Lilegere 5:13 - Farefare Ninkaré

¹³ Tɩ mam wõm bõn-nãanɩsɩ wuu n boe Nawẽnnɛ yire, la tẽŋa zuo, la tẽŋa pʋam pʋam, la ko-kãtɛ pʋam, la bõn-nãanɩsɩ n boe zẽ'esɩ wuu n yetɩ: «Sɛka n zĩ na'am bĩmbĩnne zuo, la Pebila la n soe pẽka, la nã'asgɔ, la na'am pãŋa, la ke'eŋo wakatɛ n ka ba'asrɩ.»

ZE'ELEGO PAALEGA

¹³ Ti mam wum ti bunvua woo en boi tinsuŋan, timpaberɛ wa zuo, la tiŋa tiŋa ha, la ateko puan, la sɛla woo en boi ba puan, ti ba za'a yuuna yeti, “ Se'em daana en zi' na'am kuka kãtɛ la zuo la, la Pebila la, sum, la na'ahegɔ, suŋa la kpe'eŋo dɛna fum dinɛ wuuha wuuha.”

Lilegere 5:13 ပူးပေါင်းရင်းမြစ်များ

Amatie 6:13

Da basɛ tɩ yelle paagɛ tɔ tɩ tɩ lui. Fãagɛ tɔ be'em dãana nu'usum basɛ. [Tɩ fõn soe so'olʋm, la pãŋa, la nã'asgɔ wakatɛ n ka ba'asrɩ. Amina!]›

Aluki 2:14

«Nawẽnnɛ n boe saazuum n soe pẽka, la nẽr-sɛba tɩ a nõŋɛ la tarɩ sũ-mã'asʋm dũnia zuo.»

Azã 1:29

Tɩ beere wiige, tɩ Azã yẽ Azezi n sẽm a zẽ'am. Tɩ a yetɩ: «Bɩsɛ-ya, ẽna n de Nawẽnnɛ Pebila n yesrɩ nẽrsaalba tõon-be'ero basra.

Aromduma 11:36

Sɛla woo ze'ele la Nawẽnnɛ zẽ'am. Ẽŋa ĩyã tɩ sɛla woo bɔna, dee dɛna a bõnɔ. Ẽŋa n soe nã'asgɔ wakatɛ wuu. Amina.

Aromduma 16:27

Nawẽnnɛ ayɩla n de yɛm dãana la sɔna nã'asgɔ wakatɛ n ka ba'asrɩ, Azezi-krisi yʋ'ʋrɛ ĩyã. Amina.

Aromduma 9:5

Ba buuri la ze'ele la tɩ sɔ-yaaba Abraham, la a yɩɩsɩ la pʋam. La Krisi n lebge nẽrsaala la, de la bãma buuri nẽra. Ẽŋa n de Nawẽnnɛ n gãnnɩ sɛla woo la n soe pẽka wakatɛ n ka tarɩ ba'asgɔ. Amina.

Efɛɛzɩ 3:21

ẽŋa n masɛ tɩ a yẽta nã'asgɔ Krisi nẽrba la zẽ'am Azezi-krisi ĩyã zamãana woo zamãana wakatɛ n ka ba'asrɩ. Amina.

Filipi 2:10

Tɩ Azezi ĩyã, bõn-sɛba wuu n boe saazuum, la tẽŋa zuo, la tẽŋa pʋam, wʋn ka dũma tẽŋa a nẽŋam pẽgɛ ẽ, a yʋ'ʋrɛ la ĩyã.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

1 Timoti 4:16

Guuse fʋ mẽŋa la fʋ vɔm, la fʋ zãsŋɔ la. Mõrgɛ ze'ele kãŋkãŋɛ ɩta bɛla wuu. Fʋ sãn ɩta bɛla, tɩ fʋ wʋn fãagɛ fʋ mẽŋa, la sɛba n selsrɩ fʋ la.

1 Pita 4:11

Nẽr-sɛka n tɔgrɩ, a tɔgɛ wʋ Nawẽnnɛ n yele se'em, nẽr-sɛka n tõnnɩ sõŋrɛ tõoma, a sõŋɛ wʋ Nawẽnnɛ n bɔ ẽ pãŋa se'em. Tɩ tõon-bãma wuu wʋn nã'asɛ Nawẽnnɛ yʋ'ʋrɛ Azezi-krisi ĩyã. Ẽŋa n soe nã'asgɔ, la pãŋa wakatɛ n ka ba'asrɩ. Amina.

1 Pita 5:11

Ẽŋa n soe pãŋa wakatɛ n ka ba'asrɩ. Amina.

Azudi 1:25

Nawẽnnɛ ayɩla mã'a n de tɩ Fãagra tɩ Zuudãana Azezi-krisi ĩyã, n soe pẽka, la nã'asgɔ, la pãŋa, la ke'eŋo, lan dẽŋɛ pĩ'iluŋo, la lɛɛlɛ wã, la wakatɛ n ka ba'asrɩ. Amina.

Lilegere 1:6

botɩ tõma dɛna a so'olʋm kãabgɔ kẽma tõnna bɔ'ɔra Nawẽnnɛ n de a Sɔ la. Ẽŋa n soe nã'asgɔ, la pãŋa wakatɛ n ka ba'asrɩ. Amina.

Lilegere 13:8

Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.

Lilegere 5:1

La mam yẽ la gõŋɔ n boe sɛka n zĩ na'am bĩmbĩnne zuo la zʋʋgɔ nu'ugo pʋam, tɩ a nẽŋa la a poore wuu gʋlsɛ, tɩ ba dɩkɛ bõnɔ n tabrɩ tabɛ ẽ zẽ'esɩ bayopɔɩ.

Lilegere 5:12

Ba daan yõonɩ mɛ ke'enke'em yetɩ: «Pebila tɩ ba daan kʋ la n masɛ tɩ a to'oge ke'eŋo, la bõntarsõm, la yɛm, la pãŋa, la nã'asgɔ, la na'am pãŋa, la pẽka.»

Lilegere 5:3

La nẽra nẽra daan ka boe Nawẽnnɛ yire, bɩɩ dũnia zuo, bɩɩ tẽŋa wã pʋam pʋam n tã wʋn lakɛ gõŋɔ la, dee bɩsɛ a pʋam.

Lilegere 5:6

Tɩ mam yẽ Pebila n ze na'am bĩmbĩnne na tẽŋasʋka, tɩ bõn-vɔɔsɩ banaasɩ, la kẽma la gilge ẽ basɛ tẽŋasʋka. Pebila la ãn wʋ ba daan kʋ ẽ mɛ na. A tarɩ la ɩɩla bayopɔɩ, la nini bayopɔɩ n de Nawẽnnɛ sɩɩsɩ bayopɔɩ la tɩ a tõm dũnia wuu pʋam na.

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.

Lilegere 6:16

Dee yɛta tãnsɩ, la tãmpĩisi la yetɩ: «Lui-ya tɩ zuto sʋgɛ tɔ, tɩ sɛka n zĩ na'am bĩmbĩnne zuo la da yẽta tɔ, tɩ Pebila la sũ-isgre da paagɛ tɔ.