Lilegere 4:11 - Farefare Ninkaré

¹¹ «Tɩ Zuudãana Nawẽnnɛ, fõn masɛ fʋ to'oge na'am pãŋa, la nã'asgɔ, la ke'eŋo, la de la fõn nãam sɛla woo, la de la fõn boorɩ ĩyã, tɩ fõn nãam ba tɩ ba bɔna.»

ZE'ELEGO PAALEGA

¹¹ “Fu nari mɛ, tu Daana la tu Yinɛ, ti fum to'e pɛka la na'ahegɔ la paŋa, se'ere en sɔi la, fum naam sɛla woo , ti fum sumboolum zuo ti ba bɔna, ti fum en naam ba.”

Lilegere 4:11 ပူးပေါင်းရင်းမြစ်များ

Tõoma 14:15

«Nẽrba wã, bẽm tɩ ya yetɩ ya ẽŋɛ wãna? Tõma mẽ de la nẽrsaalba wʋ yãma n ãn se'em na, la tõma mõolɩ la kõ-yẽlga pa'ala yãma tɩ ya basɛ bõn-bãna wã n ka tarɩ yõorɔ, dee dɔla Nawẽnnɛ n de vɔm dãana. Ẽŋa n nãam saazuum la tẽŋa, la ko-kãtɛ, la bõn-sɛba wuu n boe ba pʋam na.

Tõoma 17:24

Nawẽnnɛ ẽŋa n nãam dũnia la sɛla wuu n boe ba pʋam, ẽŋa n soe saazuum la tẽŋa. A ka kẽ'erɩ deego tɩ nẽrsaalba mẽ pʋam.

Aromduma 11:36

Sɛla woo ze'ele la Nawẽnnɛ zẽ'am. Ẽŋa ĩyã tɩ sɛla woo bɔna, dee dɛna a bõnɔ. Ẽŋa n soe nã'asgɔ wakatɛ wuu. Amina.

Efɛɛzɩ 3:9

dee botɩ nẽrba bãŋɛ Nawẽnnɛ n yetɩ a ẽŋɛ se'em n daan sʋgɛ la. Ẽŋa n nãam sɛla woo la, sʋgɛ bõn-ẽŋa mɛ halɩ yʋʋma yʋʋma wa paam zĩna.

Hiburuduma 1:10

Dee ken yetɩ: «Zuudãana, fõn nãam tẽŋa halɩ pĩ'iluŋo wakatɛ, la saazuum wuu de la fõn nu'usi tõoma.

Hiburuduma 1:2

La lɛɛlɛ wã n de ba'asgɔ wakatɛ la, Nawẽnnɛ botɩ a Dayʋa la n tɔgɛ bɔ tɔ. La doose la ẽŋa tɩ a nãam dũnia la saazuum wuu, la a botɩ ẽŋa n sɔna sɛla woo.

Lilegere 1:6

botɩ tõma dɛna a so'olʋm kãabgɔ kẽma tõnna bɔ'ɔra Nawẽnnɛ n de a Sɔ la. Ẽŋa n soe nã'asgɔ, la pãŋa wakatɛ n ka ba'asrɩ. Amina.

Lilegere 10:6

pɔɩ la Nawẽnnɛ n boe wakatɛ wuu, n nãam saazuum, la tẽŋa, la ko-kãtɛ, la sɛla wuu n boe ba pʋam na, yetɩ: «La kãn le yuuge.

Lilegere 14:7

A daan tɔgrɩ mɛ ke'enke'em yetɩ: «Zoe-ya Nawẽnnɛ, la ya nã'asɛ ẽ, se'ere n soe la, wakatɛ paagɛ mɛ tɩ a wʋn di nẽrba sarɩya. Ka-ya dũma nã'asɛ Nawẽnnɛ n nãam saazuum, la tẽŋa, la ko-kãtɛ, la kʋlsɩ wuu n bulli la.»

Lilegere 19:1

Bɛla poorʋm, mam wõm na kõa n tɔgrɩ ke'enke'em Nawẽnnɛ yire wʋ nẽr-kʋʋŋɔ kõosɩ la yetɩ: «Aleluya! Nã'asɛ-ya Nawẽnnɛ! Fãarɛ, la nã'asgɔ, la ke'eŋo de la tõma Wẽnnaam n soe.

Lilegere 5:12

Ba daan yõonɩ mɛ ke'enke'em yetɩ: «Pebila tɩ ba daan kʋ la n masɛ tɩ a to'oge ke'eŋo, la bõntarsõm, la yɛm, la pãŋa, la nã'asgɔ, la na'am pãŋa, la pẽka.»

Lilegere 5:2

Tɩ mam yẽ malɛka n tarɩ pãŋa n tɔgrɩ ke'enke'em yetɩ: «Ãne n masɛ wʋn lakɛ bõnɔ na n tabɛ la, dee lakɛ gõŋɔ la?»

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.