Lilegere 22:20 - Farefare Ninkaré

²⁰ Sɛka n tɔgɛ yetɔg-bãna bɔ la yetɩ la de la sɩra, a yetɩ: «Asɩra, la kãn yuuge dee tɩ mam wa'am.» Amina! La dɛna bɛla. Zuudãana Azezi, wa'am.

ZE'ELEGO PAALEGA

²⁰ Se'em daana en nyɛ yele ana wa la yeti, “Yelemɛŋerɛ, n kini la kalam kalam na.” Taari, wa'am na Daana Yezu.

Lilegere 22:20 ပူးပေါင်းရင်းမြစ်များ

Azã 21:25

La Azezi daan ẽŋɛ yɛla basɛba zozo'e mɛ. Ba sãn yetɩ ba gʋlsɛ nɩ ba wuu ayɩla-yɩla, mam tẽ'esɛ tɩ zẽ'a kãn bɔna dũnia zuo n wʋn to'oge gõnnɔ na tɩ ba wʋn gʋlsɛ nɩ na.

1 Korẽntɩ 16:22

Nẽr-sɛka n ka nõŋɛ Zuudãana la, kã'a-be'ego wʋn bɔna a dãana zuo. Maranata.

2 Timoti 4:8

Lɛɛlɛ wã, tã'arɛ yɔɔrɔ gã mɛ gu'ura mam, tɩ Zuudãana n diti sarɩya wʋ lan masɛ la, wʋn dɩkɛ bɔ mam daarɛ ẽŋa daarɛ. La, la dagɩ mam mã'a, la de la nẽr-sɛba wuu n nõŋɛ ẽ bɔɔra tɩ a leme wa'am na.

Hiburuduma 10:37

La gʋlsɛ tɩ Nawẽnnɛ yetɩ: «La deege la fẽe, fẽfẽe mã'a, tɩ sɛka n sẽm na wʋn wa'am, a kãn yuuge.

Hiburuduma 9:28

Bɛla mẽ, Krisi dɩkɛ a mẽŋa bɔ la nõorɛ ayɩla yese nẽrba zozo'e tõon-be'ero basɛ. A wʋn le leme wa'am mɛ nõorɛ bʋyi pʋam, la, la kãn dɛna tõon-be'ero yɛsga ĩyã, la de la nẽr-sɛba n gu'uri ẽ tɩ ba yẽ fãarɛ la ĩyã.

Lilegere 1:18

Mam de la sɛka n vɔɩ. Mam daan ki mɛ, la mam n wãna, mam vɔa mɛ wakatɛ wuu. Mam n tarɩ ke'eŋo sɔna kũm, la kɩ'ɩn-tẽŋa.

Lilegere 1:2

Azã n gʋlsɛ sɛla wuu tɩ a yẽ la pa'alɛ tɩ la de la Nawẽnnɛ yetɔga tɩ Azezi-krisi puke pa'alɛ ẽŋa.

Lilegere 2:16

Teege-ya yɛm basɛ tõon-be'ero. Sãn dagna bɛla, mam wʋn wa'am ya zẽ'am lɛɛlɛ wã, la mam wʋn zɛbɛ la nẽr-bãma la sʋkɔbgɔ n ze'ele m nõorʋm yɛsra la.

Lilegere 22:10

A yele bɛla dee yele mam yetɩ: «Da sʋgɛ gõŋɔ wã yetɔga tɩ Nawẽnnɛ puke pa'alɛ fʋ la, se'ere n soe la, wakat-sɛka tɩ bõn-bãna wʋn ẽŋɛ la lɛm mɛ.

Lilegere 22:12

Azezi yele yetɩ: «Selse-ya! La kãn yuuge dee tɩ mam wa'am. La mam tarɩ la yɔɔrɔ sẽna tɩ m yɔ nẽra woo masɛ wʋ ẽn tõm se'em.

Lilegere 22:18

Nẽr-sɛka woo n wõm Nawẽnnɛ yetɔga wã n boe gõŋɔ wã pʋam, mam Azã kã'anɩ ẽ yetɩ, nẽr-sɛka sãn pa'asɛ sɛla yetɔga wã pʋam, Nawẽnnɛ wʋn botɩ a yẽ tooro sɛba n gʋlsɛ gõŋɔ wã pʋam na.

Lilegere 22:7

Azezi yetɩ: «Selse-ya! La kãn yuuge dee tɩ mam wa'am. Sɛka n sakrɩ gõŋɔ wã yetɔga tɩ ba to'osrɩ Nawẽnnɛ zẽ'am tɔgra la tarɩ zu-yẽlga.»