Lilegere 21:7 - Farefare Ninkaré

⁷ Nẽr-sɛka n yãŋɛ, a wʋn to'oge la bõn-bãma mam zẽ'am. Mam wʋn dɛna a Wẽnnaam, tɩ a mẽ dɛna mam bia.

ZE'ELEGO PAALEGA

⁷ Se'em en nyaŋɛ la, en wan to'e lɔge tuna, ti n dɛna a Yinɛ, ti a dɛna n bia.

Lilegere 21:7 ပူးပေါင်းရင်းမြစ်များ

Amatie 19:29

La sɛba wuu n basɛ ba yiɛ, bɩɩ ba kẽendõma, la ba yɩbsɩ, bɩɩ ba sɔdõma, bɩɩ ba madõma, bɩɩ ba kɔma, bɩɩ ba vatɔ mam yʋ'ʋrɛ ĩyã, ba wʋn to'oge bãma n basɛ sɛla la nõorɛ kɔbga, dee yẽ vɔm n ka ba'asrɩ.

Amatie 25:21

Tɩ a zuudãana la yele ẽ yetɩ: ‹La ãn sõŋa. Fʋ de la tõntõn-sõŋɔ n de sɩra dãana. Fõn ẽŋɛ sɩra la sɛla fẽe tɩ mam bɔ fʋ la ĩyã, mam wʋn basɛ tɩ fʋ sɔna bõnɔ zozo'e bɩsra. Wa'am wa naagɛ la mam ẽŋɛ sũ-yẽlga.›

Amatie 25:34

Tɩ naba la wʋn yele sɛba n boe a zʋʋgɔ la yetɩ: ‹Wa'am-ya, yãma sɛba n tarɩ mam Sɔ Nawẽnnɛ yel-sõnnɛ na. To'oge-ya so'olʋm na tɩ Nawẽnnɛ daan põn mãasʋm tɩ a bɔ ya halɩ lan dẽŋɛ dũnia pĩ'iluŋo la.

Amarkɩ 10:17

Azezi daan basɛ bilam dee le dɩkɛ la sore sẽnna. Tɩ bʋraa zoe wa'am a zẽ'am, wa ka dũma a nẽŋam soke ẽ yetɩ: «Karẽnsãama, fõn de la nẽr-sõŋɔ, mam wʋn ẽŋɛ la wãne yẽ vɔm n ka ba'asrɩ?»

Aromduma 8:14

Nẽr-sɛba wuu n dolɩ sore tɩ Nawẽnnɛ Sɩa pa'alɩ ba la, de la Nawẽnnɛ kɔma.

Aromduma 8:19

Bɛla n soe tɩ sɛla wuu tɩ Nawẽnnɛ nãam na gu'ura bɔɔra tɩ ba yẽ Nawẽnnɛ kɔma nã'asgɔ n wʋn puke la tɔtɔ.

2 Korẽntɩ 6:16

Bẽm lagŋɔ n boe Wẽnnaam deego, la baga tɩ ba mãalɛ tẽŋasʋka? La sãn dɛna tõma, tõma de la Nawẽnnɛ n vɔa la deego wʋ Nawẽnnɛ n yele yetɩ: «Mam wʋn bɔna la ba, kẽ'era la ba. Mam wʋn dɛna ba Nawẽnnɛ, tɩ ba dɛna mam nẽrba.»

2 Korẽntɩ 6:18

Mam wʋn dɛna ya Sɔ, tɩ ya dɛna mam dayɔɔsɩ, la m pɔyɔɔsɩ.» Zuudãana Nawẽnnɛ n de ke'eŋo wuu dãana la n yele.

Hiburuduma 8:10

Mam n yetɩ m bĩŋe m nõorɛ se'em la Ɩsrayɛlɩ dõma dabsa bãma poorʋm n wãna: Mam wʋn dɩkɛ m lɔɔ la ẽŋɛ la ba pʋtẽ'era pʋam, mam wʋn gʋlsɛ ba la ba sũure pʋam. Mam wʋn dɛna ba Nawẽnnɛ, tɩ ba dɛna mam nẽrba.

1 Pita 3:9

Nẽra sãn ẽŋɛ ya be'em, ya da lebse ẽ be'em. Nẽra sãn tʋ ya, ya da tʋ lebse, tõn kã-ya kã'a-sõma bɔ ẽ. Se'ere n soe la, Nawẽnnɛ n wi ya la, la de la kã'a-sõma tɩ a bĩŋe nõorɛ tɩ a bɔ ya.

Lilegere 2:11

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, kũm bʋyi dãana kãn ẽŋɛ ẽ sɛla.› »

Lilegere 2:17

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ dia n sʋgɛ yʋ'ʋrɛ n de mannɩ n ze'ele saazuum tɩ a di, la mam wʋn bɔ ẽ kug-pɛɛlga. Kug-ẽŋa zuo yʋ'ʋr-paalɛ n gʋlsɛ mĩ, tɩ nẽra nẽra ka mina ẽ, sãn dagna sɛka n to'oge ẽ na mã'a.› »

Lilegere 2:25

La gʋrɛ-ya sɛla tɩ ya tarɩ la kãŋkãŋɛ halɩ tɩ mam wa wa'am.

Lilegere 2:7

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ nõorɛ tɩ a di vɔm tɩa n boe Nawẽnnɛ yire la biɛ.› »

Lilegere 21:3

Tɩ mam wõm kõa n ze'ele na'am bĩmbĩnne na zẽ'am tɔgɛ ke'enke'em yetɩ: «Nawẽnnɛ kẽ'a zẽ'am boe la nẽrsaalba tẽŋasʋka. A wʋn kẽ'era la ba lɛ, tɩ ba dɛna a nẽrba. Nawẽnnɛ mẽŋa n wʋn bɔna la ba lɛ.