Lilegere 8:2 - Farefare Ninkaré

² Tɩ mam yẽ malɛkadõma bayopɔɩ n ze Nawẽnnɛ nẽŋam, tɩ ba bɔ ba benkɔma bayopɔɩ.

ZE'ELEGO PAALEGA

² Ti mam nyɛ ti suŋereba bayopɔi la en ze' Yinɛ nɛŋan la, ti ba bo' ba tintana a yopɔi.

Lilegere 8:2 ပူးပေါင်းရင်းမြစ်များ

Amatie 18:10

Azezi le yele ba yetɩ: «Guuse-ya da pɔ'ɔra kɔm-bãna wã baa ayɩla. Mam yetɩ ya tɩ ba malɛkadõma n boe Nawẽnnɛ yire, boe mam Sɔ Nawẽnnɛ nẽŋam mɛ wakatɛ woo. [

Amatie 24:31

La a wʋn tõm na a malɛkadõma, tɩ benkonne peebe, tɩ ba sẽŋɛ dũnia zʋʋgɔ, la gɔbga, la dapoore, la zanõrɛ ka lagsɛ nẽr-sɛba tɩ Nawẽnnɛ looge la, halɩ ka paagɛ dũnia tɛka wuu.

Aluki 1:19

Tɩ malɛka la lerge ẽ yetɩ: «Mam yʋ'ʋrɛ de la Agabrɩyɛlɩ, mam ze la Nawẽnnɛ nẽŋam. Ẽŋa n tõm mam yetɩ, m wa'am yele fʋ yetɔg-yẽlga wã.

Aluki 21:36

Bɛla, da gĩsra-ya, pʋ'ʋsra-ya Nawẽnnɛ wakatɛ wuu, tɩ ya wʋn yẽ pãŋa tã'agɛ põsɛ bõn-sɛba wuu n wʋn wa ẽŋɛ la, dee tã'agɛ ze'ele Nẽrsaala Dayʋa la nẽŋam.»

1 Korẽntɩ 15:52

Dũnia ba'asgɔ daarɛ, benkonne n wʋn peebe, tɩ tɩ wuu teege tɔtɔ nini kãbsɩgɔ pʋam. Benkonne na sãn peebe, sɛba n ki la wʋn vo'oge la ĩyã n kãn malɩn ki, la Nawẽnnɛ wʋn teege tõma ĩyã mɛ.

1 Tesaloniki 4:16

Se'ere n soe la, nõorɛ n wʋn bɔ, tɩ malɛkadõma naba tɔgɛ ke'enke'em, tɩ Nawẽnnɛ benkonne peebe, tɩ Zuudãana mẽŋa ze'ele Nawẽnnɛ yire sige, tɩ sɛba n dolɩ Azezi dee ki la dẽŋɛ vo'oge.

Lilegere 1:4

Mam Azã n gʋlsɛ gõŋɔ wã bɔ'ɔra tẽnsɩ bayopɔɩ n boe Azi so'olʋm pʋam na Wẽndeto nẽrba. Zuudãana Nawẽnnɛ n daan boe, n ken bɔna, dee wʋn bɔna wakatɛ wuu la, la sɩɩsɩ bayopɔɩ n boe a na'am bĩmbĩnne nẽŋam, la Azezi-krisi n tɔgrɩ Nawẽnnɛ yelle sɩra, ẽŋa n ki dee dɛna pɔspɔsɩ dãana n vo'oge, dɛna dũnia na'adõma naba la, wʋn ẽŋɛ ya yel-sõnnɛ, dee bɔ ya sũ-mã'asʋm. Azezi-krisi nõŋɛ tõma mɛ, ki tɩ a zɩɩm fãagɛ tõma tõon-be'ero pʋam,

Lilegere 11:15

Tɩ malɛka bʋyopɔɩ dãana peebe benkonne, tɩ kõosɩ ze'ele Nawẽnnɛ yire tɔgɛ ke'enke'em yetɩ: «Dũnia so'olʋm lebge la tõma Zuudãana, la Krisi tɩ a tõm na n soe, la a na'am na boe la wakatɛ n ka ba'asrɩ.»

Lilegere 15:1

Tɩ mam le yẽ bõn-bãnnɛ ayẽma saazuum n de yel-kãtɛ n ẽgrɩ palẽŋa. La de la malɛkadõma bayopɔɩ n zãlɩ tooro bayopɔɩ n de ba'asgɔ tooro. Se'ere n soe la, bãma n wʋn ẽŋɛ tɩ Nawẽnnɛ sũ-yĩire la ba'asɛ.

Lilegere 16:1

Tɩ mam wõm kõa n ze'ele Wẽnde-kãtɛ la pʋam tɔgra ke'enke'em la malɛkadõma bayopɔɩ la yetɩ: «Sẽŋɛ-ya ka ka'agɛ Nawẽnnɛ sũ-isgre la n pɩrɛ laasɩ bayopɔɩ la basɛ dũnia zuo.»

Lilegere 8:13

Tɩ mam yẽ sɩl-kãtɛ n ẽgrɩ saazuum-zuum, wõm ẽn tɔgrɩ ke'enke'em yetɩ: «Waɩ, waɩ! Nẽr-sɛba n boe tẽŋa wã zuo wʋn yẽ la toogo, malɛkadõma batã n weege la n wʋn peebe ba benkɔma, tɩ ba yẽ toogo.»

Lilegere 8:6

Malɛkadõma bayopɔɩ la n zãlɩ benkɔma bayopɔɩ la, mãasʋm mɛ tɩ ba peebe ba.

Lilegere 9:1

Tɩ malɛka bʋnuu dãana peebe benkonne. Tɩ mam yẽ wõrbiire n ze'ele saazuum lui dũnia zuo. Tɩ ba bɔ ẽ bog-ko'ogo saafɩbiire.