Taitusi 1:2 - Farefare Ninkaré

² Tɩ tarɩ pʋtẽ'erɛ tɩ tɩ wʋn yẽ la vɔm n ka ba'asrɩ, tɩ Nawẽnnɛ n dagɩ põmpɔrma la daan bĩŋe nõorɛ halɩ tɩ dũnia nãn ka nãam.

ZE'ELEGO PAALEGA

² beere puti'irɛ en de vom kamba'ahɛ la, ti Yinɛ en ka pareni wa biŋe nuurɛ gee baŋɛ naam tiŋa wa la.

Taitusi 1:2 ပူးပေါင်းရင်းမြစ်များ

Amatie 25:34

Tɩ naba la wʋn yele sɛba n boe a zʋʋgɔ la yetɩ: ‹Wa'am-ya, yãma sɛba n tarɩ mam Sɔ Nawẽnnɛ yel-sõnnɛ na. To'oge-ya so'olʋm na tɩ Nawẽnnɛ daan põn mãasʋm tɩ a bɔ ya halɩ lan dẽŋɛ dũnia pĩ'iluŋo la.

Amatie 25:46

La bãma wʋn sẽŋɛ ka kẽ nãmsgɔ n ka ba'asrɩ pʋam. La sɛba n ẽŋɛ sɛla n masɛ la wʋn yẽ vɔm n ka ba'asrɩ.»

Amarkɩ 10:17

Azezi daan basɛ bilam dee le dɩkɛ la sore sẽnna. Tɩ bʋraa zoe wa'am a zẽ'am, wa ka dũma a nẽŋam soke ẽ yetɩ: «Karẽnsãama, fõn de la nẽr-sõŋɔ, mam wʋn ẽŋɛ la wãne yẽ vɔm n ka ba'asrɩ?»

Amarkɩ 10:30

dũnia wã zuo a wʋn to'oge yiɛ, la kẽendõma, la yɩbsɩ, la madõma, la kɔma, la vatɔ nõor-kɔbga, la a wʋn yẽ nãmsgɔ. La wakatɛ n sẽm, a wʋn yẽ vɔm n ka ba'asrɩ.

Azã 10:28

Mam bɔ'ɔrɩ ba la vɔm n ka ba'asrɩ, tɩ ba kãn malɩn sã'am, la nẽra ka tã wʋn fãagɛ ba mam nu'usum.

Azã 17:2

La de la fõn bɔ mam nõorɛ tɩ m sɔna nẽrsaalba wuu, dee bɔ sɛba tɩ fõn bɔ mam na wuu vɔm n ka ba'asrɩ.

Azã 17:24

M Sɔ, mam boorɩ tɩ nẽr-sɛba tɩ fʋ bɔ mam na, mẽ bɔna la mam lɛ zẽ'e-sɛka tɩ mam wʋn bɔna la, tɩ ba wʋn yẽ mam na'am pãŋa, na'am pãn-sɛka tɩ fõn bɔ mam na, se'ere n soe la, fõn nõŋɛ mam mɛ, tɩ dũnia yʋʋn nãn ken ka bɔna.

Azã 5:39

Yan eerɩ tɩ ya bãŋɛ Nawẽnnɛ gõŋɔ yetɔga la võorɛ la, ya tẽ'esɛ tɩ ya wʋn yẽ la vɔm n ka ba'asrɩ a pʋam. La de la gõn-ẽŋa n tɔgrɩ mam yelle.

Azã 6:54

Sɛka n diti mam ĩyã dee yũura mam zɩɩm tarɩ la vɔm n ka ba'asrɩ, la mam wʋn vo'oge ẽ dũnia ba'asgɔ daarɛ.

Azã 6:68

Tɩ Asimõ-pɩyɛɛrɩ lerge ẽ yetɩ: «Zuudãana, tõma wʋn basɛ fõn dee sẽŋɛ la ãn zẽ'am? Fõn tarɩ la yetɔga n bɔ'ɔrɩ vɔm n ka ba'asrɩ.

Tõoma 15:18

Zuudãana Nawẽnnɛ n yele se'em n wãna, ẽŋa n ẽŋɛ bõn-bãma tɩ ba põn mina halɩ kʋrʋm kʋrʋm.»

Aromduma 1:2

Nawẽnnɛ daan bĩŋe la nõorɛ halɩ kʋrʋm kʋrʋm tɩ a bɔ tɔ a kõ-yẽlga la, botɩ a nõtɔ'ɔsrɩba gʋlsɛ a gõŋɔ pʋam.

Aromduma 16:25

Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

Aromduma 2:7

Nẽr-sɛba n mõrgɛ ɩta sõŋa ɛɛra nã'asgɔ la pẽka, la vɔm n ka ba'asrɩ Nawẽnnɛ zẽ'am na, a wʋn bɔ ba la vɔm n ka ba'asrɩ.

Aromduma 5:2

Azezi-krisi n botɩ tɩ tãna wʋn kẽ Nawẽnnɛ zẽ'am yẽ a yel-sõnnɛ, tõma n bɔ ẽ sɩra la ĩyã. Yel-sõnnɛ ẽŋa tɩ tõma te'ege zɛ kãŋkãŋɛ, dee ɩta sũ-yẽlga tara pʋtẽ'erɛ gu'ura tɩ tɩ wʋn yẽ na'am pãŋa Nawẽnnɛ zẽ'am.

Aromduma 5:21

Bɛla, tõon-be'ero n tarɩ pãŋa botɩ nẽrba kiira la, bɛla mẽ, Nawẽnnɛ yel-sõnnɛ n tarɩ pãŋa botɩ nẽrba masɛ a zẽ'am tara vɔm n ka ba'asrɩ, tɩ Zuudãana Azezi-krisi ĩyã.

Aromduma 5:4

Tɩ sãn mõrgra sẽnna nẽŋa, la botɩ tɩ ɩta la sɩra yãŋra. Tɩ sãn ɩta sɩra yãŋra, la botɩ tɩ tara pʋtẽ'erɛ gu'ura la sɛla tɩ tɩ bɔ sɩra la.

Aromduma 6:23

Asɩra, tõon-be'ero yɔɔrɔ de la kũm. La Nawẽnnɛ yel-sõnnɛ bɔ'a de la vɔm n ka ba'asrɩ, tɩn lagɩm na tɩ Zuudãana Azezi-krisi dɛna ayɩla la ĩyã.

Kolɔsɩ 1:27

Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

1 Tesaloniki 2:15

Bãma n daan kʋ Zuudãana Azezi, la Nawẽnnɛ nõtɔ'ɔsrɩba, dee mẽ nãmsɛ tõma. Ba ɩtɩ la sɛla n ka ãn Nawẽnnɛ sũure yẽlʋm, ba de la nẽrba wuu bɛ'ɛba.

1 Tesaloniki 5:8

La tõma n de wʋntɛɛŋa nẽrba la, tɩ tara tɩ mẽŋa sõŋa. La tɩ bɔ Azezi sɩra, dee tara nõŋlʋm wʋ kuto fuugo tɩ sʋdaaga dɩkɛ pĩ a yõ'ogɔ tɩ la gu'ura ẽ zɛbrɛ pʋam na. Dee basɛ tɩ fãarɛ la tɩ ya tarɩ pʋtẽ'erɛ gu'ura la, ãna wʋ kuto zuu-wannɛ gu'ura ya.

1 Timoti 6:12

Mõrgɛ mẽ mẽerɛ sõŋa Nawẽnnɛ sore doosgo la pʋam yẽ vɔm n ka ba'asrɩ, tɩ la de la bɛla ĩyã tɩ Nawẽnnɛ looge fo, tɩ fʋ daan tɔgɛ yetɔg-sõŋɔ yetɩ fõn bɔ Azezi sɩra nẽrba zozo'e nẽŋam na.

1 Timoti 6:19

Bɛla tɩ ba wʋn lagsɛ bõntarsõm n ãn sõŋa kãn sã'am wakatɛ n sẽm na ĩyã, tɩ ba wʋn yẽ vɔm mẽŋa mẽŋa.

2 Timoti 1:1

Mam Apolɩ n de Azezi-krisi Tõntõnna wʋ Nawẽnnɛ n boorɩ se'em, tɩ m mõolɛ vɔm sɛka tɩ Nawẽnnɛ bĩŋe nõorɛ tɩ a bɔ tɔ Azezi-krisi ĩyã la yelle.

2 Timoti 1:9

Ẽŋa n fãagɛ tɔ, wi to tɩ tɩ dɛna a nẽrba, la dagɩ tɩn tõm tõon-sõma ĩyã, la de la a mẽŋa n boorɩ se'em, la a yel-sõnnɛ tɩ a ẽŋɛ bɔ tɔ Azezi-krisi ĩyã, halɩ lan dẽŋɛ dũnia pĩ'iluŋo.

2 Timoti 2:10

Bɛla ĩyã tɩ mam mõrgɛ wĩbra sɛla woo pʋam Nawẽnnɛ nẽrba la tɩ a looge la ĩyã, tɩ ba mẽ yẽ fãarɛ Azezi-krisi ĩyã, dee po yẽ nã'asgɔ n ka ba'asrɩ.

2 Timoti 2:13

Tɩ sãn ka bɔna tɩ sɩra pʋam, ẽŋa ken dɛna la sɩra dãana, se'ere n soe la, a ka malɩn viira a yetɔga.

2 Timoti 2:15

Nargɛ pãŋa dɛna nẽra n paagɛ Nawẽnnɛ yɛm, la fʋ dɛna tõntõnna n ka zotɩ yãnnɛ la a tõoma, dee mõola sɩra kõ-yẽlga la lan masɛ se'em.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Taitusi 2:7

Fõn mẽŋa botɩ fʋ yel-ɩrɛ wuu ãna sõŋa, pa'alɛ ba ban wʋn ãna se'em, la fʋ zãsʋm nẽrba Nawẽnnɛ yetɔga la sɩra, la ninmõ'orɛ.

Taitusi 3:7

tɩ a yel-sõnnɛ na botɩ tõma masɛ a nẽŋam, lebge a kɔma wʋn yẽ vɔm n ka ba'asrɩ tɩ tõma tarɩ pʋtẽ'erɛ gu'ura la.

1 Zã 2:25

Krisi n bĩŋe nõorɛ tɩ a bɔ tɩ sɛla n wãna: La de la vɔm n ka ba'asrɩ.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.

Azudi 1:21

Bɔna-ya Nawẽnnɛ nõŋlʋm na pʋam gu'ura tɩ tɩ Zuudãana Azezi-krisi n de ninbãal-zɔta la wʋn bɔ ya vɔm n ka ba'asrɩ.

Lilegere 13:8

Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.

Lilegere 17:8

Dũŋa la tɩ fʋ yẽ la, kʋrʋm a vɔa mɛ, la a ka le bɔna, la a wʋn ze'ele la bog-ko'ogo la pʋam dooge, sẽŋɛ sã'aŋɔ zẽ'am. La dũnia nẽr-sɛba yʋ'ʋra n ka gʋlsɛ bɔna vɔm gõŋɔ la pʋam halɩ dũnia pĩ'iluŋo wakatɛ la sãn yẽ dũŋa la, la wʋn di'ige ba mɛ, dũŋa la n daan vɔa, ka le wa bɔna, dee le wa bɔna la ĩyã.