Lilegere 19:16 - Farefare Ninkaré

¹⁶ Yʋ'ʋrɛ n gʋlsɛ a fuugo zuo, la a gere zuo yetɩ: «Na'adõma Naba, la zuudãandõma Zuudãana.»

ZE'ELEGO PAALEGA

¹⁶ A fuo zuo, la a gbere zuo, a tari la yu'urɛ ti ba gulehɛ bini yeti, “Naduma naba, la Daanduma Daana.”

Lilegere 19:16 ပူးပေါင်းရင်းမြစ်များ

Amatie 25:40

Tɩ naba la wʋn lerge ba yetɩ: ‹Mam yetɩ ya la sɩra, tɩ yãma n daan ẽŋɛ sɛla wuu bɔ mam nẽrba la, baa la sãn dɛna la nẽr-pɩka ayɩla tɩ ya ẽŋɛ bɔ, la de la mam tɩ ya bɔ.›

1 Timoti 6:15

Nawẽnnɛ wʋn botɩ a leme wa'am na wakat-sɛka tɩ a looge la. Sũ-yẽlga dãana Nawẽnnɛ ayɩla mã'a n de na-kãtɛ, a de la na'adõma Naba, la zuudãandõma Zuudãana.

Lilegere 17:14

Ba wʋn zɛbɛ la Pebila la mɛ, la Pebila la wʋn zɛbɛ yãŋɛ ba mɛ, ẽŋa n de zuudãandõma Zuudãana, la na'adõma Naba la ĩyã. Pebila la, la nẽr-sɛba tɩ a wi, looge ba tɩ ba dɛna sɩra dõma la, n wʋn zɛbɛ yãŋɛ ba.»

Lilegere 2:17

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ dia n sʋgɛ yʋ'ʋrɛ n de mannɩ n ze'ele saazuum tɩ a di, la mam wʋn bɔ ẽ kug-pɛɛlga. Kug-ẽŋa zuo yʋ'ʋr-paalɛ n gʋlsɛ mĩ, tɩ nẽra nẽra ka mina ẽ, sãn dagna sɛka n to'oge ẽ na mã'a.› »