Lilegere 22:17 - Farefare Ninkaré

¹⁷ Nawẽnnɛ Sɩa, la pɔka la n mãasʋm a mẽŋa tɩ a ele la yetɩ: «Wa'am!» Sɛka n wõm bɛla, a mẽ yetɩ: «Wa'am!» Koyũuro n tarɩ sɛka, a wa'am, sɛka n boorɩ ko'om n bɔ'ɔrɩ vɔm, a wa'am wa to'oge zãŋa.

ZE'ELEGO PAALEGA

¹⁷ Sia la, la pɔgeditiga la yeti, “wa'ana.” Bahɛ ti se'em woo en wum yelehum wa yeti, “Wa'am na.” Gee bahɛ ti se'em woo ti ko'nyuuro tari en wa'am na. Bahɛ ti se'em woo en boti, wa'am na to'e vom ko'om wa ti bu dɛna bo'olum bo' en.

Lilegere 22:17 ပူးပေါင်းရင်းမြစ်များ

Azã 1:37

Tɩ a karẽnbiisi bayi la wõm ẽn yele se'em na, isge dɔla Azezi.

Azã 4:10

Tɩ Azezi yele ẽ yetɩ: «Fʋ sãn mina Nawẽnnɛ n bɔ'ɔrɩ sɛla, la sɛka n yetɩ fʋ tɩ ‹bɔ ma ko'om tɩ m yũ› la, fʋ wʋn sose nɩ ẽ, la a wʋn bɔ fɔ ko'om n bɔ'ɔrɩ vɔm.»

Azã 4:11

Tɩ pɔka la lerge yetɩ: «M Zuudãana, fõn ka tarɩ lʋwannɛ, dee tɩ lʋa la kɔ, fõn wʋn yẽ vɔm ko-bãma la bɛ?

Azã 4:14

La sɛka n wʋn yũ ko-sɛba tɩ mam wʋn bɔ ẽ na, koyũuro kãn le malɩn tarɩ ẽ. La ko-sɛba tɩ mam wʋn bɔ ẽ na wʋn lebge wʋ bulga, bulla a pʋam bɔ'ɔra ẽ vɔm n ka ba'asrɩ.»

Azã 4:29

«Wa'am-ya wa bɩsɛ bʋraa n yele mam sɛla wuu tɩ mam ẽŋɛ. A nõo kãn dɛna la Krisi la?»

Azã 7:37

La kibsa la ba'asgɔ daarɛ n de a dabs-kãtɛ daarɛ, tɩ Azezi daan isge ze'ele tɔgra ke'enke'em yetɩ: «Koyũuro sãn tara nẽr-sɛka, a wa'am mam zẽ'am wa yũ.

Aromduma 3:24

La Nawẽnnɛ yel-sõnnɛ na ĩyã, a botɩ ba masɛ a zẽ'am na zãŋa, Azezi-krisi n fãarɩ ba tõon-be'ero pʋam na ĩyã.

1 Korẽntɩ 2:12

La sãn dɛna tõma, tõma ka to'oge dũnia wã sɩa, tõma to'oge la Nawẽnnɛ Sɩa n ze'ele a zẽ'am, tɩ tɩ yãŋɛ bãŋɛ bõn-sɛba wuu tɩ a bɔ tɔ.

Lilegere 14:13

Tɩ mam wõm kõa n ze'ele saazuum yele mam yetɩ: «Gʋlsɛ yetɩ: ‹Lan pɔsɛ lɛɛlɛ wã, nẽr-sɛba n kiiri Zuudãana doosgo pʋam na tarɩ zu-yẽlga.› Tɩ Nawẽnnɛ Sɩa yetɩ: ‹La de la sɩra, ba wʋn vo'ose la ba tõon-tooro, ba tõon-sõma la dolɩ ba mɛ.› »

Lilegere 2:7

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ nõorɛ tɩ a di vɔm tɩa n boe Nawẽnnɛ yire la biɛ.› »

Lilegere 21:2

La mam yẽ la Nawẽnnɛ tẽŋa n de Zerizalɛm paalga n ze'ele saazuum Nawẽnnɛ zẽ'am sigra. A malgɛ mɛ ãna sõŋa wʋ pɔka n yɛ nẽnnõm futo mãasʋm a mẽŋa tɩ a ele a sɩra.

Lilegere 21:6

Dee le yele mam yetɩ: «La ẽŋɛ ba'asɛ mɛ. Mam de la Alfa, la Omega, sɛla woo pĩ'iluŋo, la ba'asgɔ. Koyũuro n tarɩ sɛka, mam wʋn bɔ ẽ ko'om n bulli n bɔ'ɔrɩ vɔm zãŋa tɩ a yũ.

Lilegere 21:9

Tɩ malɛkadõma bayopɔɩ la n daan zãlɩ laasɩ bayopɔɩ n pɩrɛ la tooro bayopɔɩ n de ba'asgɔ tooro la, ayɩla wa'am wa yele mam yetɩ: «Wa'am tɩ mam wʋn pa'alɛ fʋ pɔka la n yetɩ a ele la, Pebila la pɔga la.»

Lilegere 22:1

Tɩ malɛka la pa'alɛ mam ko'om n bɔ'ɔrɩ vɔm kʋlaaga. Kʋlaaga la yẽgrɩ wʋ bɩsga la. A ze'ele la Nawẽnnɛ, la Pebila na'am bĩmbĩnne na zẽ'am

Lilegere 22:16

«Mam Azezi n tõm m malɛka tɩ a wa'am wa tɔgɛ bõn-bãma wuu pa'alɛ m nẽrba. Mam de la naba Adavidi yɩɩŋa, la bewã'arɛ n nẽerɩ.»

Lilegere 7:17

Se'ere n soe la, Pebila la n boe na'am bĩmbĩnne tẽŋasʋka la n wʋn bɩsra ba yelle, ẽŋa n wʋn tarɩ ba sẽŋɛ ko'om n bulli n bɔ'ɔrɩ vɔm zẽ'am. La Nawẽnnɛ n wʋn duuse ba nintãm wuu.»