Lilegere 21:4 - Farefare Ninkaré

⁴ A wʋn duuse ba nintãm wuu. La kũm kãn le bɔna, sũ-sã'aŋɔ la kaasga, bɩɩ toogo kãn le bɔna. Yel-kɛgsɩ la wuu tole mɛ.»

ZE'ELEGO PAALEGA

⁴ A wan duuhe nintahɔ woo ba ninin bahɛ.” Kum kan le bɔna. Si'iŋɔ la kɛlega, la too kan le bɔna, Se'ere en sɔi la, yia yɛla la tole ya.

Lilegere 21:4 ပူးပေါင်းရင်းမြစ်များ

Amatie 24:35

Saazuum la tẽŋa wʋn tole mɛ, la mam yetɔga la kãn malɩn tole.

1 Korẽntɩ 15:26

Kũm n de bɛ-sɛka tɩ a wʋn wa sã'am poorʋm.

1 Korẽntɩ 7:31

Tɩ sɛba n yẽtɩ dũnia bõntarsõm, ãna wʋ ba ka yẽtɩ bõntarsõm. Se'ere n soe la, dũnia wã n ãn se'em wã tollɩ mɛ.

2 Korẽntɩ 5:17

Nẽra sãn lagɩm na Krisi dɛna ayɩla, a lebge la nẽr-paalga, yel-kɛgsɩ la tole mɛ, tɩ sɛla woo lebge paalsɩ.

2 Korẽntɩ 6:17

Bɛla n soe tɩ Zuudãana Nawẽnnɛ yetɩ: «Yese-ya ba pʋam, welge-ya ya mẽŋa dee basɛ ba. La ya da kalʋm sɛla n de dẽgrɔ, tɩ mam wʋn to'oge ya.

Hiburuduma 12:27

Ẽn yetɩ a wʋn le mĩim nõor-ayɩla la, pa'alɛ mɛ tɩ sɛla tɩ a nãam na wʋn mĩim mɛ sã'am bɔɩ, dee tɩ sɛla n kãn tã'agɛ mĩim sã'am na mã'a n wʋn weege.

2 Pita 3:10

Zuudãana la lemŋo daarɛ wʋn ãna wʋ nayiga n liŋri se'em na. Daar-ẽŋa, vool-kãtɛ n wʋn ẽŋɛ, tɩ bugum di bõn-sɛba n boe saazuum, tɩ saazuum bɔɩ. Tɩ tẽŋa, la bõn-sɛba n boe a pʋam na wuu mẽ ka le bɔna.

1 Zã 2:17

Dũnia, la bõn-sɛba wuu tɩ nẽrba yɛmleego boorɩ la tollɩ mɛ. La nẽr-sɛka n ɩtɩ Nawẽnnɛ n boorɩ se'em n wʋn bɔna wakatɛ n ka ba'asrɩ.

Lilegere 20:13

Tɩ ko-kãtɛ basɛ sɛba n ki a pʋam na, tɩ kũm, la kɩ'ɩn-tẽŋa mẽ basɛ nẽr-sɛba n ki bɔna ba zẽ'am na. La ba di ba wuu sarɩya masɛ wʋ ban tõm se'em na.

Lilegere 20:14

Tɩ ba lobe kũm, la kɩ'ɩn-tẽŋa basɛ bugum mõgrɛ la pʋam. Bugum mõgrɛ la de la kũm bʋyi dãana.

Lilegere 21:1

Tɩ mam yẽ saazuum paalga, la tẽn-paalga. Pɔspɔsɩ saazuum, la pɔspɔsɩ tẽŋa la bɔɩ mɛ, la ko-kãtɛ mẽ ka le bɔna.

Lilegere 22:3

Sɛla tɩ Nawẽnnɛ kã be'em bɔ ẽ kãn le bɔna tẽŋa la pʋam. Nawẽnnɛ, la Pebila la na'am bĩmbĩnne n wʋn bɔna mĩ. Tɩ Nawẽnnɛ tõntõnɩba wʋn nã'asra ẽ.

Lilegere 7:17

Se'ere n soe la, Pebila la n boe na'am bĩmbĩnne tẽŋasʋka la n wʋn bɩsra ba yelle, ẽŋa n wʋn tarɩ ba sẽŋɛ ko'om n bulli n bɔ'ɔrɩ vɔm zẽ'am. La Nawẽnnɛ n wʋn duuse ba nintãm wuu.»