Lilegere 2:10 - Farefare Ninkaré

¹⁰ Da zoe-ya dabeem yãma n wʋn nãmsɛ la. Bɩsɛ-ya, Asũtãana wʋn makɛ ya bɩsɛ mɛ, botɩ ba kẽ'esɛ ya nẽrba basɛba yʋ'a deem, la ya wʋn yẽ nãmsgɔ mɛ dabsa pia. Bɔ-ya mam sɩra halɩ ka paagɛ ya kũm, tɩ mam wʋn bɔ ya bɔ'a n de vɔm.

ZE'ELEGO PAALEGA

¹⁰ Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 2:10 ပူးပေါင်းရင်းမြစ်များ

Amatie 10:22

Nẽrba wuu wʋn sise ya mam yʋ'ʋrɛ la ĩyã. La sɛka n ze'ele kãŋkãŋɛ ka paagɛ ba'asgɔ, a wʋn yẽ fãarɛ.

Amatie 10:28

Da zɔta-ya sɛba n kʋʋrɩ ĩyã, dee ka tãna wʋn kʋ sɩa la. Zɔta-ya Nawẽnnɛ n tã wʋn botɩ ya ĩyã, la ya sɩa sã'am bug-tẽŋa la.

Amatie 24:13

La nẽr-sɛka n wʋn mõrgɛ ze'ele kãŋkãŋɛ ka paagɛ ba'asgɔ wʋn yẽ fãarɛ.

Amarkɩ 13:13

Nẽrba zozo'e wʋn sise ya mam yʋ'ʋrɛ ĩyã. La nẽr-sɛka n wʋn mõrgɛ ze'ele kãŋkãŋɛ ka paagɛ ba'asgɔ wʋn yẽ fãarɛ.

Amarkɩ 8:35

Nẽr-sɛka woo n boorɩ tɩ a gu a vɔm, a wʋn koŋe ẽ. La nẽr-sɛka woo n sakɛ tɩ a koŋe a vɔm mam ĩyã, la kõ-yẽlga la ĩyã, a wʋn yẽ vɔm.

Aluki 21:12

La, lan dẽŋɛ bõn-bãna wã n wʋn ẽŋɛ, ba wʋn yõgɛ ya mɛ, nãmsɛ ya, tarɩ ya sẽŋɛ ka sãm ba wẽndetʋm sarɩyaditba zẽ'am, tɩ ba yʋ ya, la ba wʋn botɩ ya ze'ele na'adõma, la gɔmnadõma nẽŋam mam yʋ'ʋrɛ ĩyã.

Azã 12:25

Nẽr-sɛka n nõŋɛ a vɔm, a wʋn koŋe vɔm, la nẽr-sɛka n ka nõŋɛ a vɔm dũnia wã zuo, a wʋn tara vɔm n ka ba'asrɩ.

Azã 13:2

Azezi la a karẽnbiisi la daan boe mĩ dita la zaanõorɛ dia. La Asũtãana daan põn botɩ Asimõ dayʋa Azudaasɩ Iskariyo tẽ'esɛ a sũurum tɩ ẽŋa wʋn pa'alɛ tɩ ba yõkɛ Azezi.

Azã 13:27

Tɩ Azudaasɩ to'oge borborɩ la, tɩ Asũtãana kẽ a sũurum. Tɩ Azezi yele ẽ yetɩ: «Fõn yetɩ fʋ ẽŋɛ se'em na, ẽŋɛ ẽ tɔtɔ.»

Tõoma 20:24

La mam ka geele m mẽŋa yõvore la tɩ a tarɩ yõorɔ bɔ mam, sɛla n tarɩ yõorɔ bɔ mam de la mam yãŋɛ tõm m tõonɛ na tɩ Zuudãana Azezi bɔ mam na ba'asɛ. Tõon-ẽŋa de la mam mõolɛ Nawẽnnɛ yel-sõnnɛ na kõ-yẽlga.

Tõoma 21:13

Tɩ a lerge tõma yetɩ: «Bẽm tɩ ya kaasrɩ sã'ana m sũure? Mam sakɛ mɛ tɩ ba lʋ ma, la dagɩ bɛla mã'a, baa mam sãn wʋn ki Zerizalɛm Zuudãana Azezi yʋ'ʋrɛ ĩyã, mam ken sakɛ mɛ.»

1 Korẽntɩ 9:25

Zɔtba wuu yõkrɩ ba mẽŋa mɛ sɛla woo pʋam tɩ ba to'oge bɔ'a n kãn yuuge dee sã'am. La tõma yõkrɩ tɩ mẽŋa tɩ tɩ wa to'oge la bɔ'a n kãn malɩn sã'am.

Efɛɛzɩ 2:2

Yãma n daan ɩtɩ se'em na ãn wʋ dũnia nẽrba n ka mi Nawẽnnɛ n ɩtɩ se'em na, dɔla Asũtãana n de pãnsɩ dõma n boe saazuum naba la, ẽŋa n tõnnɩ na sɛba n sɩ'ɩsrɩ Nawẽnnɛ nõorɛ la.

Efɛɛzɩ 6:12

Tõma zɛbrɛ ka boe la nẽrsaalba, tõma zɛbrɩ la Asũtãana kɛ'ɛndõma, la a pãnsɩ dõma, la dũnia lika tõon-be'ero na'adõma, la kʋlkã'arsɩ wuu n boe saazuum.

Yemesi 1:12

Nẽr-sɛka n wĩbri nãmsgɔ pʋam tarɩ zu-yẽlga. Se'ere n soe la, ẽn ze'ele kãŋkãŋɛ la, Nawẽnnɛ wʋn bɔ ẽ bɔ'a n de vɔm n ka ba'asrɩ tɩ a bĩŋe nõorɛ tɩ a bɔ sɛba n nõŋɛ ẽ na.

1 Pita 5:4

Tɩ dũnsĩin-kɛ'ɛma la sãn wa puke, ya wʋn to'oge yɔɔrɔ n ka sã'anɩ n tarɩ pẽka.

1 Pita 5:8

Dɛna-ya nẽrba n yõkrɩ ya mẽŋa, dee guusra ya mẽŋa sõŋa, tɩ ya bɛ Asũtãana eerɩ ya mɛ, wʋ gɩgnɛ n kaarɩ ɛɛra sɛla tɩ a yõkɛ obe.

Lilegere 13:14

Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

Lilegere 13:2

Dũŋa la tɩ mam yẽ la wõn na webaaga. Tɩ a nã'a-tala ãna kãra, tara nã'a-ẽesɩ wʋ tẽŋambõŋa la. Dee tɩ a nõorɛ ãna wʋ gɩgnɛ nõorɛ la. Tɩ pʋryõŋ-yãlma la dɩkɛ a pãŋa, la a na'am bĩmbĩnne, la a ke'eŋo bɔ dũŋa la.

Lilegere 13:7

Tɩ ba bɔ ẽ nõorɛ tɩ a zɛbɛ la Nawẽnnɛ nẽrba yãŋɛ ba. Ba bɔ ẽ ke'eŋo tɩ a yãŋɛ la buuri wuu nẽrba, la tẽnsɩ wuu nẽrba, la yetɔga buuri wuu nẽrba, la so'olʋm wuu nẽrba.

Lilegere 17:14

Ba wʋn zɛbɛ la Pebila la mɛ, la Pebila la wʋn zɛbɛ yãŋɛ ba mɛ, ẽŋa n de zuudãandõma Zuudãana, la na'adõma Naba la ĩyã. Pebila la, la nẽr-sɛba tɩ a wi, looge ba tɩ ba dɛna sɩra dõma la, n wʋn zɛbɛ yãŋɛ ba.»

Lilegere 2:13

‹Mam mi zẽ'e-sɛka tɩ yãma boe la mɛ, zẽ'e-ẽŋa tɩ Asũtãana na'am bĩmbĩnne boe. La ya dɩkɛ ya mẽŋa lablɛ la mam mɛ, ze'ele kãŋkãŋɛ bɔ mam sɩra ka basɛ, baa la wakatɛ sɛka tɩ ba daan kʋ A'ãntipasɩ n de sɩra dãana n tɔgɛ mam yelle ya zẽ'am, zẽ'e-sɛka tɩ Asũtãana boe la.

Lilegere 2:9

‹Mam mi ya nãmsgɔ la ya nõŋɔ la yelle mɛ, la baa bɛla, ya de la bõntatba. Mam mi be'em yetɔg-sɛba tɩ nẽr-sɛba n yetɩ bãma de la Zifdõma dee ka dɛna la tɔgɛ ya. Ba de la Asũtãana nẽrba.