Taitusi 3:1 - Farefare Ninkaré

¹ Tẽegɛ ba wuu yetɩ la masɛ mɛ tɩ ba nanna tẽŋa la nẽŋadõma, la kɛ'ɛndõma dee sakra ba nõorɛ, dee tõnna tõon-sõma buuri wuu.

ZE'ELEGO PAALEGA

¹ Tiihɛ ba ti ba sigehe ba mɛhi bo' nɛhi duma, la kpɛ'ɛnduma, ba nana ba. Ba maahum ba mɛhi bo' tunsunɛ woo,

Taitusi 3:1 ပူးပေါင်းရင်းမြစ်များ

Amatie 22:21

Tɩ ba lerge yetɩ: «La de la Rom na-keko la.» Tɩ Azezi yele ba yetɩ: «La sãn dɛna bɛla, bɔ-ya na-keko la ẽŋa n soe bõn-sɛka, dee bɔ Nawẽnnɛ ẽn soe bõn-sɛka.»

1 Korẽntɩ 15:58

Bɛla, m sɔbi-nõŋrɩsɩ, mõrgɛ-ya ze'ele kãŋkãŋɛ. Tõnna-ya Zuudãana tõoma la wakatɛ wuu da basɛ, yãma n mi tɩ nãmsgɔ sɛka tɩ ya nãmsrɩ Zuudãana la ĩyã dagɩ zãŋa la.

Efɛɛzɩ 2:10

La de la Nawẽnnɛ n nãam tɔ, botɩ tɩ lagɩm na Azezi-krisi dɛna ayɩla, tõnna tõon-sõma tɩ a põn dẽŋɛ mãasʋm tɩ tɩ wa tõm na.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Kolɔsɩ 1:10

Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

1 Timoti 2:2

Sɔsra-ya Nawẽnnɛ bɔ'ɔra na'adõma, la sɛba wuu n tarɩ ke'eŋo, tɩ tɩ tã'agɛ vɔa la laafɛ, tɩ dãaŋɔ da bɔna, tɩ tɩ tã'agɛ dɔla Nawẽnnɛ sore sõŋa, tɩ tɩ yel-ɩrɛ ãna sõŋa.

1 Timoti 4:6

Pa'alɛ sɔbiisi la bɛla, tɩ fʋ wʋn dɛna Azezi-krisi tõntõn-sõŋɔ, n to'oge Nawẽnnɛ yetɔga tɩ fʋ bɔ sɩra la, tɩ a pa'asra fʋ pãŋa, dee dɔla zãsŋɔ n de sɩra la sõŋa.

1 Timoti 5:10

La dẽnɩ tɩ nẽrba mina tɩ a de la tõon-sõma dãana, la a uge kɔma sõŋa, la a de la nẽra n ẽŋɛ nẽrba sãanɔ, la a peege Nawẽnnɛ nẽrba nãma, la a sõŋɛ nẽr-sɛba n nãmsɛ, dee dɛna nẽra n tõm tõon-sõma buuri wuu.

2 Timoti 1:6

La de la bɛla tɩ mam tẽera fɔ tɩ fʋ dɩkɛ bɔ'a la tɩ mam daan dɩkɛ m nu'usi paglɛ fʋ zuo tɩ Nawẽnnɛ bɔ fɔ la, malɩn tõm gãŋɛ bɛla.

2 Timoti 2:14

Tẽegɛ nẽrba la bõn-bãma, dee kã'an ba Nawẽnnɛ nẽŋam tɩ ba da wẽ'era nõkɛ'ɛma yetɔg-biɛ yɛla, tɩ ba ka tarɩ yõorɔ baa fẽfẽe, dee sã'ana sɛba n selsrɩ la.

2 Timoti 2:21

Bɛla mẽ, nẽra sãn zãagɛ a mẽŋa la tõon-be'ero sɛba tɩ mam pa'alɛ wã, a wʋn ãna wʋ tʋʋlʋm lɔkɔ n welge to'ore tara yõorɔ bɔ Zuudãana, dee tãna wʋn tõm tõon-sõma buuri wuu.

Taitusi 1:16

Ba yetɩ bãma mi Nawẽnnɛ mɛ, la ba tõoma la pa'alɩ tɩ ba sɩ'ɩsrɩ Nawẽnnɛ mɛ. Ba de la nẽr-bɛ'ɛsɩ gãŋɛ, la ba ka sakrɩ Nawẽnnɛ nõorɛ, dee ka tãna wʋn tõm tõon-sõŋɔ.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Taitusi 3:14

Tõma nẽrba la masɛ mɛ tɩ ba zãsʋm tõnna tõon-sõma tɩ la sõŋɛ sɛba n boorɩ sõŋrɛ la, dee da vɔa vɔm n ka tarɩ yõorɔ.

Taitusi 3:8

Yetɔg-ẽna de la sɩra. Bɛla tɩ mam bɔɔra tɩ fʋ mõrgɛ pa'alɛ ba yel-bãma, tɩ nẽr-sɛba n bɔ Nawẽnnɛ sɩra la mõrgɛ tõnna tõon-sõma. Yel-bãma n ãn sõŋa dee tara yõorɔ bɔ'ɔra nẽrba.

Hiburuduma 13:21

Nawẽnnɛ wʋn basɛ tɩ ya tã'agɛ ɩta sɛla woo n ãn sõŋa, dɔla a yɛm n boorɩ se'em. A wʋn basɛ tɩ sɛla n ãn a sũure yẽlʋm ẽŋɛ tɩ pʋam, Azezi-krisi ĩyã, ẽŋa n de sɛka n masɛ nã'asgɔ wakatɛ n ka ba'asrɩ. Amina.

2 Pita 1:12

La de la bɛla ĩyã tɩ mam tẽera ya bõn-bãna wakatɛ wuu, baa la yãma n põn mina ba, la yãma n ze kãŋkãŋɛ sɩra la tɩ ya to'oge la pʋam na.

Azudi 1:5

Baa la yãma n mi bõn-bãma wuu sõŋa sõŋa la, mam boorɩ tɩ m tẽegɛ ya mɛ tɩ Nawẽnnɛ n yʋʋn fãagɛ a nẽrba Ezipti tẽŋa la, a yʋʋn yãŋa basɛ mɛ tɩ nẽr-sɛba n ka bɔ ẽ sɩra la ki.