Lilegere 3:14 - Farefare Ninkaré

¹⁴ «Gʋlsɛ bɔ Laodise Wẽndeego nẽrba la gu'ura yetɩ: Sɛka n de Amina la, sɛka n de sɩra dãana, dee sɩrɩ tɔgra sɛla tɩ a nini yẽ, dee ken dɛna sɛka tɩ Nawẽnnɛ n nãam sɛla wuu ze'ele a zẽ'am n yele se'em n wãna:

ZE'ELEGO PAALEGA

¹⁴ “Suŋera se'em en boi Laodisiya tiŋa lageŋɔ la puan la ti n guleha bɔ'ɔra. Yetɔgebuna ze'ele la se'em en de “Amɛn” la zi'an na. Sakerɛ la yelemɛŋerɛ aze'nyɛ Daana la, se'em en de Yinɛ naaŋɔ la za'a pi'ileŋo daana la zi'an na.

Lilegere 3:14 ပူးပေါင်းရင်းမြစ်များ

Azã 1:3

Nawẽnnɛ la ẽŋa n yʋʋn nãam sɛla woo. Sɛla sɛla ka boe tɩ Nawẽnnɛ la ẽŋa ka nãam.

Azã 8:14

Tɩ Azezi lerge ba yetɩ: «Baa mam sãn bɔ'ɔra m mẽŋa kaseto, mam kaseto de la sɩra. Se'ere n soe la, mam mi mam n ze'ele zẽ'a wa'am, la mam n we'esɩ zẽ'a. La yãma ka mi mam n ze'ele zẽ'a, la mam n we'esɩ zẽ'a.

2 Korẽntɩ 1:20

Nawẽnnɛ n bĩŋe nõorɛ tɩ a ẽŋɛ sɛla wuu la, Azezi-krisi n yetɩ «ẽe», ẽŋa wʋn ẽŋɛ. Bɛla, la de la Azezi-krisi ĩyã tɩ tõma yɛta tɩ: «Amina!» tɩ la dɛna Nawẽnnɛ nã'asgɔ.

Kolɔsɩ 1:15

Azezi-krisi de la Nawẽnnɛ tɩ ba ka yẽtɩ la wõnnɛ. Ẽŋa n de bõn-sɛba n nãam na wuu yiɛn dãana.

Kolɔsɩ 1:18

Ẽŋa n de a nẽrba n de a ĩyã la zuudãana. Ẽŋa n de sɛla woo pɔspɔsɩ dãana, ẽŋa n de pɔspɔsɩ dãana n vo'oge dee basɛ kũm tɩ a dɛna sɛla woo nẽŋadãana.

Kolɔsɩ 2:1

Mam boorɩ tɩ ya bãŋɛ la mam n mõrgɛ tõnna se'em yãma ĩyã, la nẽr-sɛba n boe Laodise, la nẽr-sɛba wuu n nãn ka yẽ mam na nifo la ĩyã.

Kolɔsɩ 4:16

Ya sãn karẽŋɛ gõŋɔ wã ba'asɛ, ya basɛ tɩ ba ken karẽŋɛ ẽ bɔ Azezi nẽrba n boe Laodise la. La yãma mẽ karẽŋɛ Laodise dõma n wʋn bɔ ya gõn-sɛka la.

Lilegere 1:11

yetɩ: «Gʋlsɛ sɛla tɩ fʋ wʋn yẽ la ẽŋɛ gõŋɔ pʋam, soolʋm bɔ tẽnsɩ bayopɔɩ la Wẽndeto nẽrba: Efɛɛzɩ, la Simirni, la Pɛrgamɩ, la Tiyatiiri, la Sardɩ, la Filadɛlfi, la Laodise.»

Lilegere 19:11

La mam yẽ la Nawẽnnɛ yire n yo'oge, tɩ wemõ-pɛɛlga bɔna mĩ, tɩ sɛka n bã ẽ na yʋ'ʋrɛ dɛna Atẽntẽa, la Sɩra Dãana. A diti la sarɩya tɩ la masɛ, dee zɛbra zɛbrɛ tɩ la masɛ.

Lilegere 2:1

Sɛka tɩ mam yẽ la, a ken yele mam yetɩ: «Gʋlsɛ bɔ Efɛɛzɩ Wẽndeego nẽrba la gu'ura yetɩ: Sɛka n zãlɩ wõrbiɛ bayopɔɩ a zʋʋgɔ nu'ugo pʋam, dee sẽnna sãlma fɩtladõma bayopɔɩ tẽŋasʋka la n yele se'em n wãna:

Lilegere 21:6

Dee le yele mam yetɩ: «La ẽŋɛ ba'asɛ mɛ. Mam de la Alfa, la Omega, sɛla woo pĩ'iluŋo, la ba'asgɔ. Koyũuro n tarɩ sɛka, mam wʋn bɔ ẽ ko'om n bulli n bɔ'ɔrɩ vɔm zãŋa tɩ a yũ.

Lilegere 22:13

Mam de la Alfa, la Omega, pɔspɔsɩ dãana, la poorʋm dãana, sɛla woo pĩ'iluŋo, la ba'asgɔ.»

Lilegere 22:6

Tɩ malɛka la yele mam yetɩ: «Yetɔg-bãna wã wuu de la sɩra, masɛ tɩ ba bɔ sɩra. La de la Zuudãana Nawẽnnɛ mẽŋa n botɩ a nõtɔ'ɔsrɩba tɔ'ɔsra a yetɔga tɔgra la, n tõm a malɛka tɩ a wa'am wa pa'alɛ a tõntõnɩba sɛla n kãn yuuge dee ẽŋɛ.»

Lilegere 3:7

«Gʋlsɛ bɔ Filadɛlfi Wẽndeego nẽrba la gu'ura yetɩ: Sɛka n de pʋpeelem dãana, la sɩra dãana n tarɩ naba Adavidi kʋlɩnbiɛ, sɛka n yʋ'ʋrɩ tɩ nẽra ka tãna yɔ'ɔra, dee yɔ'ɔra tɩ nẽra ka tãna yʋ'ʋra la n yele se'em n wãna: