Lilegere 9:21 - Farefare Ninkaré

²¹ Ba ken ka teege yɛm basɛ ba nẽr-kʋa, la ba tɩɩm tõoma, la ba yalsɩ tõoma, la ba nayigum na.

ZE'ELEGO PAALEGA

²¹ Ba me ka tee ba mɛhi ba nɛre kua la, bii ba sɔ̃niniduma la, bii ba yaluntuuma, bii ba nageyigum la puan.

Lilegere 9:21 ပူးပေါင်းရင်းမြစ်များ

Amatie 15:19

Se'ere n soe la, pʋtẽ'e-yooro ze'etɩ la nẽrsaala sũure pʋam botɩ a bɔɔra tɩ a ẽŋɛ be'em: Nẽr-kʋa, la yalsɩ, la taaba pɔgba la taaba sɩrba gã'a, la nayigum, la põmpɔrŋɔ, la pɔ'ɔrɛ yetɔga.

2 Korẽntɩ 12:21

Mam zotɩ mɛ tɩ mam sãn wa wa'am yãma zẽ'am, mam dãana Nawẽnnɛ wʋn botɩ yãnnɛ yõkɛ mam yãma ĩyã, tɩ m sũure sã'am la ya nẽr-sɛba n daan tõm tõon-be'ero, dee ka teege yɛm basɛ tõon-dẽgrɔ, la yalsɩ, la tõon-yooro sɛba tɩ ba ẽŋɛ la.

Galatɩ 5:20

la baga kãabgɔ, la tɩɩm tõoma, la taaba sisga, la zɛbrɛ, la ɩta sũure la tadãana bõnɔ, la sũ-isgre, la gãŋɛ taaba, la ka-wõm-taaba, la welge taaba.

Lilegere 13:13

Dũŋa bʋyi dãana la ẽŋɛ la bõn-yãlm-kãra, halɩ botɩ bugum zɛ'ɛta saazuum sigra dũnia, nẽrba nifum.

Lilegere 13:15

Tɩ ba bɔ dũŋa bʋyi dãana la ke'eŋo tɩ a bɔ bõnɔ na tɩ ba mãalɛ tɩ a ãna wʋ pɔspɔsɩ dũŋa la vo'osʋm, tɩ a tãna tɔgra, dee kʋ sɛba wuu n ka nã'asrɩ ẽ na.

Lilegere 13:7

Tɩ ba bɔ ẽ nõorɛ tɩ a zɛbɛ la Nawẽnnɛ nẽrba yãŋɛ ba. Ba bɔ ẽ ke'eŋo tɩ a yãŋɛ la buuri wuu nẽrba, la tẽnsɩ wuu nẽrba, la yetɔga buuri wuu nẽrba, la so'olʋm wuu nẽrba.

Lilegere 14:8

Tɩ malɛka bʋyi dãana dɔla pɔspɔsɩ dãana la poore yɛta tɩ: «A lui mɛ, a lui mɛ, Babilɔnɩ n de tẽn-kãtɛ la lui sã'am mɛ. Ẽŋa n botɩ so'olʋm wuu nẽrba tõm a yalsɩ tõoma zozo'e wʋ dãam tɩ a yũuse ba la.»

Lilegere 16:6

Se'ere n soe la, ba kʋ la sɛba n welge to'ore dɛna fõn nẽrba, la fõn nõtɔ'ɔsrɩba tɩ ba zɩɩm yese, bɛla tɩ fõn bɔ ba zɩɩm tɩ ba yũ. Bɛla n masɛ la ba.»

Lilegere 17:2

La de la ẽŋa tɩ dũnia na'adõma tõm yalsɩ tõoma la ẽ zozo'e. La dũnia nẽrba mẽ tõm na a yalsɩ tõoma wʋ dãam tɩ ba yũ buge la.»

Lilegere 17:4

Pɔka la daan yɛ la fu-mõlga n de gomusga, dee yɛ nẽnnõm lɔgrɔ n de sãlma, la kug-sõma buuri ligri n zo'oge. La a zãlɩ la sãlma laaga n pɩrɛ la bõn-be'ero n de a yalsɩ tõon-dẽgrɔ la.

Lilegere 17:5

Yʋ'ʋrɛ n daan gʋlsɛ a dĩire zuo, tɩ ba ka mina a võorɛ. Yʋ'ʋrɛ la de la «Babilɔnɩ n de tẽn-kãtɛ la, a de la dũnia pɔg-yalsɩ dõma, la tõon-dẽgrɔ wuu ma».

Lilegere 18:3

So'olʋm buuri wuu tõm na a yalsɩ tõoma wʋ dãam tɩ ba yũ la. Tɩ dũnia na'adõma lagɩm na ẽ tõm yalsɩ tõoma. Tɩ dũnia leebdõma doose a nẽnnõm lɔgrɔ n zo'oge la poorʋm yẽ bõntarsõm, bɛla tɩ a sã'am.»

Lilegere 19:2

Ẽŋa sarɩyadia la masɛ mɛ, dɛna sɩra. Se'ere n soe la, a di pɔg-tutulga la n daan tõnnɩ yalsɩ tõoma zozo'e sã'ana dũnia la sarɩya mɛ sɩbgɛ ẽ, ẽn botɩ a tõntõnɩba ki la ĩyã.»

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Lilegere 22:15

La nẽr-sɛba n tõnnɩ tõon-dẽgrɔ, la sɛba n tõnnɩ tɩɩm tõoma, la sɛba n tõnnɩ yalsɩ tõoma, la nẽr-kʋʋrba, la sɛba n nã'asrɩ bõndõma tɩ ba mãalɛ, la nẽr-sɛba wuu n nõŋɛ põmpɔrŋɔ dee parna la, wʋn weege la yẽŋa, ba kãn kẽ tẽŋa la pʋam.

Lilegere 9:20

La nẽr-sɛba n weege tɩ tooro bãma ka kʋ ba la, ka teege yɛm basɛ ban ɩtɩ sɛla tɩ ba mẽŋa boorɩ la. Ba ken dɔla la kʋlkã'arsɩ, la baga tɩ ba dɩkɛ sãlma, la zũuro, la yõgõm, la kuga, la dɔɔrɔ mãalɛ, tɩ ba ka yẽta, ka wõnna, ka tãna sẽnna.