Lilegere 16:5 - Farefare Ninkaré

⁵ Tɩ mam wõm malɛka n bɩsrɩ ko'om yelle la n yele Nawẽnnɛ yetɩ: «Fõn de la pʋpeelem dãana, fõn daan boe mɛ, dee ken bɔna. Fõn di sarɩya se'em na masɛ mɛ.

ZE'ELEGO PAALEGA

⁵ Ti mam wum ti suŋera sɛka en biheri ko'om la yeti, “Fum dela sira Daana, Fa'a Daana wa, Se'em en de, gee daa pun Dɛna, Se'ere en sɔi la fum gakɛ yele ana wa mɛ.

Lilegere 16:5 ပူးပေါင်းရင်းမြစ်များ

Azã 17:25

M Sɔ, fõn de sɛka n masɛ. Dũnia nẽrba ka bãŋɛ fõn, la mam nõo bãŋɛ fõn mɛ, la nẽr-bãma bãŋɛ mɛ tɩ la de la fõn tõm mam.

Aromduma 2:5

La fõn sũure kɛ'ɛm mɛ tɩ fʋ ka bɔɔra tɩ fʋ teege yɛm, bɛla tɩ fʋ lagsra sɩbgrɛ bĩŋra fʋ mẽŋa zuo gu'ura daar-sɛka tɩ Nawẽnnɛ wʋn pa'alɛ a sũ-isgre di nẽrba sarɩya la sɩra la.

Aromduma 3:5

La tõma n ɩtɩ sɛla n ka masɛ la sãn botɩ nẽrba bãŋɛ tɩ Nawẽnnɛ masɛ sɛla woo pʋam, tɩ wʋn yetɩ bẽm? Tɩ wʋn yetɩ Nawẽnnɛ tõoma ka masɛ, ẽn sɩbgrɩ tɩ la ĩyã bɩɩ? Ayɛɩ, la dagɩ bɛla. Mam tɔgrɩ wʋ nẽrsaalba n tẽ'esrɩ se'em na.

Lilegere 1:4

Mam Azã n gʋlsɛ gõŋɔ wã bɔ'ɔra tẽnsɩ bayopɔɩ n boe Azi so'olʋm pʋam na Wẽndeto nẽrba. Zuudãana Nawẽnnɛ n daan boe, n ken bɔna, dee wʋn bɔna wakatɛ wuu la, la sɩɩsɩ bayopɔɩ n boe a na'am bĩmbĩnne nẽŋam, la Azezi-krisi n tɔgrɩ Nawẽnnɛ yelle sɩra, ẽŋa n ki dee dɛna pɔspɔsɩ dãana n vo'oge, dɛna dũnia na'adõma naba la, wʋn ẽŋɛ ya yel-sõnnɛ, dee bɔ ya sũ-mã'asʋm. Azezi-krisi nõŋɛ tõma mɛ, ki tɩ a zɩɩm fãagɛ tõma tõon-be'ero pʋam,

Lilegere 1:8

Zuudãana Nawẽnnɛ n de ke'eŋo wuu dãana la yetɩ: «Mam de la pĩ'iluŋo la ba'asgɔ, mam n daan boe, n ken bɔna, dee wʋn bɔna wakatɛ wuu.»

Lilegere 11:17

«Zuudãana Nawẽnnɛ n de ke'eŋo wuu dãana, n daan boe, n ken bɔna la, tõma pʋ'ʋsrɩ la fõn fʋ yel-sõnnɛ, fõn dɩkɛ fʋ ke'eŋo n zo'oge vigle fʋ na'am na ĩyã.

Lilegere 16:4

Tɩ malɛka bʋtã dãana ka'agɛ a laaga bõnɔ basɛ mõga, la kʋlsɩ ko'om pʋam, tɩ ko'om na lebge zɩɩm.

Lilegere 16:7

Tɩ mam wõm kõa n ze'ele kãabgɔ bĩmbĩnne na zẽ'am yetɩ: «Asɩra, Zuudãana Nawẽnnɛ n de ke'eŋo wuu dãana, fõn sarɩyadia la masɛ mɛ, dɛna sɩra.»

Lilegere 19:2

Ẽŋa sarɩyadia la masɛ mɛ, dɛna sɩra. Se'ere n soe la, a di pɔg-tutulga la n daan tõnnɩ yalsɩ tõoma zozo'e sã'ana dũnia la sarɩya mɛ sɩbgɛ ẽ, ẽn botɩ a tõntõnɩba ki la ĩyã.»

Lilegere 4:8

Bõn-vɔɔsɩ banaasɩ la ayɩla woo tarɩ la kempagsɩ bayoobɩ tɩ nini pɩrɛ ba zẽ'a woo, tilum na zuum. Yʋ'ʋŋɔ la wʋntɛɛŋa, ba yõonɩ mɛ ka gɔ'ɔra yetɩ: «Sõŋa, sõŋa, sõŋa, Zuudãana Nawẽnnɛ n de ke'eŋo wuu dãana n ãn sõŋa. Ẽŋa n daan boe, n ken bɔna, dee wʋn bɔna wakatɛ wuu.»

Lilegere 6:10

Tɩ ba tɔgra ke'enke'em yetɩ: «Zuudãana n gãnnɩ wuu n ãn sõŋa, n de sɩra dãana, fõn wʋn yuuge paagɛ la wãne dee di dũnia nẽrba sarɩya sɩbgɛ ba, ban kʋ tõma la ĩyã?»