Lilegere 3:8 - Farefare Ninkaré

⁸ ‹Mam mi ya tõoma mɛ, mam mi tɩ ya pãŋa ka zo'oge, la baa la bɛla, ya sakɛ mam yetɔga la mɛ, la ya ka sɩ'ɩsɛ tɩ yãma ka mi mam. Mam yo'oge la sore bɔ ya, la nẽra nẽra kãn yãŋɛ yʋ ẽ.

ZE'ELEGO PAALEGA

⁸ “N mi' ya tuuma. Bihɛ yaa, N yu'ɛ la kuleŋa biŋe ya, ti se'em ka bɔna wan yu' ka. Mam mi' ti ya tari paŋa fii wa, gee la bala za'a, ya tari mam yelehum la mɛ suŋa suŋa, ka zagehɛ mam yu'urɛ la.

Lilegere 3:8 ပူးပေါင်းရင်းမြစ်များ

Aluki 12:9

La nẽr-sɛka woo n sɩ'ɩsɛ nẽrba nẽŋam tɩ ẽŋa dagɩ mam nẽra, mam mẽ wʋn sɩ'ɩsɛ Nawẽnnɛ malɛkadõma nẽŋam tɩ a dagɩ mam nẽra.

Azã 15:20

Tẽegɛ-ya yetɔg-sɛka tɩ mam yele ya tɩ: ‹Tõntõnna ka gãnna a zuudãana la.› Ba sãn nãmsɛ mam, ba mẽ wʋn nãmsɛ yãma mɛ. La ba sãn sakɛ mam yetɔga, ba wʋn sakɛ yãma mẽ yetɔga.

Azã 17:6

Mam botɩ sɛba tɩ fõn looge dũnia nẽrba pʋam bɔ mam na bãŋɛ fõn mɛ. Ba daan de la fõn nẽrba, tɩ fõn dɩkɛ ba bɔ mam, la ba sakɛ fʋ yetɔga la mɛ.

Tõoma 14:27

La ban paagɛ la, ba botɩ Azezi nẽrba la lagsɛ mɛ, tɩ ba tɔgɛ pa'alɛ ba Nawẽnnɛ n tõm la bãma se'em, la a yo'oge sore mɛ bɔ bu-zãŋsɩ tɩ ba tãna wʋn bɔ ẽ sɩra.

1 Korẽntɩ 16:9

Se'ere n soe la, Nawẽnnɛ yo'oge la sore bɔ mam tɩ m tõm a tõoma zozo'e, baa bɛ'ɛba n zo'oge la.

2 Korẽntɩ 2:12

Mam n daan paagɛ Trʋasɩ tɩ m mõolɛ Krisi kõ-yẽlga la, mam daan yẽ tɩ Zuudãana la yo'oge sore bɔ mam mɛ,

Filipi 4:13

Mam tã ɩta sɛla woo mɛ, Krisi n bɔ'ɔrɩ mam pãŋa la ĩyã.

Kolɔsɩ 4:3

Pʋ'ʋsra-ya tõma mẽ ĩyã, tɩ Nawẽnnɛ bɔ tɔ sore tɩ tɩ mõolɛ a kõ-yẽlga la pa'alɛ nẽrba Krisi yelle n daan sʋgɛ la. La de la yel-ẽŋa ĩyã tɩ mam bɔna yʋ'a deem.

1 Timoti 5:8

Nẽra sãn ka bɩsra a yir-dõma yelle, lan gãnnɩ a dee-dõma yelle, ẽŋa dãana zagsɛ sɛla tɩ tɩ bɔ sɩra la mɛ, la a de la tõon-be'ero dãana gãnna sɛka n ka dolɩ Nawẽnnɛ na.

2 Timoti 4:7

Mam mẽ mẽerɛ sõŋa mɛ yãŋɛ, mam zoe paagɛ zʋa la tɛka mɛ, la mam bɔ Nawẽnnɛ sɩra mɛ ka basɛ.

Azudi 1:4

Se'ere n soe la, nẽrba basɛba n li'ise kẽ ya pʋam. Nẽr-bãma de la sɛba n sɩ'ɩsrɩ Nawẽnnɛ, tɛɛra a yel-sõnnɛ yetɔga la, dɩkɛ tõnna tõon-dẽgrɔ, dee sɩ'ɩsra Azezi-krisi n de tɩ kɛ'ɛma la tɩ Zuudãana ayɩla mã'a la. Halɩ kʋrʋm kʋrʋm tɩ la põn gʋlsɛ sɩbgrɛ sɛka tɩ ba wʋn yẽ.

Lilegere 2:13

‹Mam mi zẽ'e-sɛka tɩ yãma boe la mɛ, zẽ'e-ẽŋa tɩ Asũtãana na'am bĩmbĩnne boe. La ya dɩkɛ ya mẽŋa lablɛ la mam mɛ, ze'ele kãŋkãŋɛ bɔ mam sɩra ka basɛ, baa la wakatɛ sɛka tɩ ba daan kʋ A'ãntipasɩ n de sɩra dãana n tɔgɛ mam yelle ya zẽ'am, zẽ'e-sɛka tɩ Asũtãana boe la.

Lilegere 2:2

‹Mam mi yãma n tõnnɩ se'em, yãma n nãmsrɩ dee mõrgra sẽnna nẽŋa se'em mɛ. Mam mi tɩ ya ka sakɛ basɛ tɩ nẽr-wẽensɩ tõnna la ya. Yãma makɛ nẽr-sɛba n yetɩ bãma de la Krisi Tõntõnɩba dee dagna bɛla la bɩsɛ mɛ, la yãma bãŋɛ mɛ tɩ ba de la põmpɔrndõma.

Lilegere 22:7

Azezi yetɩ: «Selse-ya! La kãn yuuge dee tɩ mam wa'am. Sɛka n sakrɩ gõŋɔ wã yetɔga tɩ ba to'osrɩ Nawẽnnɛ zẽ'am tɔgra la tarɩ zu-yẽlga.»

Lilegere 3:1

«Gʋlsɛ bɔ Sardɩ Wẽndeego nẽrba la gu'ura yetɩ: Sɛka n tarɩ Nawẽnnɛ sɩɩsɩ bayopɔɩ, la wõrbiɛ bayopɔɩ la n yele se'em n wãna: ‹Mam mi ya tõoma mɛ, fʋ yʋ'ʋrɛ yese mɛ tɩ ba yetɩ ya vɔa mɛ, la, ya ki mɛ.

Lilegere 3:10

Yãma n sakɛ mam yetɔga la mõrgɛ sẽŋɛ nẽŋa na ĩyã, mam mẽ wʋn gu'ura ya sõŋa tɩ toogo sɛka n sẽm dũnia wuu zuo, tɩ a makɛ nẽr-sɛba wuu n boe dũnia zuo la, da paagɛ ya.

Lilegere 3:15

‹Mam mi ya tõoma mɛ, mam mi tɩ ya dagɩ mã'asga, ya mẽ dagɩ tʋʋlga. Mam boorɩ nɩ tɩ ya dɛna la mã'asga bɩɩ tʋʋlga.

Lilegere 3:7

«Gʋlsɛ bɔ Filadɛlfi Wẽndeego nẽrba la gu'ura yetɩ: Sɛka n de pʋpeelem dãana, la sɩra dãana n tarɩ naba Adavidi kʋlɩnbiɛ, sɛka n yʋ'ʋrɩ tɩ nẽra ka tãna yɔ'ɔra, dee yɔ'ɔra tɩ nẽra ka tãna yʋ'ʋra la n yele se'em n wãna: