Taitusi 2:14 - Farefare Ninkaré

¹⁴ Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

ZE'ELEGO PAALEGA

¹⁴ Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Taitusi 2:14 ပူးပေါင်းရင်းမြစ်များ

Amatie 1:21

A wʋn dɔgɛ la budibla, tɩ fʋ sɩ a yʋ'ʋrɛ tɩ Azezi, la de ẽŋa n wʋn fãagɛ a nẽrba la ba tõon-be'ero pʋam basɛ.»

Amatie 20:28

Nẽrsaala Dayʋa la ka wa'am tɩ nẽrba tõm bɔ ẽ, a wa'am tɩ a tõm mɛ bɔ, dee dɩkɛ a vɔm bɔ tɩ nẽrba zozo'e yẽ fãarɛ.»

Amatie 3:12

Ẽŋa wʋn welge nẽrba wʋ nẽra n zãlɩ pɩ'ɩgɔ a nu'usum tɩ a vaagɛ a si zɛɛŋa yeele, ẽŋɛ a bãarɛ pʋam dee yõ urgo la, la bugum n ka kĩŋri.»

Azã 10:15

wʋ mam Sɔ Nawẽnnɛ n mi mam, tɩ mam mẽ mina ẽ se'em na. Mam sakɛ kũm mɛ m piisi la ĩyã.

Azã 6:51

Mam n de di-sɛka n bɔ'ɔrɩ vɔm n ze'ele Nawẽnnɛ yire sigum, tɩ nẽra sãn di di-ẽna, a wʋn vɔa wakatɛ wuu. La di-sɛka tɩ mam wʋn bɔ dũnia dõma tɩ ba yẽ vɔm na, de la mam ĩyã.»

Tõoma 15:14

Asimõ-pɩyɛɛrɩ tɔgɛ pa'alɛ la Nawẽnnɛ n dẽŋɛ bɩsɛ bu-zãŋsɩ yelle se'em, looge ba nẽrba basɛba tɩ ba dɛna a mẽŋa nẽrba.

Tõoma 15:9

La a ka welge tõma la bãma. La ban bɔ Azezi sɩra la ĩyã tɩ a yese be'em ba sũure pʋam basɛ.

Tõoma 20:28

Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa.

Tõoma 9:36

La pɔka ayɩla n daan boe Zope dɛna Azezi karẽnbia tɩ a yʋ'ʋrɛ dɛna Atabita. (Tɩ Grɛkɩdõma yetɩ, Adɔrkasɩ, a võorɛ de la «mõlfɔ».) A daan tõnnɩ la tõon-sõma sõŋra nasdõma.

Galatɩ 1:4

Azezi-krisi n dɩkɛ a mẽŋa bɔ tɩ ba kʋ ẽ tõma tõon-be'ero ĩyã, tɩ a fãagɛ tɔ dũnia wã be'em pʋam basɛ, wʋ tɩ Sɔ Nawẽnnɛ n boorɩ se'em na.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Galatɩ 3:13

La tõma n ka ẽŋɛ lɔɔ la n yele se'em na wuu ĩyã, Nawẽnnɛ kã'a-be'ego n boe tõma zuto. La Krisi n ki dɔ-puurŋa zuo la, a dɔkɛ kã'a-be'ego la tõma zuto mɛ, tɩ ẽŋa mẽŋa sɔɔgɛ tõma zẽ'am, tɩ kã'a-be'ego la bɔna a zuugo, se'ere n soe la, la gʋlsɛ yetɩ: «Kã'a-be'ego boe nẽr-sɛka tɩ ba yulse ẽ dɔɔgɔ zuo la zuugo.»

Efɛɛzɩ 1:11

Nawẽnnɛ n basɛ tɩ sɛla woo ɩta wʋ ẽn boorɩ se'em na, n dẽŋɛ looge tõma tɩ tɩ dɛna a nẽrba Krisi ĩyã.

Efɛɛzɩ 2:10

La de la Nawẽnnɛ n nãam tɔ, botɩ tɩ lagɩm na Azezi-krisi dɛna ayɩla, tõnna tõon-sõma tɩ a põn dẽŋɛ mãasʋm tɩ tɩ wa tõm na.

Efɛɛzɩ 5:2

Ɩta-ya sɛla woo la nõŋlʋm wʋ Krisi n nõŋɛ tɩ se'em dɩkɛ a vɔm bɔ tõma ĩyã, tɩ la ãna wʋ kãabgɔ n tarɩ yũuŋ-sõŋɔ paara Nawẽnnɛ yɛm na.

1 Timoti 1:15

Yetɔg-sɛka tɩ mam yetɩ m tɔgɛ wã de la sɩra, la a masɛ mɛ tɩ nẽra woo to'oge ẽ sõŋa: «Azezi-krisi wa'am dũnia zuo wa fãagɛ la tõon-be'ero dõma.» La mam n de tõon-be'ero dãana gãnna ba wuu.

1 Timoti 2:10

Ba basɛ tɩ ba yel-ɩrɛ ãna sõŋa wʋ pɔgsɩ n nannɩ Nawẽnnɛ n masɛ tɩ ba ɩta se'em.

1 Timoti 2:6

La de la ẽŋa n dɩkɛ a vɔm yɔ to'oge nẽrba wuu basɛ, bɛla de la kaseto n pa'alɛ tɩ Nawẽnnɛ n boorɩ tɩ a fãagɛ nẽrba wuu, a pa'alɛ bɛla la wakat-sɛka tɩ a looge la.

1 Timoti 6:18

Kã'an ba yetɩ, ba ɩta sõŋa, ba dɛna nẽrba n tõnnɩ tõon-sõma zozo'e, la ba dɛna nẽrba n bɔ'ɔrɩ, dee pʋta sɛla tɩ ba tarɩ bɔ'ɔra nẽrba la sũ-yẽlga.

Taitusi 2:7

Fõn mẽŋa botɩ fʋ yel-ɩrɛ wuu ãna sõŋa, pa'alɛ ba ban wʋn ãna se'em, la fʋ zãsʋm nẽrba Nawẽnnɛ yetɔga la sɩra, la ninmõ'orɛ.

Taitusi 3:8

Yetɔg-ẽna de la sɩra. Bɛla tɩ mam bɔɔra tɩ fʋ mõrgɛ pa'alɛ ba yel-bãma, tɩ nẽr-sɛba n bɔ Nawẽnnɛ sɩra la mõrgɛ tõnna tõon-sõma. Yel-bãma n ãn sõŋa dee tara yõorɔ bɔ'ɔra nẽrba.

Hiburuduma 1:3

Ẽŋa n tarɩ Nawẽnnɛ na'am pãŋa wa pa'alɛ tɔ, a ãn wʋ Nawẽnnɛ mẽŋa n ãn se'em na. La a yetɔga la tarɩ pãŋa mɛ botɩ sɛla woo bɔna a zẽ'a. Ẽŋa n yese nẽrsaalba tõon-be'ero tɩ ba lebge sõŋa la poorʋm, a sẽŋɛ ka zẽa la Naba Wẽnnɛ zʋʋgɔ saazuum-zuum.

Hiburuduma 10:24

Tɩ bɩsra taaba yelle wʋn kɛŋra taaba, tɩ tɩ tara nõŋlʋm, dee tõnna tõon-sõma.

Hiburuduma 9:14

Krisi zɩɩm na tarɩ pãŋa mɛ gãnna bɛla zozo'e. Ẽŋa ka tarɩ tuure, la doose la Nawẽnnɛ Sɩa n boe wakatɛ wuu tɩ a dɩkɛ a mẽŋa bɔ Nawẽnnɛ, peege tɩ tõon-be'ero n sẽm na kũm na, tɩ tɩ sũure ãna sõŋa, tɩ tɩ tõnna bɔ'ɔra vɔm dãana Nawẽnnɛ.

Yemesi 4:8

Lɛm-ya Nawẽnnɛ, tɩ a mẽ wʋn lɛm ya. Tõon-be'ero dõma, peege ya nu'usi, pʋtẽ'era ayi dõma, peege ya sũure.

1 Pita 1:18

Nawẽnnɛ fãagɛ ya mɛ vɔm sɛka n ka tarɩ yõorɔ tɩ ya daan zãsʋm ya yaabdõma zẽ'am na pʋam. Ya mi tɩ la dagɩ bõn-sɛba n sã'anɩ wʋ sãlma, bɩɩ zũuro tɩ a dɩkɛ yɔ fãagɛ ya.

1 Pita 1:22

Yãma n sakɛ sɩra la, ya lebge la pʋpeelem dõma, tɩ ya nõŋɛ ya sɔbiisi la nõŋlʋm sɩra sɩra. Bɛla, nõŋɛ-ya taaba zozo'e la ya sũure wuu.

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.

1 Pita 3:18

Krisi nãmsɛ mɛ ki bʋyɩla tɩ a yese tõon-be'ero, ẽŋa n de sɛka n masɛ la, ki la sɛba n ka masɛ ĩyã, tɩ a tarɩ ya sẽŋɛ Nawẽnnɛ zẽ'am. Ba kʋ ẽ mɛ, tɩ Nawẽnnɛ Sɩa basɛ tɩ a vo'oge

1 Zã 1:7

La tɩ sãn vɔa peelem pʋam wʋ Nawẽnnɛ mẽŋa n boe peelem pʋam na, tɩ tarɩ lagɩmtaarɛ la taaba mɛ, la a Dayʋa Azezi zɩɩm peerɩ tɩ mɛ yɛsra tɩ tõon-be'ero wuu.

1 Zã 1:9

Tɩ sãn pelge tɩ pʋʋrɛ tɔgɛ tɩ tõon-be'ero, Nawẽnnɛ wʋn basɛ tɩ tõon-be'ero taalɛ mɛ, dee peege to, yese sɛla wuu n ka masɛ, se'ere n soe la, a de la sɩra dãana dee ɩta sɛla n masɛ.

1 Zã 3:2

M sɩr-nõŋrɩsɩ, lɛɛlɛ wã tɩ de la Nawẽnnɛ kɔma. La tɩn wʋn wa ãna se'em na nãn ka puke. La tɩ mi tɩ Krisi sãn wa puke, tɩ wʋn ãna wʋ ẽŋa n ãn se'em na, tɩn wʋn wa yẽ ẽŋa n ãn se'em na ĩyã.

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.