Lilegere 20:15 - Farefare Ninkaré

¹⁵ Sɛka yʋ'ʋrɛ n ka gʋlsɛ vɔm gõŋɔ la pʋam, ba wʋn lobe ẽ basɛ la bugum mõgrɛ la pʋam.

ZE'ELEGO PAALEGA

¹⁵ ti se'em woo yu'urɛ ti ba ka nyɛ ti de gulehɛ bɔna vom gɔŋɔ la puan la, ba lobe a daana bahɛ la bugum mɔgerɛ la puan.

Lilegere 20:15 ပူးပေါင်းရင်းမြစ်များ

Amatie 13:42

lobe ba basɛ bugum pʋam. Zẽ'e-sɛka tɩ ba wʋn kɛlla, dee dɩkɛ ba nu'usi gɩ nõorʋm.

Amatie 13:50

lobe ba basɛ bugum pʋam, zẽ'e-ẽŋa tɩ ba wʋn kɛlla, dee dɩkɛ ba nu'usi gɩ nõorʋm.»

Amatie 25:41

La a wʋn yele sɛba n boe a gɔbga bɔba la yetɩ: ‹Sẽŋɛ-ya fõrgɛ, Nawẽnnɛ kã'a-be'ego boe ya zuo. Sẽŋɛ-ya ka kẽ bugum n ka kĩŋri tɩ Nawẽnnɛ mãasʋm tɩ a kẽ'esɛ Asũtãana, la a malɛkadõma la pʋam.

Amarkɩ 16:16

Sɛka woo n bɔ sɩra, botɩ ba mise ẽ ko'om pʋam, a wʋn yẽ fãarɛ. La sɛka woo n ka bɔ sɩra, ba wʋn di a sarɩya sɩbgɛ ẽ.

Aluki 10:20

La da ɩta-ya sũ-yẽlga kʋlkã'arsɩ n sakrɩ ya nõorɛ la ĩyã, ɩta-ya sũ-yẽlga ya yʋ'ʋra n gʋlsɛ Nawẽnnɛ yire vɔm gõŋɔ pʋam na ĩyã.»

Azã 14:6

Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

Azã 3:36

Sɛka n bɔ a Dayʋa la sɩra tarɩ la vɔm n ka ba'asrɩ. La sɛka n ka sakɛ a Dayʋa la kãn yẽ vɔm n ka ba'asrɩ, la Nawẽnnɛ sũ-isgre boe a dãana zuo.»

Tõoma 4:12

Fãarɛ ka boe nẽra ayẽma zẽ'am, sãn dagna Azezi-krisi mã'a n tã wʋn fãagɛ nẽrba dũnia zuo basɛ.»

Hiburuduma 12:25

Ɩta-ya guusgo, da zagsɛ ka selse sɛka n tɔgrɩ la ya lɛ la. Sɛba n yʋʋn zagsɛ ka selse nẽr-sɛka n kã'anɩ ba tẽŋa zuo la ka põsɛ nãmsgɔ. Bɛla, tõma sãn zagsɛ ka selse sɛka n boe Nawẽnnɛ yire la yetɔga, tõma kãn yãŋɛ põsɛ.

Hiburuduma 2:3

La sãn dɛna bɛla, tõma sãn pɔ'ɔgɛ Nawẽnnɛ fãarɛ kãtɛ ẽna, tõma wʋn ẽŋɛ la wãne põsɛ sɩbgrɛ? Zuudãana mẽŋa n daan põn dẽŋɛ mõolɛ fãarɛ ẽŋa yelle, tɩ nẽr-sɛba n wõm na pa'alɛ tõma tɩ la de la sɩra.

Lilegere 19:20

Tɩ ba yõkɛ dũŋa la, la põmpɔrŋɔ nõtɔ'ɔsa la n daan ẽŋɛ bõn-yãlma dũŋa la nifum pã'asɛ sɛba n to'oge dũŋa la dãalgɔ, dee nã'asɛ a bõnɔ tɩ ba mãalɛ la. Ba lobe dũŋa, la põmpɔrŋɔ nõtɔ'ɔsa la wuu la vɔɔsɩ basɛ bugum mõgrɛ n diti kidibre pʋam.

Lilegere 20:10

Tɩ ba wʋn yõkɛ Asũtãana n pã'asrɩ dũnia nẽrba la lobe basɛ bugum mõgrɛ n diti kidibre pʋam, zẽ'e-sɛka tɩ ba daan põn lobe dũŋa, la põmpɔrŋɔ nõtɔ'ɔsa la. Bilam ba wʋn nãmsra la wʋntɛɛŋa la yʋ'ʋŋɔ wakatɛ n ka ba'asrɩ.

Lilegere 20:12

Tɩ mam yẽ nẽr-sɛba n ki la, kɛ'ɛndõma, la tarɩmdõma n ze na'am bĩmbĩnne na nẽŋam. Tɩ ba lagsɛ gõnnɔ. La ba lakɛ la gõŋɔ ayẽma n de vɔm gõŋɔ. Tɩ ba di sɛba n ki la sarɩya masɛ wʋ ba tõoma n de se'em, wʋ lan gʋlsɛ gõnnɔ na pʋam se'em na.

Lilegere 20:14

Tɩ ba lobe kũm, la kɩ'ɩn-tẽŋa basɛ bugum mõgrɛ la pʋam. Bugum mõgrɛ la de la kũm bʋyi dãana.

Lilegere 3:5

Nẽr-sɛka n yãŋɛ wʋn wa yɛ la fu-pɛɛlsɩ bɛla, la mam kãn saam a yʋ'ʋrɛ vɔm gõŋɔ la pʋam. La mam wʋn wi a yʋ'ʋrɛ mam Sɔ, la a malɛkadõma la nẽŋam yetɩ a de la mam nẽra.