Lilegere 7:17 - Farefare Ninkaré

¹⁷ Se'ere n soe la, Pebila la n boe na'am bĩmbĩnne tẽŋasʋka la n wʋn bɩsra ba yelle, ẽŋa n wʋn tarɩ ba sẽŋɛ ko'om n bulli n bɔ'ɔrɩ vɔm zẽ'am. La Nawẽnnɛ n wʋn duuse ba nintãm wuu.»

ZE'ELEGO PAALEGA

¹⁷ Se'ere en sɔi la, Pebila la en boi na'am kuka kãtɛ la zuo la en wan dɛna ba dunkiina, wan tari ba kina vom ko'sumɔ kulaa la puan ti ba nyuura, gee ti Yinɛ wan duuhe ba nintam woo ba ninin bahɛ.”

Lilegere 7:17 ပူးပေါင်းရင်းမြစ်များ

Amatie 2:6

‹Bɛtelɛm n de tẽn-pɩka, fʋ ka pɔ'ɔgɛ Zude so'olʋm tẽn-kãra la pʋam, se'ere n soe la, nẽra n wʋn yese fõn pʋam dɛna nẽŋadãana bɩsra Ɩsrayɛlɩ dõma n de mam nẽrba la yelle.› »

Amatie 5:4

Sũ-sã'aŋɔ dõma tarɩ zu-yẽlga, se'ere n soe la, Nawẽnnɛ wʋn botɩ ba sũure mã'agɛ.

Azã 10:11

Tɩ Azezi le yele ba yetɩ: «Mam n de dũnsĩin-sõŋɔ. Dũnsĩin-sõŋɔ sakɛ kũm mɛ a piisi ĩyã.

Azã 10:14

Mam n de dũnsĩin-sõŋɔ la, la mam mi m piisi la mɛ, tɩ ba mẽ mina mam,

Azã 4:10

Tɩ Azezi yele ẽ yetɩ: «Fʋ sãn mina Nawẽnnɛ n bɔ'ɔrɩ sɛla, la sɛka n yetɩ fʋ tɩ ‹bɔ ma ko'om tɩ m yũ› la, fʋ wʋn sose nɩ ẽ, la a wʋn bɔ fɔ ko'om n bɔ'ɔrɩ vɔm.»

Azã 4:11

Tɩ pɔka la lerge yetɩ: «M Zuudãana, fõn ka tarɩ lʋwannɛ, dee tɩ lʋa la kɔ, fõn wʋn yẽ vɔm ko-bãma la bɛ?

Azã 4:14

La sɛka n wʋn yũ ko-sɛba tɩ mam wʋn bɔ ẽ na, koyũuro kãn le malɩn tarɩ ẽ. La ko-sɛba tɩ mam wʋn bɔ ẽ na wʋn lebge wʋ bulga, bulla a pʋam bɔ'ɔra ẽ vɔm n ka ba'asrɩ.»

Tõoma 20:28

Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa.

1 Pita 5:2

Mam yetɩ ya mɛ tɩ ya bɩsra Nawẽnnɛ nẽrba la tɩ a gu'ule ya wʋ dũnsĩima la. La, la da kãn dɛna dɔk-m-zuugo yelle, la dɛna la yɛmleego wʋ Nawẽnnɛ n boorɩ se'em na. Da ɩta-ya yan boorɩ bõntarsõm ĩyã, ɩta-ya ya yɛm n boe a pʋam ĩyã.

Lilegere 14:4

Nẽr-bãma ka dẽgɛ ba mẽŋa la pɔgsɩ, ba tarɩ ba mẽŋa sõŋa mɛ. Ba dolɩ la Pebila la zẽ'e-sɛka woo tɩ a we'esɩ. Ba yẽ fãarɛ nẽrsaalba pʋam tɩ ba dɛna la pɔspɔsɩ dõma bɔ Nawẽnnɛ, la Pebila la.

Lilegere 21:22

Mam ka yẽ Wẽndeego tẽŋa la pʋam, se'ere n soe la, Zuudãana Nawẽnnɛ n de ke'eŋo wuu dãana, la Pebila la n boe mĩ.

Lilegere 21:23

Tẽŋa la ka boorɩ wẽntulle, bɩɩ wõrga tɩ ba nẽegɛ ẽ, se'ere n soe la, Nawẽnnɛ na'am pãŋa peelem n nẽerɩ ẽ, tɩ Pebila la dɛna a fɩtla.

Lilegere 21:4

A wʋn duuse ba nintãm wuu. La kũm kãn le bɔna, sũ-sã'aŋɔ la kaasga, bɩɩ toogo kãn le bɔna. Yel-kɛgsɩ la wuu tole mɛ.»

Lilegere 21:6

Dee le yele mam yetɩ: «La ẽŋɛ ba'asɛ mɛ. Mam de la Alfa, la Omega, sɛla woo pĩ'iluŋo, la ba'asgɔ. Koyũuro n tarɩ sɛka, mam wʋn bɔ ẽ ko'om n bulli n bɔ'ɔrɩ vɔm zãŋa tɩ a yũ.

Lilegere 22:1

Tɩ malɛka la pa'alɛ mam ko'om n bɔ'ɔrɩ vɔm kʋlaaga. Kʋlaaga la yẽgrɩ wʋ bɩsga la. A ze'ele la Nawẽnnɛ, la Pebila na'am bĩmbĩnne na zẽ'am

Lilegere 4:11

«Tɩ Zuudãana Nawẽnnɛ, fõn masɛ fʋ to'oge na'am pãŋa, la nã'asgɔ, la ke'eŋo, la de la fõn nãam sɛla woo, la de la fõn boorɩ ĩyã, tɩ fõn nãam ba tɩ ba bɔna.»

Lilegere 5:6

Tɩ mam yẽ Pebila n ze na'am bĩmbĩnne na tẽŋasʋka, tɩ bõn-vɔɔsɩ banaasɩ, la kẽma la gilge ẽ basɛ tẽŋasʋka. Pebila la ãn wʋ ba daan kʋ ẽ mɛ na. A tarɩ la ɩɩla bayopɔɩ, la nini bayopɔɩ n de Nawẽnnɛ sɩɩsɩ bayopɔɩ la tɩ a tõm dũnia wuu pʋam na.