Taitusi 2:2 - Farefare Ninkaré

² Zãsʋm bʋra-yã'asɩ tɩ ba tara ba mẽŋa sõŋa, ba dɛna nẽrba tɩ ba nannɩ, ba tara pʋtẽ'e-sõŋɔ, la ba dɛna nẽrba n dolɩ Nawẽnnɛ sɩra la sõŋa, ba tara nõŋlʋm, dee dɛna nẽrba n mã'agɛ ba sũure sẽnna nẽŋa.

ZE'ELEGO PAALEGA

² Yele buraa kureba la ti, ba da dɛna susuya duma, gee ba dɛna ninmu'urɛ duma, yɛm duma, kpe'em sakerɛ puan, nɔŋerɛ la ŋmibega puan.

Taitusi 2:2 ပူးပေါင်းရင်းမြစ်များ

Amarkɩ 5:15

La ban paagɛ Azezi zẽ'am na, ba yẽ bʋraa la tɩ kʋlkã'arsɩ la daan dolɩ ẽ na n zĩ mĩ, yɛ futo, tɩ a yɛm bɔna sõŋa sõŋa. Tɩ dabeem kẽ ba.

Aluki 8:35

Tɩ nẽrba sẽŋɛ tɩ ba ka bɩsɛ lan ẽŋɛ se'em na. La ban paagɛ Azezi zẽ'am na, ba yẽ bʋraa la tɩ kʋlkã'arsɩ la yese dee basɛ ẽ na, tɩ a yɛ la futo zẽa Azezi nẽŋam, dee tarɩ yɛm sõŋa sõŋa. Tɩ dabeem kẽ ba.

Tõoma 24:25

La Apolɩ n yãŋa wa tɔgra ɩrgɔ n masɛ, la yõk-m-mẽŋa, la sarɩyadia n sẽm yelle, tɩ dabeem yõkɛ Afeligsi, tɩ a yele Apolɩ yetɩ: «Basɛ bɛla, mam sãn wa yẽ nẽŋa, mam wʋn le wi fo.»

Aromduma 12:3

Nawẽnnɛ yel-sõnnɛ tɩ a ẽŋɛ bɔ mam na ĩyã, mam yetɩ ya wuu mɛ, tɩ ya da tẽ'esɛ tẽ'esgɔ n gãnnɩ ya mẽŋa. La tara ya tẽ'esgɔ n masɛ, tɩ la doose wʋ Nawẽnnɛ bɔ'a tɩ a bɔ ya nẽra woo, yãma n bɔ ẽ sɩra la.

1 Korẽntɩ 15:34

Basɛ-ya tẽ'esɛ yooro, dee da le tõnna tõon-be'ero. Mam yetɩ ya tɩ la de la yãnnɛ bɔ ya: Ya nẽrba basɛba ka mi Nawẽnnɛ.

1 Korẽntɩ 9:25

Zɔtba wuu yõkrɩ ba mẽŋa mɛ sɛla woo pʋam tɩ ba to'oge bɔ'a n kãn yuuge dee sã'am. La tõma yõkrɩ tɩ mẽŋa tɩ tɩ wa to'oge la bɔ'a n kãn malɩn sã'am.

2 Korẽntɩ 5:13

Tõma sãn dɛna zɔllɔ, la de la Nawẽnnɛ ĩyã. La tõma sãn ka zalla, la de la yãma sõŋrɛ ĩyã.

Galatɩ 5:23

la sũ-bʋgsʋm, la yõk-m-mẽŋa. Lɔɔ ka boe n sɩ'ɩsrɩ bõn-bãma.

Filipi 4:8

M sɔbiisi, sɛla n deege, basɛ-ya tɩ ya pʋtẽ'era tẽ'esra sɛla woo n de sɩra, la sɛla woo n narɩ nã'asgɔ, la sɛla woo n masɛ, la sɛla woo n tarɩ pʋpeelem, la sɛla woo n ɩtɩ sũure yẽlʋm, la sɛla woo tɩ nẽrba yetɩ la ãn sõŋa, tẽ'esra-ya bõn-sɛba wuu n ãn sõŋa masɛ pẽka yelle.

1 Tesaloniki 5:6

Bɛla, tɩ da gĩsra-ya wʋ nẽrba basɛba la, tɩ nẽegɛ-ya mãasʋm tara tɩ mẽŋa sõŋa.

1 Tesaloniki 5:8

La tõma n de wʋntɛɛŋa nẽrba la, tɩ tara tɩ mẽŋa sõŋa. La tɩ bɔ Azezi sɩra, dee tara nõŋlʋm wʋ kuto fuugo tɩ sʋdaaga dɩkɛ pĩ a yõ'ogɔ tɩ la gu'ura ẽ zɛbrɛ pʋam na. Dee basɛ tɩ fãarɛ la tɩ ya tarɩ pʋtẽ'erɛ gu'ura la, ãna wʋ kuto zuu-wannɛ gu'ura ya.

1 Timoti 1:10

la sɛba n ɩtɩ yalsɩ, la bʋra-sɛba n gã la taaba, la pɔg-sɛba n gã la taaba, la sɛba n yõgrɩ nẽrba kɔɔsra, la põmpɔrndõma, la sɛba n pɔtɩ dee ka ɩta ban yele se'em na, la nẽr-sɛba n ɩtɩ sɛla woo n sɩ'ɩsrɩ sɩra kõ-yẽlga la ĩyã.

1 Timoti 1:14

Tɩ Zuudãana Azezi-krisi la ẽŋɛ mam a yel-sõnnɛ mɛ zozo'e, botɩ mam bɔ ẽ sɩra, dee tara a nõŋlʋm.

1 Timoti 1:2

Mam gʋlsɛ gõŋɔ wã bɔ'ɔra la Atimõtɩ n lebge mam mẽŋa bia Azezi-krisi doosgo la pʋam. Tɩ Sɔ Nawẽnnɛ, la tɩ Zuudãana Azezi-krisi wʋn ẽŋɛ fʋ yel-sõnnɛ, dee zoe fʋ ninbãalga, dee bɔ fɔ sũ-mã'asʋm.

1 Timoti 1:5

Mam yetɩ fʋ yele ba bɛla, tɩ ba tara la pʋtẽ'erɛ n ãn sõŋa, dee bãŋɛ ba sũure pʋam tɩ ba ka tarɩ dõrga, dee bɔ Nawẽnnɛ sɩra la ba sũure wuu tɩ ba nõŋlʋm zo'oge.

1 Timoti 3:11

La ba pɔgba mẽ masɛ tɩ ba dɛna la nẽrba tɩ ba nannɩ, ba da dɛna nẽrba n tɔgrɩ nẽrba be'em, ba tara ba mẽŋa sõŋa, dee dɛna sɩra dõma sɛla woo pʋam.

1 Timoti 3:2

La dẽnɩ tɩ nẽŋadãana dɛna nẽra n ka tarɩ dõrga, la a dɛna pɔg-yẽŋa dãana, la a dɛna nẽra n tarɩ a mẽŋa sõŋa, dee tara pʋtẽ'e-sõŋɔ, a dɛna nẽra tɩ ba nannɩ, la a dɛna nẽra n ɩtɩ nẽrba sãanɔ, dee tãna wʋn zãsʋm nẽrba.

1 Timoti 3:4

A dɛna nẽra n bɩsrɩ a yir-dõma yelle sõŋa, tɩ a kɔma sakra a yetɔga, nã'asra ẽ sɛla woo pʋam.

1 Timoti 3:8

Yel-bɩsrɩba mẽ masɛ mɛ tɩ ba dɛna nẽrba tɩ ba nannɩ, ba da dɛna nẽrba n tarɩ nõgõla, ba da yũura dãam bugra, ba da dɛna nẽrba n ɩtɩ sɛla n ka masɛ yẽta bõntarsõm.

1 Timoti 5:1

Bʋra-yã'aŋa sãn ẽŋɛ sɛla, da tãsɛ ẽ, kã'an ẽ wʋ fʋ sɔ la. Kã'an kɔmbɩ'ɩsɩ wʋ fʋ sɔbiisi la,

Taitusi 1:13

Yel-ẽŋa de la sɩra, bɛla ĩyã, kã'an ba sõŋa sõŋa tɩ ba dɔla Nawẽnnɛ sɩra la sõŋa.

Taitusi 1:8

La masɛ mɛ tɩ a ɩta sãama sãanɔ, la a dɛna nẽra n nõŋɛ sɛla n ãn sõŋa ɩrgɔ, la a tara pʋtẽ'e-sõŋɔ, la a dɛna nẽra n masɛ sɛla woo pʋam, la a dɛna pʋpeelem dãana, la a tãna a mẽŋa yõkra.

Taitusi 2:7

Fõn mẽŋa botɩ fʋ yel-ɩrɛ wuu ãna sõŋa, pa'alɛ ba ban wʋn ãna se'em, la fʋ zãsʋm nẽrba Nawẽnnɛ yetɔga la sɩra, la ninmõ'orɛ.

Afilmõ 1:9

mam sosrɩ fʋ la nõŋlʋm. La de la mam Apolɩ n de bʋra-yã'aŋa, mam boe la yʋ'a deem lɛɛlɛ wã Azezi-krisi yelle.

1 Pita 1:13

Bɛla ĩyã, yõkɛ ya tagsgɔ tara ya mẽŋa sõŋa, dee gu'ura la ya sũure wuu yel-sõnnɛ na tɩ ya tarɩ pʋtẽ'erɛ gu'ura tɩ Nawẽnnɛ yetɩ a ẽŋɛ bɔ ya Azezi-krisi lemŋo wakatɛ la.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

1 Pita 5:8

Dɛna-ya nẽrba n yõkrɩ ya mẽŋa, dee guusra ya mẽŋa sõŋa, tɩ ya bɛ Asũtãana eerɩ ya mɛ, wʋ gɩgnɛ n kaarɩ ɛɛra sɛla tɩ a yõkɛ obe.

2 Pita 1:6

tɩ bãŋrɛ la pʋam, yõk-m-mẽŋa pa'asɛ, tɩ yõk-m-mẽŋa la pʋam, wĩbga pa'asɛ, tɩ wĩbga la pʋam, Nawẽnnɛ doosgo sɩra sɩra pa'asɛ,