Taitusi 2:10 - Farefare Ninkaré

¹⁰ la ba da zũura ba lɔgrɔ. Ba tõnna tõon-sõma pa'alɛ tɩ bãma de la sɩra dõma, bɛla tɩ Nawẽnnɛ n de tɩ Fãagra zãsŋɔ la wʋn yẽta pẽka sɛla woo pʋam.

ZE'ELEGO PAALEGA

¹⁰ ba da zuura, gee ba pa'alɛ ti ba dela nɛresuma suŋa suŋa, bala ti sɛla woo puan, ba wan ana wuu nunɔm zɔtɔ la bo' ma'a pa'alegɔ la en ze'ele Yinɛ tu Faara zi'an na la.

Taitusi 2:10 ပူးပေါင်းရင်းမြစ်များ

Amatie 24:45

Azezi le yetɩ: «Ãne n de tõntõn-sõŋɔ n tarɩ yɛm? La de la ẽŋa tɩ a zuudãana wʋn yetɩ a bɩsra a yire yelle, bɔ'ɔra a tõntõnɩba dia wʋ lan masɛ, dee sẽŋɛ sore.

Amatie 5:16

Bɛla, basɛ-ya tɩ ya peelem nẽegɛ nẽrba tẽŋasʋka, tɩ ba yẽ ya tõon-sõma nã'asɛ ya Sɔ Nawẽnnɛ n boe saazuum.»

Aluki 1:47

Mam tarɩ sũ-yẽlga mɛ, Nawẽnnɛ n de mam Fãagra la ĩyã,

Aluki 1:80

Tɩ bia la daan bɩta, tɩ a pʋtẽ'erɛ pa'asra. A daan boe la weem ka paagɛ daar-sɛka tɩ a wa'am Ɩsrayɛlɩ dõma la zẽ'am tɩ ba bãŋɛ ẽ.

Aluki 16:10

«Nẽr-sɛka woo n de sɩra dãana bõn-pɩgsɩ pʋam, mẽ de la sɩra dãana bõn-kãra pʋam. La sɛka n ka de sɩra dãana bõn-pɩgsɩ pʋam, mẽ ka de sɩra dãana bõn-kãra pʋam.

Azã 12:6

Ẽn yele bɛla la, dagɩ tɩ a fablɩ la nasdõma yelle, la de la ẽn de nayiga, la ẽŋa n tarɩ ba ligri tãmpɔkɔ, zũura sɛla tɩ ba sũm a pʋam na.

1 Korẽntɩ 4:2

Ba sãn dɩkɛ tõonɛ ẽŋɛ nẽra nu'usum tɩ a bɩsra, ba boorɩ tɩ a dɛna la sɩra dãana.

Efɛɛzɩ 4:1

Mam n boe yʋ'a deem Zuudãana doosgo yelle la, mam sosrɩ ya tɩ ya dɔla sorɔɔgɔ la sõŋa, wʋ lan masɛ Nawẽnnɛ n wi ya tɩ ya ãna se'em na.

Filipi 1:27

La bõn-sɛka n gãnnɩ wuu, de la ya basɛ tɩ ya yel-ɩrɛ ãna wʋ Krisi kõ-yẽlga la n pa'alɩ se'em na. Tɩ mam sãn wa'am ya zẽ'am bɩɩ m sãn ka wa'am, m wʋn wõm tɩ ya ze la kãŋkãŋɛ, tara yɛm ayɩla, lagɩm taaba la pʋtẽ'erɛ ayɩla mõrgra tõnna tɩ nẽrba bɔ'ɔra kõ-yẽlga la sɩra.

Filipi 4:8

M sɔbiisi, sɛla n deege, basɛ-ya tɩ ya pʋtẽ'era tẽ'esra sɛla woo n de sɩra, la sɛla woo n narɩ nã'asgɔ, la sɛla woo n masɛ, la sɛla woo n tarɩ pʋpeelem, la sɛla woo n ɩtɩ sũure yẽlʋm, la sɛla woo tɩ nẽrba yetɩ la ãn sõŋa, tẽ'esra-ya bõn-sɛba wuu n ãn sõŋa masɛ pẽka yelle.

1 Timoti 1:1

Mam Apolɩ n de Azezi-krisi Tõntõnna n gʋlsɛ gõŋɔ wã. La de la Nawẽnnɛ n de tɩ Fãagra, la Azezi-krisi tɩ tɩ tarɩ pʋtẽ'erɛ gu'ura la, n bɔ mam nõorɛ tɩ mam dɛna a Tõntõnna.

1 Timoti 5:17

Wẽndeego nẽrba kẽma sãn bɩsrɩ nẽrba la yelle sõŋa, lan gãnnɩ wuu, sɛba n mõrgrɩ mõola dee zãsna Nawẽnnɛ yetɔga la, ba wʋn yẽ la nã'asgɔ bʋyi.

1 Timoti 6:1

Nẽr-sɛba n de yamsɩ la, dẽnɩ tɩ ba nanna ba zuudãandõma sõŋa, tɩ nẽra da pɔ'ɔgɛ Nawẽnnɛ yʋ'ʋrɛ, la tɩ zãsŋɔ la.

1 Timoti 6:3

Nẽra sãn zãsʋm zãsŋɔ ayẽma ka dɔla tõma Zuudãana Azezi-krisi sɩra yetɔga, bɩɩ ka dɔla zãsŋɔ sɛka n pa'alɩ tɩ wʋn ãna se'em Nawẽnnɛ sore doosgo pʋam na,

Taitusi 1:3

La wakatɛ n paagɛ la, a puke bõn-ẽŋa mɛ pa'alɛ a yetɔga pʋam, a dɩkɛ a yetɔga la ẽŋɛ la mam nu'usum tɩ m mõolɛ bɔ nẽrba, wʋ Nawẽnnɛ n de tɩ Fãagra n bɔ nõorɛ se'em na.

Taitusi 3:4

La Nawẽnnɛ n de tɩ Fãagra la n wa pa'alɛ nẽrsaalba a yel-sõnnɛ, la a nõŋlʋm na,

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 3:16

La ya ɩta bɛla la sũ-bʋgsʋm, la wɔɔrɛ. Ɩta-ya sɛla tɩ ya mi ya sũure pʋam tɩ la ãn sõŋa, tɩ yãnnɛ yõkɛ sɛba n tɔgrɩ ya be'em, yãma n tõnnɩ sõŋa Krisi ĩyã la.

2 Zã 1:9

Nẽr-sɛka n yõsgɛ tole nẽŋa ka bɔna Krisi zãsŋɔ la pʋam, Nawẽnnɛ ka boe la ẽ. La sɛka woo n boe a zãsŋɔ la pʋam, Sɔ Nawẽnnɛ, la a Dayʋa boe la ẽ mɛ.