Lilegere 2:24 - Farefare Ninkaré

²⁴ La yãma Tiyatiiri nẽr-sɛba n ka sakrɩ zãsŋɔ bãma, dee ka mina sɛla tɩ ba wi'iri tɩ Asũtãana yɛla n sʋgɛ la, mam ka tarɩ sɛla wʋn yele ya pa'asɛ.

ZE'ELEGO PAALEGA

²⁴ Gee ya sɛba woo en gee bɔna Taitira la, ka dɔla Yezebɛle pa'alegɔ la, ka zamehɛ sɛla ti ba yi'ira ti Sagena la tuunkãra la, n yeti yamam yeti, n kan dikɛ zeero seto pa'ahɛ ya,

Lilegere 2:24 ပူးပေါင်းရင်းမြစ်များ

Tõoma 15:28

Nawẽnnɛ Sɩa, la tõma tẽ'esɛ mɛ tɩ la ãn sõŋa tɩ tɩ da zelge ya zeero basɛba pa'asɛ, sãn dagna yel-sɛba n de kãŋkãŋɛ wã.

Tõoma 16:14

La pɔka ayɩla n daan boe mĩ pʋ'ʋsra Nawẽnnɛ, tɩ a yʋ'ʋrɛ dɛna Alidi, a ze'ele la Tiyatiiri. A daan koosrɩ la fu-sõma n de gomusga. Tɩ a sɛlsra tõma yetɔga la, tɩ Zuudãana botɩ a bãŋɛ Apolɩ yetɔga la võorɛ dee sakɛ.

1 Korẽntɩ 2:10

Nawẽnnɛ botɩ a Sɩa la puke bõn-bãma pa'alɛ la tõma. Nawẽnnɛ Sɩa la mi sɛla woo mɛ, baa la Nawẽnnɛ yel-sɛba n sʋgɛ.

2 Korẽntɩ 11:3

La mam zotɩ la dabeem tɩ nẽr-sɛka wʋn pã'asɛ ya, tɩ ya wẽrgɛ ka le dɔla Krisi la sũure ayɩla, la pʋpeelem, wʋ Awa tɩ bõnsɛla la yʋʋn dɩkɛ yɛmkẽgsɩga pã'asɛ ẽ tɩ a tuuge la.

2 Korẽntɩ 2:11

tɩ la da botɩ Asũtãana yãŋɛ tɔ. Se'ere n soe la, tõma mi ẽn boorɩ tɩ a ẽŋɛ se'em mɛ.

Yemesi 3:15

Yɛm ẽŋa dagɩ yɛm sɛka n ze'ele Nawẽnnɛ zẽ'am. A de la tẽŋa wã zuo bõnɔ, a de la nẽrsaala bõnɔ, a ze'ele la Asũtãana zẽ'am.

Lilegere 1:11

yetɩ: «Gʋlsɛ sɛla tɩ fʋ wʋn yẽ la ẽŋɛ gõŋɔ pʋam, soolʋm bɔ tẽnsɩ bayopɔɩ la Wẽndeto nẽrba: Efɛɛzɩ, la Simirni, la Pɛrgamɩ, la Tiyatiiri, la Sardɩ, la Filadɛlfi, la Laodise.»

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 13:14

Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

Lilegere 2:13

‹Mam mi zẽ'e-sɛka tɩ yãma boe la mɛ, zẽ'e-ẽŋa tɩ Asũtãana na'am bĩmbĩnne boe. La ya dɩkɛ ya mẽŋa lablɛ la mam mɛ, ze'ele kãŋkãŋɛ bɔ mam sɩra ka basɛ, baa la wakatɛ sɛka tɩ ba daan kʋ A'ãntipasɩ n de sɩra dãana n tɔgɛ mam yelle ya zẽ'am, zẽ'e-sɛka tɩ Asũtãana boe la.

Lilegere 2:18

«Gʋlsɛ bɔ Tiyatiiri Wẽndeego nẽrba la gu'ura yetɩ: Nawẽnnɛ Dayʋa la nini n ãn wʋ bugwitum, tɩ a nãma yẽgra wʋ zũuro tɩ ba zuge bugum pʋam na n yele se'em n wãna:

Lilegere 2:9

‹Mam mi ya nãmsgɔ la ya nõŋɔ la yelle mɛ, la baa bɛla, ya de la bõntatba. Mam mi be'em yetɔg-sɛba tɩ nẽr-sɛba n yetɩ bãma de la Zifdõma dee ka dɛna la tɔgɛ ya. Ba de la Asũtãana nẽrba.