Lilegere 2:14 - Farefare Ninkaré

¹⁴ La baa bɛla, mam tarɩ la yelle fẽe la ya. Yãma tarɩ la nẽrba n boe ya pʋam dɔla Abalaam zãsŋɔ. Abalaam yʋʋn zãsʋm na Abalakɩ ẽn wʋn ẽŋɛ se'em bẽrɛ Ɩsrayɛlɩ dõma botɩ ba obe baga nẽnnɔ, dee tõm yalsɩ tõoma.

ZE'ELEGO PAALEGA

¹⁴ Gee mam tari la yele dina la ya. Ya tari basɛba ya puan ti ba dɔla Balaam pa'alegɔ la mɛ, se'em en daa pa'alɛ Balake ti a dikɛ sɛla en piti beŋe Izirale buuri la ti ba dita baga dia gee tuna yaluntuuma la.

Lilegere 2:14 ပူးပေါင်းရင်းမြစ်များ

Amatie 18:7

Toogo boe dũnia zuo, nẽrba n pã'asrɩ nẽrba tɩ ba basrɩ Nawẽnnɛ sore la ĩyã. Dẽnɩ tɩ pã'asgɔ wa'am, la nẽr-sɛka n pã'asrɩ la wʋn yẽ toogo.

Tõoma 15:29

La de la ya da di di-sɛba tɩ ba dɩkɛ kãabɛ bɔ baga, ya da di zɩɩm, la ya da di sɛla tɩ ba tẽgɛ kʋ, la ya da tõnna yalsɩ tõoma. Ya sãn guuse ya mẽŋa ka ẽŋɛ bõn-bãna, ya ẽŋɛ sõŋa. Nawẽnnɛ wʋn bɔ ya ĩmã'asʋm.»

Tõoma 21:25

La sãn dɛna bu-zãŋsɩ la n bɔ Azezi sɩra la yelle, tõma daan looge yɛm gʋlsɛ gõŋɔ yele ba yetɩ: ‹Ba da dita di-sɛba tɩ ba kãabɛ bɔ baga, la ba da di zɩɩm, la ba da di sɛla tɩ ba tẽgɛ kʋ. La ba da tõnna yalsɩ tõoma.› »

Aromduma 11:9

Adavidi mẽ yele Nawẽnnɛ yetɩ: «Botɩ ba dia la dɛna bẽrgɔ bɔ ba, yõkɛ ba, tɩ ba wẽ nãma lui yẽ nãmsgɔ n de ba yɔɔrɔ.

Aromduma 14:13

Bɛla, basɛ-ya tɩ tɩ da le zɛrgra taaba. La de la tɩ looge yɛm, da ẽŋɛ sɛla n wʋn botɩ tɩ sɔbia tuuge, bɩɩ n wʋn botɩ a basɛ Nawẽnnɛ sore.

Aromduma 14:21

La ãn sõŋa tɩ fʋ da ẽŋɛ bõn-sɛba wuu n wʋn botɩ fʋ sɔbia tuuge Nawẽnnɛ sore la zuo, la sãn dɛna nẽnnɔ ɔbga, bɩɩ dãam yũa, bɩɩ sɛla woo n wʋn botɩ a tuuge.

Aromduma 9:32

Bẽm ĩyã? Ba ka eerɩ tɩ ba masɛ Nawẽnnɛ zẽ'am bɔ sɩra ĩyã, ba tẽ'esɛ tɩ bãma tõoma mã'a ĩyã tɩ bãma wʋn masɛ Nawẽnnɛ zẽ'am. Ba wẽ ba nãma la kugre tɩ nẽrba wẽ'erɩ nãma luta,

1 Korẽntɩ 1:23

Tõma nõo mõolɩ la Krisi n ki kũm dɔ-puurŋa zuo la kõ-yẽlga, kõ-yẽlga ẽŋa tɩ Zifdõma dɩkɛ tɩ a dɛna pɔ'ɔrɛ yetɔga, tɩ sɛba n dagɩ Zifdõma la dɩkɛ tɩ la dɛna yalnɛ.

1 Korẽntɩ 7:2

La, lan wʋn ẽŋɛ se'em tɩ ya da ẽŋɛ yalsɩ, bʋraaga woo di a pɔga, tɩ pɔka woo mẽ ele a sɩra.

Hiburuduma 13:4

Basɛ-ya tɩ pɔgdire tara nã'asgɔ, dee da basɛ tɩ dẽgrɔ tõoma bɔna mĩ, se'ere n soe la, Nawẽnnɛ wʋn di nẽr-sɛba n ɩtɩ yalsɩ, la nẽr-sɛba n tũuli la sarɩya mɛ.

1 Pita 2:8

La ken gʋlsɛ yetɩ: «La de la kug-ẽŋa n wʋn basɛ tɩ nẽrba wẽ'era nãma, dee dɛna tãmpĩ-sɛka n wʋn basɛ tɩ ba lui.» Ban wẽ'erɩ nãma la, la de la ban ka bɔ Nawẽnnɛ yetɔga sɩra la ĩyã, wʋ lan masɛ tɩ la ẽŋɛ ba se'em na.

2 Pita 2:15

Ba basɛ so-sõŋɔ la mɛ dee bʋrgɛ dɔla Abalaam n de Abozɔɔrɩ dayʋa la sore, ẽŋa nõŋɛ la ligri bɔɔra tɩ a tõm tõon-be'ero to'oge yɔɔrɔ.

Azudi 1:11

Ba wʋn yẽ toogo, se'ere n soe la, ba dolɩ la so-sɛka tɩ Akãɩ yʋʋn doose la, la ba kẽ'esɛ ba mẽŋa mɛ tuure pʋam yɔɔrɔ ĩyã, wʋ Abalaam n ẽŋɛ se'em ligri ĩyã la. Ban sɩ'ɩsɛ Nawẽnnɛ nõorɛ wʋ Akoore n yʋʋn sɩ'ɩsɛ Nawẽnnɛ nõorɛ se'em na, ba ki mɛ.

Lilegere 2:20

La yel-sɛka tɩ mam tarɩ la yãma n wãna: La de la yan sakɛ basɛ Azezabɛlɩ n de pɔka n yetɩ ẽŋa de la Nawẽnnɛ nõtɔ'ɔsa, tɩ a zãsna nẽrba, pã'asra mam tõntõnɩba tɩ ba ɩta yalsɩ, dee ɔbra baga nẽnnɔ na.

Lilegere 2:4

La yel-sɛka tɩ mam tarɩ la yãma n wãna: Ya ka le nõŋɛ mam wʋ yãma n daan nõŋɛ mam se'em pɔspɔsɩ la.

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Lilegere 22:15

La nẽr-sɛba n tõnnɩ tõon-dẽgrɔ, la sɛba n tõnnɩ tɩɩm tõoma, la sɛba n tõnnɩ yalsɩ tõoma, la nẽr-kʋʋrba, la sɛba n nã'asrɩ bõndõma tɩ ba mãalɛ, la nẽr-sɛba wuu n nõŋɛ põmpɔrŋɔ dee parna la, wʋn weege la yẽŋa, ba kãn kẽ tẽŋa la pʋam.