daan ka ẽŋɛ bɛla. Tõma daan tarɩ la sũ-bʋgsʋm ya zẽ'am, wʋ pɔka n bɩsrɩ a kɔma yelle sõŋa se'em na.

1 Timoti 3:11

La ba pɔgba mẽ masɛ tɩ ba dɛna la nẽrba tɩ ba nannɩ, ba da dɛna nẽrba n tɔgrɩ nẽrba be'em, ba tara ba mẽŋa sõŋa, dee dɛna sɩra dõma sɛla woo pʋam.

1 Timoti 3:3

A da dɛna nẽra n dɩkɛ a mẽŋa bɔ dãam, a da dɛna zɛbzɛbra, a dɛna sũ-bʋgsʋm dãana, da nõŋɛ girgiri, la a da nõŋɛ bõnɔ.

Yemesi 3:17

La yɛm n ze'ele Nawẽnnɛ zẽ'am ãn na sõŋa ka tara dẽgrɔ, dee botɩ nẽra tara sũ-mã'asʋm la a taaba, la sũ-bʋgsʋm, ɩta sugri, zɔta nẽrba ninbãalga zozo'e, tõnna tõon-sõma zozo'e, ka bɔkra nẽrba, dee ka dɛna pʋlibsum dãana.

Yemesi 4:11

M sɔbiisi, da tɔgra-ya taaba yelle be'em. Nẽr-sɛka n tɔgɛ a tadãana yelle be'em, bɩɩ zɛrgra ẽ, a tɔgrɩ la Nawẽnnɛ lɔɔ la be'em dee zɛrgra ẽ. La fʋ sãn zɛrgra lɔɔ la, fʋ ka sakrɩ lɔɔ la, fʋ lebge la lɔɔ la sarɩyadita.

1 Pita 2:1

Bɛla, basɛ-ya pʋtʋʋlgɔ wuu, la põmpɔrŋɔ, la pʋlibsum, la sũure, la taaba pɔ'ɔrɛ.

1 Pita 3:10

La gʋlsɛ Nawẽnnɛ gõŋɔ pʋam yetɩ: «Nẽr-sɛka n boorɩ tɩ a vɔm ãna yẽlʋm, dee tɩ a yẽ sũ-yẽlga, dẽnɩ tɩ a yõkɛ a nõorɛ la yetɔg-be'ero, dee basɛ põmpɔrŋɔ.

1 Pita 3:8

Ba'asgɔ pʋam, mam yetɩ ya wuu tɩ ya tara pʋtẽ'erɛ ayɩla, la taaba zĩile, la sɔbiisi nõŋrɛ, la ninbãal-zʋa, la sik-m-mẽŋa.

1 Pita 4:4

La lɛɛlɛ wã, yãma n ka le lagɩm na ba lɛ tõnna tõon-dẽgrɔ bãma la, ba ka bãŋɛ a võorɛ, tɩ ba tʋʋra ya.

2 Pita 2:10

Nẽr-sɛba n dolɩ ba yɛmleego n boorɩ se'em n de tõon-dẽgrɔ, dee pɔ'ɔra Nawẽnnɛ n tarɩ nõorɛ la ba lɛ la, a wʋn sɩbgɛ la bãma gãnna. Põmpɔrŋɔ karẽnsãandõma la de la zẽk-m-mẽŋa dõma, la tɩta'alʋm dõma, ba ka zotɩ dabeem tɩ ba tʋ saazuum pãnsɩ dõma.

Azudi 1:10

Nẽr-bãma tɔgrɩ la sɛla tɩ ba ka mi be'em, ba ɩtɩ la yooryooro, ba ãn wʋ dũnsi n ka tarɩ yɛm n ɩtɩ se'em na, bõn-ẽŋa n sã'anɩ ba.

Azudi 1:8

La de la bõn-bãma buuri n bɛla tɩ nẽr-bãma mẽ ɩtɩ. Ban tẽ'esrɩ se'em na botɩ ba dẽgra la ba mẽŋa, ba pɔ'ɔrɩ Nawẽnnɛ n tarɩ nõorɛ la ba lɛ la mɛ, dee tʋʋra saazuum pãnsɩ dõma.