Lilegere 5:12 - Farefare Ninkaré

¹² Ba daan yõonɩ mɛ ke'enke'em yetɩ: «Pebila tɩ ba daan kʋ la n masɛ tɩ a to'oge ke'eŋo, la bõntarsõm, la yɛm, la pãŋa, la nã'asgɔ, la na'am pãŋa, la pẽka.»

ZE'ELEGO PAALEGA

¹² yuuna la ba kuuhi za'a yeti, “ Pebila la ti ba kɔregɛ la nari mɛ ti ka to'e paŋa, tarega, yɛm la kpe'eŋo la na'ahegɔ, la suŋa, la sum.”

Lilegere 5:12 ပူးပေါင်းရင်းမြစ်များ

Amatie 28:18

Tɩ Azezi lɛm ba, yele ba yetɩ: «Nawẽnnɛ bɔ mam pãŋa wuu n boe saazuum, la tẽŋa wã zuo mɛ.

Azã 1:29

Tɩ beere wiige, tɩ Azã yẽ Azezi n sẽm a zẽ'am. Tɩ a yetɩ: «Bɩsɛ-ya, ẽna n de Nawẽnnɛ Pebila n yesrɩ nẽrsaalba tõon-be'ero basra.

Azã 17:2

La de la fõn bɔ mam nõorɛ tɩ m sɔna nẽrsaalba wuu, dee bɔ sɛba tɩ fõn bɔ mam na wuu vɔm n ka ba'asrɩ.

2 Korẽntɩ 8:9

Yãma mi tõma Zuudãana Azezi-krisi yel-sõnnɛ na mɛ: Baa la ẽŋa n daan de bõntarsõm dãana la, a daan ẽŋɛ a mẽŋa la nasa yãma ĩyã. Tɩ ẽn ẽŋɛ a mẽŋa nasa la, wʋn botɩ yãma lebge bõntatba Nawẽnnɛ zẽ'am.

1 Timoti 1:17

Nawẽnnɛ n de naba wakatɛ wuu, n ka kiiri, tɩ nini ka yẽta ẽ, ẽŋa ayɩla mã'a sɔna pẽka la nã'asgɔ wakatɛ n ka ba'asrɩ. Amina.

Lilegere 1:6

botɩ tõma dɛna a so'olʋm kãabgɔ kẽma tõnna bɔ'ɔra Nawẽnnɛ n de a Sɔ la. Ẽŋa n soe nã'asgɔ, la pãŋa wakatɛ n ka ba'asrɩ. Amina.

Lilegere 13:8

Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.

Lilegere 15:3

Ba yõonɩ na Nawẽnnɛ tõntõnna Amoyisi yõonɛ, la Pebila la yõonɛ yetɩ: «Zuudãana Nawẽnnɛ n de ke'eŋo wuu dãana, fõn tõoma de la tõon-kãra, la tõon-yãlma. So'olʋm buuri wuu Naba, fõn yɛla la masɛ mɛ, la ba de la sɩra.

Lilegere 19:1

Bɛla poorʋm, mam wõm na kõa n tɔgrɩ ke'enke'em Nawẽnnɛ yire wʋ nẽr-kʋʋŋɔ kõosɩ la yetɩ: «Aleluya! Nã'asɛ-ya Nawẽnnɛ! Fãarɛ, la nã'asgɔ, la ke'eŋo de la tõma Wẽnnaam n soe.

Lilegere 4:11

«Tɩ Zuudãana Nawẽnnɛ, fõn masɛ fʋ to'oge na'am pãŋa, la nã'asgɔ, la ke'eŋo, la de la fõn nãam sɛla woo, la de la fõn boorɩ ĩyã, tɩ fõn nãam ba tɩ ba bɔna.»

Lilegere 5:13

Tɩ mam wõm bõn-nãanɩsɩ wuu n boe Nawẽnnɛ yire, la tẽŋa zuo, la tẽŋa pʋam pʋam, la ko-kãtɛ pʋam, la bõn-nãanɩsɩ n boe zẽ'esɩ wuu n yetɩ: «Sɛka n zĩ na'am bĩmbĩnne zuo, la Pebila la n soe pẽka, la nã'asgɔ, la na'am pãŋa, la ke'eŋo wakatɛ n ka ba'asrɩ.»

Lilegere 5:6

Tɩ mam yẽ Pebila n ze na'am bĩmbĩnne na tẽŋasʋka, tɩ bõn-vɔɔsɩ banaasɩ, la kẽma la gilge ẽ basɛ tẽŋasʋka. Pebila la ãn wʋ ba daan kʋ ẽ mɛ na. A tarɩ la ɩɩla bayopɔɩ, la nini bayopɔɩ n de Nawẽnnɛ sɩɩsɩ bayopɔɩ la tɩ a tõm dũnia wuu pʋam na.

Lilegere 5:8

Ẽn to'oge gõŋɔ la, bõn-vɔɔsɩ banaasɩ la, la kẽma pisyi la anaasɩ la, ka la dũma a nẽŋam. Ba nẽra woo zãlɩ la kõlŋɔ, la sãlma laasɩ n pɩrɛ la tɩdarɛ n tarɩ yũuŋo n ãn yẽlʋm, n de Nawẽnnɛ nẽrba pʋ'ʋsgɔ.

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.

Lilegere 6:1

La mam yẽ mɛ tɩ Pebila la lakɛ bõnɔ na n tabɛ zẽ'esɩ bayopɔɩ la ayɩla. Tɩ mam wõm bõn-vɔɔsɩ banaasɩ la ayɩla n tɔgrɩ tɩ a kõa ãna wʋ saaga n tãsrɩ la yetɩ: «Wa'am!»

Lilegere 7:12

yetɩ: «Asɩra, Nawẽnnɛ n soe nã'asgɔ, la na'am pãŋa, la yɛm, la yel-sõnnɛ pʋ'ʋsgɔ, la pẽka, la ke'eŋo, la pãŋa wakatɛ n ka ba'asrɩ. Amina.»