Lilegere 19:7 - Farefare Ninkaré

⁷ Basɛ-ya tɩ tɩ ẽŋɛ sũ-yẽlga sɩrʋm nã'asɛ Nawẽnnɛ, se'ere n soe la, Pebila la pɔgdire wakatɛ paagɛ mɛ, tɩ pɔka la mẽ mãasʋm a mẽŋa ba'asɛ.

ZE'ELEGO PAALEGA

⁷ Bahɛ ya ti tu nyɛɛna, gee zɛkera a yu'urɛ, gee bo' ya en pɛka, se'ere en sɔi la, Pebila la pɔgedire la paaɛ ya, ti a pɔga la me maahum ka mɛŋa suŋa ba'ahɛ,

Lilegere 19:7 ပူးပေါင်းရင်းမြစ်များ

Amatie 1:20

La ẽn daan tẽ'esrɩ bɛla la, tɩ Zuudãana Nawẽnnɛ malɛka wa'am wa puke a mẽŋa pa'alɛ ẽ zãasŋɔ pʋam yele ẽ yetɩ: «Azozɛfʋ, Adavidi yɩɩŋa, da zoe dabeem, di Amaari tɩ a dɛna fʋ pɔga, pʋʋrɛ la tɩ a tarɩ la de la Nawẽnnɛ Sɩa n bɔ ẽ.

Amatie 22:2

«Nawẽnnɛ so'olʋm ãn wʋ naba n ẽŋɛ a dayʋa pɔgdire kibsa,

Aluki 12:36

ãna wʋ nẽrba n gu'uri ba zuudãana n wʋn ze'ele pɔgdire kibsa wa'am, tɩ a sãn wa'am wa wi, tɩ ba yo'oge yaŋa tɔtɔ bɔ ẽ.

Azã 3:29

La ãn wʋ nẽra n di pɔga: Pɔgdita la n soe pɔka la, la pɔgdita la sɩrɛ n ze dee sɛlsra a yetɔga la, a tarɩ sũ-yẽlga mɛ zozo'e. Bɛla mam tarɩ sũ-yẽlga mɛ zozo'e.

2 Korẽntɩ 11:2

Mam ɩtɩ la sũure yãma ĩyã, la sũure ẽŋa ze'ele la Nawẽnnɛ zẽ'am. Se'ere n soe la, mam yetɩ m dɩkɛ ya bɔ la Krisi mã'a, mam boorɩ tɩ ya tara la ya mẽŋa sõŋa tɩ m dɩkɛ ya bɔ ẽ wʋ pugla n nãn ka mi bʋraaga tɩ ba dɩkɛ bɔ sɩra.

Efɛɛzɩ 5:23

Se'ere n soe la, sɩra n de pɔka la zuudãana, wʋ Krisi n de a nẽrba la Zuudãana la. Krisi nẽrba la de la a ĩyã, tɩ Krisi dɛna ba Fãagra.

Efɛɛzɩ 5:32

Ẽna de la yel-kãtɛ n sʋgɛ yetɔg-bãna pʋam, mam n tɔgrɩ la de la Krisi, la a nẽrba la yelle.

Filipi 3:3

Tõma n pʋ'ʋsrɩ Nawẽnnɛ la a Sɩa pãŋa, dee ɩta sũ-yẽlga Azezi-krisi doosgo pʋam, ka te'ege nẽrsaalba n ɩtɩ sɛla la, tõma n de nẽrba n wã wãaga mẽŋa mẽŋa.

Lilegere 11:13

Wakatɛ ẽŋa mẽŋa, tẽŋa n wʋn mĩim halɩ zozo'e. Tɩ Zerizalɛm tẽŋa la zẽ'esɩ pia pʋam, zẽ'a ayɩla wʋn lui saam. Tɩ nẽrba tʋsa ayopɔɩ ki, tẽŋa la n mĩim na ĩyã. Tɩ dabeem wʋn yõkɛ nẽr-sɛba n weege la, tɩ ba bɔ Nawẽnnɛ n boe saazuum nã'asgɔ.

Lilegere 19:9

Tɩ malɛka la yele mam yetɩ: «Gʋlsɛ yetɩ: Sɛba tɩ ba wi ba tɩ ba wa'am wa di Pebila la pɔgdire kibsa la tarɩ zu-yẽlga.» Dee le yetɩ: «Yetɔg-bãma de la Nawẽnnɛ yetɔga sɩra sɩra.»

Lilegere 21:2

La mam yẽ la Nawẽnnɛ tẽŋa n de Zerizalɛm paalga n ze'ele saazuum Nawẽnnɛ zẽ'am sigra. A malgɛ mɛ ãna sõŋa wʋ pɔka n yɛ nẽnnõm futo mãasʋm a mẽŋa tɩ a ele a sɩra.

Lilegere 21:9

Tɩ malɛkadõma bayopɔɩ la n daan zãlɩ laasɩ bayopɔɩ n pɩrɛ la tooro bayopɔɩ n de ba'asgɔ tooro la, ayɩla wa'am wa yele mam yetɩ: «Wa'am tɩ mam wʋn pa'alɛ fʋ pɔka la n yetɩ a ele la, Pebila la pɔga la.»