Lilegere 3:10 - Farefare Ninkaré

¹⁰ Yãma n sakɛ mam yetɔga la mõrgɛ sẽŋɛ nẽŋa na ĩyã, mam mẽ wʋn gu'ura ya sõŋa tɩ toogo sɛka n sẽm dũnia wuu zuo, tɩ a makɛ nẽr-sɛba wuu n boe dũnia zuo la, da paagɛ ya.

ZE'ELEGO PAALEGA

¹⁰ Yamam en tari mam yelehum la en de sugeri, la ŋmibega la zuo, n wan gu' ya makerɛ se'ere en ye'ehe timpaberɛ wa zuo na ti de makɛ tiŋa wa zuo nɛreba za'a la puan.

Lilegere 3:10 ပူးပေါင်းရင်းမြစ်များ

Amatie 24:14

Nawẽnnɛ so'olʋm kõ-yẽlga wʋn mõolɛ dũnia wuu mɛ, tɩ buuri wuu wõm, dee tɩ dũnia ba'asgɔ yãŋa paagɛ.

Amatie 26:41

Basɛ-ya gẽem dee pʋ'ʋsɛ Nawẽnnɛ tɩ yelle da paagɛ ya tɩ ya lui. Ya sɩa boorɩ mɛ, la ya ĩyã la ka tarɩ pãŋa.»

Amatie 6:13

Da basɛ tɩ yelle paagɛ tɔ tɩ tɩ lui. Fãagɛ tɔ be'em dãana nu'usum basɛ. [Tɩ fõn soe so'olʋm, la pãŋa, la nã'asgɔ wakatɛ n ka ba'asrɩ. Amina!]›

Amarkɩ 14:9

Mam yetɩ ya la asɩra, tɩ dũnia wã zẽ'e-sɛka wuu tɩ ba wʋn wa mõolɛ Nawẽnnɛ kõ-yẽlga la, ba mẽ wʋn tɔgɛ pɔka wã n ẽŋɛ mam se'em wã, tɩ ba tẽra a yelle.»

Aluki 2:1

Ban daan dɔgɛ Azã la, wakat-ẽŋa tɩ na-keko A'ogisti daan bɔ nõorɛ yetɩ, ba kãalɛ a tẽŋa la wuu nẽrba.

Azã 17:6

Mam botɩ sɛba tɩ fõn looge dũnia nẽrba pʋam bɔ mam na bãŋɛ fõn mɛ. Ba daan de la fõn nẽrba, tɩ fõn dɩkɛ ba bɔ mam, la ba sakɛ fʋ yetɔga la mɛ.

Aromduma 1:8

Pɔspɔsɩ, Azezi-krisi ĩyã mam pʋ'ʋsrɩ mam Zuudãana Nawẽnnɛ a yel-sõnnɛ yãma wuu ĩyã, se'ere n soe la, ba tɔgrɩ yãma n bɔ Azezi sɩra se'em mɛ dũnia wã wuu.

1 Korẽntɩ 10:13

Yel-sɛba n paarɩ ya la, la de la yel-bãma n mẽ paarɩ nẽrba basɛba. La Nawẽnnɛ de la sɩra dãana, a kãn basɛ tɩ yel-sɛka n gãnnɩ ya pãŋa paagɛ ya. La yelle pʋam, a wʋn bɔ ya pãŋa tɩ ya wĩbe, dee ẽŋɛ sore tɩ ya yese.

Efɛɛzɩ 6:13

Bɛla ĩyã, dɩkɛ-ya Nawẽnnɛ zɛbrɛ lɔgrɔ la wuu yɛ, tɩ ya wʋn tã'agɛ ze'ele zɛbɛ be'em wakatɛ. La zɛbrɛ la sãn wa ba'asɛ, ya wʋn ken zɛ kãŋkãŋɛ.

2 Timoti 2:12

La tɩ sãn mõrgɛ ze'ele kãŋkãŋɛ, tɩ wʋn lagɩm na ẽ di na'am. Tɩ sãn zagsɛ yetɩ tõma ka mi ẽ, a mẽ wʋn zagsɛ yetɩ ẽŋa ka mi to.

Yemesi 3:12

Bɩɩ sẽnsãabga tã wʋn wɔnna kẽnkãma? Bɛla, bulga n bulli ko-be'ero ka tã wʋn bulla ko-sõma.

1 Pita 4:12

M sɩr-nõŋrɩsɩ, da basɛ-ya tɩ nãmsgɔ kãtɛ sɛka n paarɩ ya la ãna wʋ yel-di'iŋa bɔ ya.

2 Pita 2:9

Bɛla pa'alɩ tɩ Zuudãana Nawẽnnɛ mi ẽŋa n ɩtɩ se'em fãara nẽr-sɛba n dolɩ a sore la nãmsgɔ pʋam mɛ, dee mina ẽŋa n ɩtɩ tõon-be'ero dõma se'em gu'ura sarɩyadia daarɛ tɩ ba wʋn yẽ sɩbgrɛ.

Lilegere 1:9

Mam de la Azã n de ya sɔbia n po nãmsra, lagɩm na yãma po tara pʋrɛ Nawẽnnɛ so'olʋm na pʋam, ken po lagɩm na yãma mõrgra sẽnna nẽŋa Azezi doosgo la pʋam. Mam daan tɔgɛ la Nawẽnnɛ yetɔga, la Azezi-krisi yelle, tɩ ba tarɩ mam sẽŋɛ tẽŋa tɩ ko'om gilge yʋ'ʋrɛ n de Patmõsɩ.

Lilegere 11:10

Dũnia nẽrba sũure wʋn ẽŋɛ yẽlʋm mɛ, ban yẽ tɩ nẽrba bayi la ki la ĩyã. Tɩ ba wʋn ẽŋɛ sũ-yẽlga de'em, bɔ taaba bɔ'a, se'ere n soe la, nõtɔ'ɔsrɩba bayi la nãmsɛ nẽrba dũnia mɛ.

Lilegere 13:10

Nẽr-sɛka n de ba yõkɛ ẽ sẽŋɛ, ba wʋn yõkɛ ẽ sẽŋɛ. Nẽr-sɛka n de ba kʋ ẽ na sʋ'a, ba wʋn kʋ ẽ na sʋ'a. Bɛla, dẽnɩ tɩ Nawẽnnɛ nẽrba tara sũ-ke'eŋo, dee bɔ Nawẽnnɛ sɩra.

Lilegere 13:14

Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

Lilegere 13:8

Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.

Lilegere 14:12

Bɛla, dẽnɩ tɩ Nawẽnnɛ nẽrba n sakra a nõorɛ dee bɔ Azezi sɩra la, tara sũ-ke'eŋo.

Lilegere 14:6

Tɩ mam yẽ malɛka ayẽma n ẽgrɩ saazuum-zuum, a tarɩ la Nawẽnnɛ kõ-yẽlga n boe wakatɛ wuu tɩ a mõolɛ bɔ nẽr-sɛba wuu n boe dũnia zuo, so'olʋm wuu nẽrba, la buuri wuu nẽrba, la yetɔga buuri wuu nẽrba, la tẽnsɩ wuu nẽrba.

Lilegere 16:14

Ba de la Asũtãana kʋlkã'arsɩ n ɩtɩ bõn-yãlma. Ba we'esɩ la dũnia na'adõma wuu zẽ'am tɩ ba lagsɛ ba, tɩ ba zɛbɛ la Nawẽnnɛ n de ke'eŋo wuu dãana, a dabs-kãtɛ la daarɛ.

Lilegere 17:2

La de la ẽŋa tɩ dũnia na'adõma tõm yalsɩ tõoma la ẽ zozo'e. La dũnia nẽrba mẽ tõm na a yalsɩ tõoma wʋ dãam tɩ ba yũ buge la.»

Lilegere 17:8

Dũŋa la tɩ fʋ yẽ la, kʋrʋm a vɔa mɛ, la a ka le bɔna, la a wʋn ze'ele la bog-ko'ogo la pʋam dooge, sẽŋɛ sã'aŋɔ zẽ'am. La dũnia nẽr-sɛba yʋ'ʋra n ka gʋlsɛ bɔna vɔm gõŋɔ la pʋam halɩ dũnia pĩ'iluŋo wakatɛ la sãn yẽ dũŋa la, la wʋn di'ige ba mɛ, dũŋa la n daan vɔa, ka le wa bɔna, dee le wa bɔna la ĩyã.

Lilegere 2:10

Da zoe-ya dabeem yãma n wʋn nãmsɛ la. Bɩsɛ-ya, Asũtãana wʋn makɛ ya bɩsɛ mɛ, botɩ ba kẽ'esɛ ya nẽrba basɛba yʋ'a deem, la ya wʋn yẽ nãmsgɔ mɛ dabsa pia. Bɔ-ya mam sɩra halɩ ka paagɛ ya kũm, tɩ mam wʋn bɔ ya bɔ'a n de vɔm.

Lilegere 3:8

‹Mam mi ya tõoma mɛ, mam mi tɩ ya pãŋa ka zo'oge, la baa la bɛla, ya sakɛ mam yetɔga la mɛ, la ya ka sɩ'ɩsɛ tɩ yãma ka mi mam. Mam yo'oge la sore bɔ ya, la nẽra nẽra kãn yãŋɛ yʋ ẽ.

Lilegere 6:10

Tɩ ba tɔgra ke'enke'em yetɩ: «Zuudãana n gãnnɩ wuu n ãn sõŋa, n de sɩra dãana, fõn wʋn yuuge paagɛ la wãne dee di dũnia nẽrba sarɩya sɩbgɛ ba, ban kʋ tõma la ĩyã?»

Lilegere 8:13

Tɩ mam yẽ sɩl-kãtɛ n ẽgrɩ saazuum-zuum, wõm ẽn tɔgrɩ ke'enke'em yetɩ: «Waɩ, waɩ! Nẽr-sɛba n boe tẽŋa wã zuo wʋn yẽ la toogo, malɛkadõma batã n weege la n wʋn peebe ba benkɔma, tɩ ba yẽ toogo.»