Lilegere 6:9 - Farefare Ninkaré

⁹ Tɩ Pebila la lakɛ bõnɔ bʋnuu dãana n tabɛ la, tɩ mam yẽ nẽr-sɛba tɩ ba daan kʋ ba, ban mõolɛ Nawẽnnɛ yetɔga la, dee vɔa wʋ yetɔga la n yele se'em na ĩyã, sɩɩsɩ n boe kãabgɔ bĩmbĩnne na tilum.

ZE'ELEGO PAALEGA

⁹ En lorege daalehum bunuu la, mam nyɛ la kaabegɔ bimbine la tiŋa, ti sɛɛhi en de sɛba ti ba kɔrum ba Yinɛ yelehum la zuo la, la ban muulɛ ban nyɛ sɛla la zuo la.

Lilegere 6:9 ပူးပေါင်းရင်းမြစ်များ

Azã 16:2

Ba wʋn wa dige ya ba wẽndeto pʋam, la wakatɛ sẽna tɩ nẽrba wʋn kʋ ya, dee tẽ'esɛ tɩ bãma tõm na Nawẽnnɛ tõonɛ.

2 Korẽntɩ 5:8

Tõma tarɩ bʋraanɛ mɛ zo'oge, dee boorɩ nɩ tɩ tɩ basɛ dũnia ĩyã wã, dee sẽŋɛ ka bɔna Zuudãana la zẽ'am.

Filipi 1:23

Mam boe la yɛla bayi tẽŋasʋka, mam boorɩ tɩ m basɛ vɔm ẽna mɛ dee sẽŋɛ ka bɔna Krisi zẽ'am, bɛla n ãn sõŋa gãnna.

Filipi 2:17

Ba sãn kʋ mam, la wʋn ãna wʋ kãabgɔ pa'asɛ yãma n bɔ Nawẽnnɛ sɩra tɩ la ãna wʋ kãabgɔ bɔ ẽ na pʋam. Baa la sãn dɛna bɛla, mam sũure ãn yẽlʋm mɛ, la mam wʋn ẽŋɛ sũ-yẽlga la yãma wuu.

2 Timoti 1:8

Bɛla, da zoe yãnnɛ ka tɔgɛ tɩ Zuudãana Azezi yelle. La fʋ ken da zoe yãnnɛ mam n boe yʋ'a deem Azezi-krisi kõ-yẽlga ĩyã la, lagɩm na mam sakɛ nãmsgɔ kõ-yẽlga la ĩyã, tɩ Nawẽnnɛ wʋn bɔ fʋ pãŋa.

2 Timoti 4:6

La sãn dɛna mam, mam vɔm ãn wʋ ko'om tɩ ba ka'agɛ bɔ Nawẽnnɛ, mam daarɛ paagɛ mɛ, tɩ mam wʋn fõrgɛ.

Hiburuduma 12:23

La ya ken lɛm na Nawẽnnɛ nẽrba lagsgɔ n de a kɔm-kẽendõma tɩ ba yʋ'ʋra gʋlsɛ Nawẽnnɛ yire la. La ya lɛm Nawẽnnɛ n de nẽrba wuu sarɩyadita. Ya lɛm na nẽr-sɛba n masɛ Nawẽnnɛ zẽ'am, dee masɛ sɛla woo pʋam na sɩɩsɩ zẽ'am.

Lilegere 1:2

Azã n gʋlsɛ sɛla wuu tɩ a yẽ la pa'alɛ tɩ la de la Nawẽnnɛ yetɔga tɩ Azezi-krisi puke pa'alɛ ẽŋa.

Lilegere 1:9

Mam de la Azã n de ya sɔbia n po nãmsra, lagɩm na yãma po tara pʋrɛ Nawẽnnɛ so'olʋm na pʋam, ken po lagɩm na yãma mõrgra sẽnna nẽŋa Azezi doosgo la pʋam. Mam daan tɔgɛ la Nawẽnnɛ yetɔga, la Azezi-krisi yelle, tɩ ba tarɩ mam sẽŋɛ tẽŋa tɩ ko'om gilge yʋ'ʋrɛ n de Patmõsɩ.

Lilegere 14:18

Tɩ malɛka ayẽma n tarɩ ke'eŋo sɔna bugum ze'ele kãabgɔ bĩmbĩnne na zẽ'a yese tɔgɛ ke'enke'em la malɛk-sɛka n tarɩ geego n tarɩ nõorɛ la yetɩ: «Dɩkɛ fʋ geego la sɛ viinye tɩɩsɩ la biɛ n boe tẽŋa zuo la. Se'ere n soe la, ba biɛ la bɩ mɛ.»

Lilegere 16:7

Tɩ mam wõm kõa n ze'ele kãabgɔ bĩmbĩnne na zẽ'am yetɩ: «Asɩra, Zuudãana Nawẽnnɛ n de ke'eŋo wuu dãana, fõn sarɩyadia la masɛ mɛ, dɛna sɩra.»

Lilegere 19:10

Tɩ mam ka dũma tẽŋa a nẽŋam tɩ m nã'asɛ ẽ, tɩ a yele mam yetɩ: «Da ẽŋɛ bɛla! Mam mẽ de la Nawẽnnɛ tõntõnna wʋ fõn, la fʋ sɔbiisi la n sakɛ sɩra tɩ Azezi pa'alɛ la. La de la Nawẽnnɛ n de fʋ nã'asɛ.» Sɩra la tɩ Azezi puke pa'alɛ la n bɛla tɩ Nawẽnnɛ Sɩa botɩ a nõtɔ'ɔsrɩba tɔ'ɔsra tɔgra.

Lilegere 2:13

‹Mam mi zẽ'e-sɛka tɩ yãma boe la mɛ, zẽ'e-ẽŋa tɩ Asũtãana na'am bĩmbĩnne boe. La ya dɩkɛ ya mẽŋa lablɛ la mam mɛ, ze'ele kãŋkãŋɛ bɔ mam sɩra ka basɛ, baa la wakatɛ sɛka tɩ ba daan kʋ A'ãntipasɩ n de sɩra dãana n tɔgɛ mam yelle ya zẽ'am, zẽ'e-sɛka tɩ Asũtãana boe la.

Lilegere 20:4

Tɩ mam yẽ na'am bĩmbĩna, tɩ ba bɔ nẽr-sɛba n zĩ ba zuto la ke'eŋo tɩ ba di sarɩya. Tɩ mam yẽ nẽr-sɛba tɩ ba daan wige ba zuto, ban bɔ Azezi sɩra, dee mõolɛ Nawẽnnɛ yetɔga la sɩɩsɩ. Nẽr-bãma daan ka nã'asɛ dũŋa la, la a bõnɔ na tɩ ba mãalɛ la, la ba ka to'oge a dãalgɔ ba dĩa zuto bɩɩ ba nu'usi zuto. Ba vo'oge mɛ lagɩm na Krisi di na'am yʋʋma tʋsrɛ la pʋam.

Lilegere 8:3

La malɛka ayẽma n wa'am wa ze'ele kãabgɔ bĩmbĩnne na zẽ'am. A daan tarɩ la sãlma laaga tɩ ba tarɩ yõ'ora tɩdarɛ. Tɩ ba bɔ ẽ tɩdarɛ pãɩ, tɩ a dɩkɛ ba lagɩm na Nawẽnnɛ nẽrba wuu pʋ'ʋsgɔ yõ sãlma kãabgɔ bĩmbĩnne n boe na'am bĩmbĩnne na nẽŋam na zuo bɔ Nawẽnnɛ.

Lilegere 9:13

Tɩ malɛka bʋyoobɩ dãana peebe benkonne. Tɩ mam wõm kõa n ze'ele sãlma kãabgɔ bĩmbĩnne n boe Nawẽnnɛ nẽŋam kʋgra banaasɩ la zẽ'am.