Lilegere 6:11 - Farefare Ninkaré

¹¹ Tɩ ba bɔ ba nẽra woo fu-pɛɛlga, dee yele ba yetɩ ba gu fẽe, halɩ tɩ ba kʋ ba sɔbiisi n de ba tõntõn-taaba, n de ba kʋ ba wʋ bãma la, tɩ ba sõorɛ paagɛ.

ZE'ELEGO PAALEGA

¹¹ Ti ba bo' ba za'a fupɛɛlega fupɛɛlega, gee yele ba yeti, ba lebe ta gã'arɛ fii wa, gura ti kãlɛ se'ere ti ba yeti ba kɔrum ba tuntuneba tadaanduma la, la ba suurɔ la ti ba yeti ba ku ba nananawa la paaɛ.

Lilegere 6:11 ပူးပေါင်းရင်းမြစ်များ

Amatie 10:21

Sɔbia wʋn botɩ ba yõkɛ a sɔbia kʋ. La sɔdõma mẽ wʋn ẽŋɛ ba kɔma bɛla. La kɔma mẽ wʋn zɛbɛ la ba dɔgrɩba, botɩ ba kʋ ba.

Aluki 15:22

Tɩ a sɔ la yele a tõntõnɩba yetɩ: ‹Sẽŋɛ-ya tɔtɔ ka tarɩ fu-sɛka n ãn sõŋa gãnna la wa'am wa yɛ ẽ, dee dɩkɛ nutʋa pire a nu'ubiire, dee dɩkɛ tagra pire ẽ.

Azã 16:2

Ba wʋn wa dige ya ba wẽndeto pʋam, la wakatɛ sẽna tɩ nẽrba wʋn kʋ ya, dee tẽ'esɛ tɩ bãma tõm na Nawẽnnɛ tõonɛ.

Tõoma 20:24

La mam ka geele m mẽŋa yõvore la tɩ a tarɩ yõorɔ bɔ mam, sɛla n tarɩ yõorɔ bɔ mam de la mam yãŋɛ tõm m tõonɛ na tɩ Zuudãana Azezi bɔ mam na ba'asɛ. Tõon-ẽŋa de la mam mõolɛ Nawẽnnɛ yel-sõnnɛ na kõ-yẽlga.

2 Tesaloniki 1:7

dee basɛ tɩ yãma sɛba n nãmsrɩ la, lagɩm na tõma vo'ose wakat-sɛka tɩ Zuudãana Azezi wʋn ze'ele Nawẽnnɛ yire wa'am, la a malɛkadõma n tarɩ pãn-kãtɛ,

2 Timoti 4:7

Mam mẽ mẽerɛ sõŋa mɛ yãŋɛ, mam zoe paagɛ zʋa la tɛka mɛ, la mam bɔ Nawẽnnɛ sɩra mɛ ka basɛ.

Hiburuduma 11:40

Nawẽnnɛ yʋʋn põn dẽŋɛ looge yɛm tɩ a ẽŋɛ la sɛla n ãn sõŋa gãnna bɔ tõma, bɛla tɩ a ka botɩ ba masɛ sɛla woo pʋam, tɩ tõma ka naagɛ la ba.

Hiburuduma 12:23

La ya ken lɛm na Nawẽnnɛ nẽrba lagsgɔ n de a kɔm-kẽendõma tɩ ba yʋ'ʋra gʋlsɛ Nawẽnnɛ yire la. La ya lɛm Nawẽnnɛ n de nẽrba wuu sarɩyadita. Ya lɛm na nẽr-sɛba n masɛ Nawẽnnɛ zẽ'am, dee masɛ sɛla woo pʋam na sɩɩsɩ zẽ'am.

Hiburuduma 4:10

Se'ere n soe la, nẽr-sɛka n kẽ Nawẽnnɛ vo'osgo la zẽ'am, mẽ basrɩ a tõoma mɛ dee vɔ'ɔsra, wʋ Nawẽnnɛ n ba'asɛ a tõoma dee vo'ose se'em na.

Lilegere 10:6

pɔɩ la Nawẽnnɛ n boe wakatɛ wuu, n nãam saazuum, la tẽŋa, la ko-kãtɛ, la sɛla wuu n boe ba pʋam na, yetɩ: «La kãn le yuuge.

Lilegere 13:15

Tɩ ba bɔ dũŋa bʋyi dãana la ke'eŋo tɩ a bɔ bõnɔ na tɩ ba mãalɛ tɩ a ãna wʋ pɔspɔsɩ dũŋa la vo'osʋm, tɩ a tãna tɔgra, dee kʋ sɛba wuu n ka nã'asrɩ ẽ na.

Lilegere 14:13

Tɩ mam wõm kõa n ze'ele saazuum yele mam yetɩ: «Gʋlsɛ yetɩ: ‹Lan pɔsɛ lɛɛlɛ wã, nẽr-sɛba n kiiri Zuudãana doosgo pʋam na tarɩ zu-yẽlga.› Tɩ Nawẽnnɛ Sɩa yetɩ: ‹La de la sɩra, ba wʋn vo'ose la ba tõon-tooro, ba tõon-sõma la dolɩ ba mɛ.› »

Lilegere 17:6

La mam yẽ tɩ pɔg-ẽŋa yũ la Nawẽnnɛ nẽrba zɩɩm buge, nẽr-sɛba n bɔ Azezi sɩra tɩ ba kʋ ba la zɩɩm. Mam n yẽ ẽ na, la di'ige mam mɛ zozo'e.

Lilegere 7:14

Tɩ mam lerge ẽ yetɩ: «M zuudãana, fõn mi.» Tɩ a yele mam yetɩ: «Ba de la nẽr-sɛba n ze'ele toog-kãtɛ pʋam na. Ba peege ba futo mɛ Pebila la zɩɩm pʋam tɩ ba pelge.

Lilegere 7:9

Bɛla poorʋm mam bɩsrɩ mɛ, yẽ nẽr-kʋʋŋɔ zozo'e tɩ nẽra nẽra ka tã wʋn kãalɛ. Ba de la so'olʋm wuu nẽrba, la buuri wuu nẽrba, la tẽnsɩ wuu nẽrba, la yetɔga buuri wuu nẽrba. Ba daan yɛ la fu-pɛɛlsɩ zãla karkɔŋa võorɔ ba nu'usum zɛ na'am bĩmbĩnne, la Pebila la nẽŋam.