Taitusi 2:11 - Farefare Ninkaré

¹¹ Bẽm ĩyã, Nawẽnnɛ botɩ tɩ bãŋɛ a yel-sõnnɛ la n de fãarɛ bɔ nẽrsaalba wuu la mɛ.

ZE'ELEGO PAALEGA

¹¹ Se'ere en sɔi la, Yinɛ zu'uhegɔ la wa'am na tari la faarɛ na bo' nɛra woo,

Taitusi 2:11 ပူးပေါင်းရင်းမြစ်များ

Amatie 28:19

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ.

Amarkɩ 16:15

A yele bɛla, dee yele ba yetɩ: «Sẽŋɛ-ya dũnia zẽ'a woo ka mõolɛ Nawẽnnɛ kõ-yẽlga la bɔ nẽrba wuu.

Aluki 24:47

Ẽŋa yʋ'ʋrɛ ĩyã tɩ ba wʋn pɔsɛ Zerizalɛm mõolɛ bɔ buuri wuu yetɩ, ba teege yɛm basɛ tõon-be'ero, tɩ Nawẽnnɛ wʋn basɛ ba tõon-be'ero taalɛ.

Aluki 3:6

Bɛla nẽrsaalba wuu wʋn yẽ Nawẽnnɛ n ɩtɩ se'em fãagra nẽrba basra.»

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Azã 1:9

Sɛka n de peelem sɩra sɩra la, ze'ele la Nawẽnnɛ zẽ'am wa'am dũnia zuo. Ẽŋa n nẽegɛ tɩ nẽrsaalba wuu yẽta peelem.

Tõoma 11:23

La ẽn paagɛ yẽ tɩ Nawẽnnɛ ẽŋɛ nẽrba la yel-sõnnɛ se'em na, a sũure ẽŋɛ yẽlʋm mɛ. Tɩ a pa'alɛ ba yetɩ, ba keŋe ba mẽŋa dɔla Zuudãana la ba sũure wuu da basɛ.

Tõoma 13:43

La ban yese tɩ ba fõrgɛ la, tɩ Zifdõma zozo'e, la nẽrba basɛba n dagɩ Zifdõma dee sakɛ dɔla Nawẽnnɛ lɔɔ tɩ a bɔ Zifdõma, daan dɔla Apolɩ la Abarnabasɩ. Tɩ Apolɩ dõma pa'alɛ ba yetɩ, ba mõrgɛ bɔna Nawẽnnɛ yel-sõnnɛ na pʋam.

Tõoma 13:47

Se'ere n soe la, Zuudãana Nawẽnnɛ bɔ tõma nõorɛ yetɩ: ‹Mam looge fo tɩ fʋ ãna wʋ peelem bɔ bu-zãŋsɩ, botɩ nẽrba yẽ fãarɛ dũnia zẽ'esɩ wuu.› »

Tõoma 17:30

Nawẽnnɛ ka geele wakat-sɛka tɩ tõma daan ka mi la. La lɛɛlɛ wã, a bɔ nõorɛ zẽ'a woo yetɩ, nẽrba wuu teege yɛm basɛ tõon-be'ero.

Tõoma 20:24

La mam ka geele m mẽŋa yõvore la tɩ a tarɩ yõorɔ bɔ mam, sɛla n tarɩ yõorɔ bɔ mam de la mam yãŋɛ tõm m tõonɛ na tɩ Zuudãana Azezi bɔ mam na ba'asɛ. Tõon-ẽŋa de la mam mõolɛ Nawẽnnɛ yel-sõnnɛ na kõ-yẽlga.

Aromduma 10:18

Bɛla, mam sokrɩ ya yetɩ, yãma tẽ'esɛ tɩ ba ka wõm kõ-yẽlga la mɛ bɩɩ? Ba wõm mɛ. La de wʋ Nawẽnnɛ gõŋɔ n yele se'em na: «Ba kõa la paagɛ tẽŋa wã wuu mɛ, ba yetɔga la saagɛ dũnia tɛka wuu mɛ.»

Aromduma 5:15

La ba dagɩ bʋyɩla. Adam tuure la, la Nawẽnnɛ bɔ'a la ka tã wʋn dɩkɛ makɛ taaba. Nẽra ayɩla tuure ĩyã n botɩ nẽrba zozo'e kiira. La bãŋɛ-ya tɩ Nawẽnnɛ yel-sõnnɛ n ãn sõŋa gãnna, la de la nẽra ayɩla n de Azezi-krisi ĩyã tɩ Nawẽnnɛ ẽŋɛ nẽrba zozo'e yel-sõnnɛ zo'oge gãŋɛ.

Aromduma 5:2

Azezi-krisi n botɩ tɩ tãna wʋn kẽ Nawẽnnɛ zẽ'am yẽ a yel-sõnnɛ, tõma n bɔ ẽ sɩra la ĩyã. Yel-sõnnɛ ẽŋa tɩ tõma te'ege zɛ kãŋkãŋɛ, dee ɩta sũ-yẽlga tara pʋtẽ'erɛ gu'ura tɩ tɩ wʋn yẽ na'am pãŋa Nawẽnnɛ zẽ'am.

2 Korẽntɩ 6:1

Tõma n lagɩm na Nawẽnnɛ tõnna la ĩyã, tõma sosrɩ ya mɛ tɩ ya da basɛ tɩ yel-sõnnɛ na tɩ ya to'oge Nawẽnnɛ zẽ'am na dɛna zãŋa.

Galatɩ 2:21

Mam ka sakɛ tɩ Nawẽnnɛ yel-sõnnɛ na de la zãŋa. La sãn dɛna la nẽra n dolɩ lɔɔ ĩyã n basɛ tɩ a masɛ Nawẽnnɛ nẽŋam, Krisi kũm na de nɩ na zãŋa.

Efɛɛzɩ 2:5

Tɩ baa tõma n daan ãn wʋ tɩ ki mɛ tɩ tõon-be'ero ĩyã la, a basɛ tɩ tɩ lagɩm na Krisi yẽ vɔm. La de la Nawẽnnɛ yel-sõnnɛ ĩyã tɩ a fãagɛ ya.

Efɛɛzɩ 2:8

La de la Nawẽnnɛ yel-sõnnɛ la ĩyã tɩ ya yẽ fãarɛ, yan bɔ Krisi sɩra la ĩyã, la dagɩ ya mẽŋa pãŋa, la de la Nawẽnnɛ bɔ'a.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

Kolɔsɩ 1:6

Kõ-yẽlga ẽŋa paagɛ yãma zẽ'am mɛ, wʋ ẽn paagɛ dũnia zẽ'esɩ wuu se'em na, la a ɩtɩ nẽrba sõŋa mɛ, tɩ ba sakra zozo'e, tɩ ba kãllɛ pa'asra. A mẽ ɩtɩ la bɛla yãma zẽ'am lan sẽŋɛ la daar-sɛka tɩ yãma wõm, dee bãŋɛ Nawẽnnɛ yel-sõnnɛ sɩra sɩra la.

2 Tesaloniki 2:16

Tõma pʋ'ʋsrɩ tɩ Zuudãana Azezi-krisi, la tɩ Sɔ Nawẽnnɛ n nõŋɛ tɔ dee ẽŋɛ tɩ yel-sõnnɛ bɔ tɔ bʋraanɛ n ka ba'asrɩ, dee botɩ tɩ tara pʋtẽ'erɛ gu'ura bõn-sõma sɛba tɩ tɩ sakɛ la.

1 Timoti 1:14

Tɩ Zuudãana Azezi-krisi la ẽŋɛ mam a yel-sõnnɛ mɛ zozo'e, botɩ mam bɔ ẽ sɩra, dee tara a nõŋlʋm.

1 Timoti 2:4

Ẽŋa n boorɩ tɩ nẽrba wuu yẽ fãarɛ, dee bãŋɛ sɛla n de sɩra.

2 Timoti 1:10

Yel-sõnnɛ ẽŋa yãŋa puke la Azezi-krisi wa'aŋɔ la ĩyã. Ẽŋa n fãagɛ tɔ, sã'am kũm pãŋa dee botɩ tɩ yẽ vɔm n ka ba'asrɩ a kõ-yẽlga la ĩyã.

2 Timoti 4:17

La Zuudãana la daan ze'ele mam poorʋm mɛ sõŋɛ mam, bɔ mam pãŋa halɩ tɩ mam mõolɛ kõ-yẽlga la sõŋa sõŋa, tɩ bu-zãŋsɩ zozo'e wõm. La mam daan yẽ fãarɛ mɛ gɩgnɛ nõorʋm.

Hiburuduma 12:15

Guuse-ya tɩ ya nẽra nẽra da wa mõŋɛ a mẽŋa Nawẽnnɛ yel-sõnnɛ, ken guuse-ya tɩ nẽr-sɛka da ãna wʋ yẽg-toogo n puse ya tẽŋasʋka, wʋn basɛ tɩ toogo la loŋe nẽrba zozo'e sã'am ba.

Hiburuduma 2:9

La tõma yẽ tɩ la de la Azezi tɩ Nawẽnnɛ sike tɩ a ka paagɛ malɛkadõma wakatɛ fẽfẽe, dee yãŋa nã'asɛ ẽ, bɔ ẽ na'am pãŋa la pẽka ẽn nãmsɛ ki la ĩyã. La de la Nawẽnnɛ yel-sõnnɛ ĩyã, tɩ a ki nẽrsaalba wuu ĩyã.