Lilegere 20:12 - Farefare Ninkaré

¹² Tɩ mam yẽ nẽr-sɛba n ki la, kɛ'ɛndõma, la tarɩmdõma n ze na'am bĩmbĩnne na nẽŋam. Tɩ ba lagsɛ gõnnɔ. La ba lakɛ la gõŋɔ ayẽma n de vɔm gõŋɔ. Tɩ ba di sɛba n ki la sarɩya masɛ wʋ ba tõoma n de se'em, wʋ lan gʋlsɛ gõnnɔ na pʋam se'em na.

ZE'ELEGO PAALEGA

¹² Ti mam nyɛ ti sɛba en ki la, nɛre kãreba la tarenduma, zɛ'a na'am kuka kãtɛ la nɛŋan, ti gɔnɔ lagehɛ, gee ti gɔŋɔ kuyima me lakɛ, gɔŋɔ seko en de vom gɔŋɔ la, ti ba gakɛ sɛba en ki la, doohe la ban tum sɛla wuu lan gulehɛ se'em gɔnɔ la puan la.

Lilegere 20:12 ပူးပေါင်းရင်းမြစ်များ

Amatie 11:22

Bɛla ĩyã tɩ mam yɛta ya tɩ sarɩyadia daarɛ, la wʋn dɛna toogo bɔ yãma gãnna Tiiri, la Sidõ dõma.

Amatie 16:27

Nẽrsaala Dayʋa la wʋn leme wa'am mɛ la a Sɔ Nawẽnnɛ na'am pãŋa, la a malɛkadõma. La wakat-ẽŋa a wʋn yɔ nẽra woo masɛ la a tõonɛ.

Aluki 10:20

La da ɩta-ya sũ-yẽlga kʋlkã'arsɩ n sakrɩ ya nõorɛ la ĩyã, ɩta-ya sũ-yẽlga ya yʋ'ʋra n gʋlsɛ Nawẽnnɛ yire vɔm gõŋɔ pʋam na ĩyã.»

Tõoma 24:15

Mam tarɩ pʋtẽ'erɛ la Nawẽnnɛ wʋ bãma n tarɩ pʋtẽ'erɛ se'em na, tɩ nẽrba wuu, nẽr-sõma la nẽr-bɛ'ɛsɩ wʋn vo'oge mɛ.

Aromduma 2:6

Nawẽnnɛ wʋn bɔ nẽra woo yɔɔrɔ masɛ wʋ ẽn tõm se'em.

1 Korẽntɩ 4:5

Bɛla, da dẽŋɛ-ya di nẽra sarɩya dee tɩ Zuudãana la nãn ka leme. A sãn wa leme, a wʋn dɩkɛ sɛla n sʋgɛ lika pʋam yese peelem pʋam, dee botɩ bõn-sɛba wuu tɩ nẽrsaalba tẽ'esrɩ ba sũure pʋam puke. Wakat-ẽŋa, Nawẽnnɛ wʋn pẽgɛ nẽra woo wʋ lan masɛ tɩ a pẽgɛ ẽ se'em.

2 Korẽntɩ 5:10

Se'ere n soe la, tõma wuu wʋn ze'ele la Krisi nẽŋam tɩ a di tõma sarɩya, dee bɔ nẽra woo yɔɔrɔ tɩ la masɛ wʋ ẽn tõm se'em dũnia wã, a sãn tõm sõŋa, bɩɩ a sãn tõm be'em.

Filipi 4:3

La fõn mẽ, m tõntõn-tadãan-sõŋɔ, mam sosrɩ fʋ mɛ tɩ fʋ sõŋɛ pɔg-bãma. Ba daan lagɩm na mam mɛ, la Akelma, la mam tõntõn-taaba basɛba la, mõrgɛ tõm Krisi kõ-yẽlga la tõoma, tɩ ba wuu yʋ'ʋra gʋlsɛ vɔm gõŋɔ pʋam.

Lilegere 11:18

Bu-zãŋsɩ wuu nẽrba sũure isge mɛ, la lɛɛlɛ wã fõn sũ-yĩire wakatɛ n paagɛ, tɩ fõn wʋn di sɛba n ki la sarɩya, la fõn wʋn yɔ fʋ tõntõnɩba la n de fʋ nõtɔ'ɔsrɩba, la fʋ nẽrba la n nã'asrɩ fõn, kɛ'ɛndõma la tarɩmdõma wuu mɛ. La de la wakatɛ tɩ fõn wʋn sã'am nẽr-sɛba n sã'anɩ dũnia la.»

Lilegere 13:8

Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.

Lilegere 17:8

Dũŋa la tɩ fʋ yẽ la, kʋrʋm a vɔa mɛ, la a ka le bɔna, la a wʋn ze'ele la bog-ko'ogo la pʋam dooge, sẽŋɛ sã'aŋɔ zẽ'am. La dũnia nẽr-sɛba yʋ'ʋra n ka gʋlsɛ bɔna vɔm gõŋɔ la pʋam halɩ dũnia pĩ'iluŋo wakatɛ la sãn yẽ dũŋa la, la wʋn di'ige ba mɛ, dũŋa la n daan vɔa, ka le wa bɔna, dee le wa bɔna la ĩyã.

Lilegere 19:5

Tɩ kõa ze'ele na'am bĩmbĩnne na zẽ'am yetɩ: «Yãma n de Nawẽnnɛ tõntõnɩba n zotɩ ẽ na, tarɩmdõma, la kɛ'ɛndõma, nã'asɛ-ya tɩ Nawẽnnɛ.»

Lilegere 2:23

Mam wʋn ken basɛ tɩ a kɔma ki, tɩ Wẽndeto nẽrba la wuu wʋn bãŋɛ tɩ mam de la sɛka n mi nẽrba tẽ'esgɔ, la ban boorɩ se'em. La mam wʋn yɔ ya nẽra woo masɛ wʋ ẽn tõnnɩ se'em.

Lilegere 20:11

Tɩ mam le yẽ na'am bĩmbĩnne kãtɛ n de pɛɛlga, la sɛka n zĩ a zuo. Tɩ tẽŋa la saazuum zoe fõrgɛ a nẽŋam, tɩ ba ka le yẽ ba.

Lilegere 20:13

Tɩ ko-kãtɛ basɛ sɛba n ki a pʋam na, tɩ kũm, la kɩ'ɩn-tẽŋa mẽ basɛ nẽr-sɛba n ki bɔna ba zẽ'am na. La ba di ba wuu sarɩya masɛ wʋ ban tõm se'em na.

Lilegere 20:15

Sɛka yʋ'ʋrɛ n ka gʋlsɛ vɔm gõŋɔ la pʋam, ba wʋn lobe ẽ basɛ la bugum mõgrɛ la pʋam.

Lilegere 21:27

Sɛla n de bõn-dẽgrɔ wuu, bɩɩ nẽr-sɛka woo n tõnnɩ tõon-dẽgrɔ, la põmpɔrndõma kãn kẽ tẽŋa la pʋam. Nẽr-sɛba yʋ'ʋra n gʋlsɛ Pebila la vɔm gõŋɔ la pʋam mã'a n wʋn kẽ tẽŋa la pʋam.

Lilegere 22:12

Azezi yele yetɩ: «Selse-ya! La kãn yuuge dee tɩ mam wa'am. La mam tarɩ la yɔɔrɔ sẽna tɩ m yɔ nẽra woo masɛ wʋ ẽn tõm se'em.

Lilegere 3:5

Nẽr-sɛka n yãŋɛ wʋn wa yɛ la fu-pɛɛlsɩ bɛla, la mam kãn saam a yʋ'ʋrɛ vɔm gõŋɔ la pʋam. La mam wʋn wi a yʋ'ʋrɛ mam Sɔ, la a malɛkadõma la nẽŋam yetɩ a de la mam nẽra.