Lilegere 2:26 - Farefare Ninkaré

²⁶ Nẽr-sɛka n yãŋɛ ẽŋɛ mam n boorɩ se'em ka paagɛ ba'asgɔ, mam wʋn botɩ a sɔna so'olʋm buuri wuu.

ZE'ELEGO PAALEGA

²⁶ Se'em woo en nyaŋɛ, gee kelum tuna mam tuuma la ta paaɛ ba'ahegɔ, N wan bo' en paŋa ti a biha tihi.

Lilegere 2:26 ပူးပေါင်းရင်းမြစ်များ

Amatie 10:22

Nẽrba wuu wʋn sise ya mam yʋ'ʋrɛ la ĩyã. La sɛka n ze'ele kãŋkãŋɛ ka paagɛ ba'asgɔ, a wʋn yẽ fãarɛ.

Amatie 19:28

Tɩ Azezi yele ba yetɩ: «Mam yetɩ ya la sɩra sɩra, tɩ wakat-sɛka tɩ sɛla woo wʋn lebge paalsɩ la, Nẽrsaala Dayʋa la n wʋn zĩ'ire a na'am bĩmbĩnne zuo la, yãma sɛba n dolɩ mam na mẽ wʋn zĩ'ire na'am bĩmbĩna pia la ayi zuto, di Ɩsrayɛlɩ buuri pia la ayi la sarɩya.

Amatie 24:13

La nẽr-sɛka n wʋn mõrgɛ ze'ele kãŋkãŋɛ ka paagɛ ba'asgɔ wʋn yẽ fãarɛ.

Azã 6:29

Tɩ Azezi lerge ba yetɩ: «Tõon-sɛka tɩ Nawẽnnɛ boorɩ tɩ ya tõm, de la ya sakɛ sɛka tɩ a tõm na.»

Aromduma 2:7

Nẽr-sɛba n mõrgɛ ɩta sõŋa ɛɛra nã'asgɔ la pẽka, la vɔm n ka ba'asrɩ Nawẽnnɛ zẽ'am na, a wʋn bɔ ba la vɔm n ka ba'asrɩ.

Aromduma 8:37

La yel-bãma wuu pʋam, sɛka n nõŋɛ tõma la n bɔ'ɔrɩ tõma pãŋa tɩ tõma yãŋra.

1 Tesaloniki 3:5

Bɛla tɩ mam ka tãna wʋn zĩ'ire, tɩ mam tõm Atimõtɩ tɩ a wa'am wa bãŋɛ yãma n ãn se'em Azezi sore doosgo la pʋam, mam zotɩ mɛ tɩ Asũtãana wʋn pã'asɛ ya tɩ tɩ tõoma la lebge zãŋa.

Hiburuduma 3:6

La Krisi de la Nawẽnnɛ Dayʋa n de sɩra dãana sɔna deego la. A deego la de la tõma, tõma sãn ze'ele kãŋkãŋɛ la bʋraanɛ, dee tara pʋtẽ'erɛ gu'ura sɛla tɩ tɩ bɔ sɩra la, la sũ-yẽlga, ka paagɛ ba'asgɔ.

Yemesi 2:20

A ka tarɩ yɛm dãana, fõn boorɩ mɛ tɩ m pa'alɛ fɔ tɩ fʋ sãn bɔ sɩra tɩ la ka lagɩm na tõoma, a ka tarɩ yõorɔ?

1 Zã 2:19

Nẽr-bãma ze'ele la tõma zẽ'am yese, la ba daan dagɩ tõma nẽrba sɩra sɩra. Ba daan sãn de nɩ tõma nẽrba, ba wʋn weege nɩ bɔna la tõma zẽ'am. La ban basɛ tõma la, dẽnɩ tɩ la ẽŋɛ bɛla tɩ la pa'alɛ vẽelga tɩ ba nẽra baa ayɩla dagɩ tõma nẽra.

1 Zã 3:23

Ẽŋa n bɔ a nõorɛ se'em n wãna: La de la tɩ bɔ a Dayʋa Azezi-krisi sɩra, dee nõŋɛ taaba wʋ ẽŋa n bɔ tɩ a nõorɛ se'em na.

1 Zã 5:5

Ãne n tã wʋn yãŋɛ dũnia? La de la nẽr-sɛka n bɔ sɩra tɩ Azezi de la Nawẽnnɛ Dayʋa la mã'a.

Lilegere 2:11

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, kũm bʋyi dãana kãn ẽŋɛ ẽ sɛla.› »

Lilegere 2:17

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ dia n sʋgɛ yʋ'ʋrɛ n de mannɩ n ze'ele saazuum tɩ a di, la mam wʋn bɔ ẽ kug-pɛɛlga. Kug-ẽŋa zuo yʋ'ʋr-paalɛ n gʋlsɛ mĩ, tɩ nẽra nẽra ka mina ẽ, sãn dagna sɛka n to'oge ẽ na mã'a.› »

Lilegere 2:7

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ nõorɛ tɩ a di vɔm tɩa n boe Nawẽnnɛ yire la biɛ.› »

Lilegere 20:4

Tɩ mam yẽ na'am bĩmbĩna, tɩ ba bɔ nẽr-sɛba n zĩ ba zuto la ke'eŋo tɩ ba di sarɩya. Tɩ mam yẽ nẽr-sɛba tɩ ba daan wige ba zuto, ban bɔ Azezi sɩra, dee mõolɛ Nawẽnnɛ yetɔga la sɩɩsɩ. Nẽr-bãma daan ka nã'asɛ dũŋa la, la a bõnɔ na tɩ ba mãalɛ la, la ba ka to'oge a dãalgɔ ba dĩa zuto bɩɩ ba nu'usi zuto. Ba vo'oge mɛ lagɩm na Krisi di na'am yʋʋma tʋsrɛ la pʋam.

Lilegere 21:7

Nẽr-sɛka n yãŋɛ, a wʋn to'oge la bõn-bãma mam zẽ'am. Mam wʋn dɛna a Wẽnnaam, tɩ a mẽ dɛna mam bia.

Lilegere 22:5

Yʋ'ʋŋɔ kãn le bɔna. Nẽrba kãn bɔɔra tɩ fɩtla, bɩɩ wẽntulle nẽegɛ peelem, Zuudãana Nawẽnnɛ n wʋn nẽegɛ peelem bɔ ba. La ba wʋn di la na'am wakatɛ n ka ba'asrɩ.

Lilegere 3:12

Nẽr-sɛka n yãŋɛ, mam wʋn botɩ a ãna wʋ zẽerɛ mam Sɔ Nawẽnnɛ yire pʋam, la ba kãn malɩn yese ẽ mĩ. La mam wʋn gʋlsɛ mam Sɔ Nawẽnnɛ yʋ'ʋrɛ, la a tẽŋa n de Zerizalɛm paalga n ze'ele saazuum Nawẽnnɛ zẽ'am signa la yʋ'ʋrɛ a zuo, la mam wʋn ken gʋlsɛ mam mẽŋa yʋ'ʋr-paalga la a zuo.

Lilegere 3:21

Nẽr-sɛka n yãŋɛ, mam wʋn botɩ a lagɩm na mam po zĩ'ire mam na'am bĩmbĩnne zuo, wʋ mam yãŋɛ po lagɩm na mam Sɔ Nawẽnnɛ zĩ'ire a na'am bĩmbĩnne zuo la.

Lilegere 3:5

Nẽr-sɛka n yãŋɛ wʋn wa yɛ la fu-pɛɛlsɩ bɛla, la mam kãn saam a yʋ'ʋrɛ vɔm gõŋɔ la pʋam. La mam wʋn wi a yʋ'ʋrɛ mam Sɔ, la a malɛkadõma la nẽŋam yetɩ a de la mam nẽra.