Lilegere 16:14 - Farefare Ninkaré

¹⁴ Ba de la Asũtãana kʋlkã'arsɩ n ɩtɩ bõn-yãlma. Ba we'esɩ la dũnia na'adõma wuu zẽ'am tɩ ba lagsɛ ba, tɩ ba zɛbɛ la Nawẽnnɛ n de ke'eŋo wuu dãana, a dabs-kãtɛ la daarɛ.

ZE'ELEGO PAALEGA

¹⁴ Bana wa dela kulekpa'bɛ'ɛhi se'ehi en tuna kirehi, kina timpaberɛ wa zuo na'kãreba nɛŋan, ti ba lagehɛ ba gura zaberɛ, dabeherɛ kãtɛ la en de Gani Za'a Yinɛ dabeherɛ la puan.

Lilegere 16:14 ပူးပေါင်းရင်းမြစ်များ

Amatie 24:14

Nawẽnnɛ so'olʋm kõ-yẽlga wʋn mõolɛ dũnia wuu mɛ, tɩ buuri wuu wõm, dee tɩ dũnia ba'asgɔ yãŋa paagɛ.

Amatie 24:24

Nẽrba wʋn wa'am wa parɩm tɩ bãma n de Krisi, la nẽrba wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõnna tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge.

Amarkɩ 13:22

Nẽrba n wʋn wa'am wa parɩm tɩ bãma n de Krisi, la nẽrba n wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõm tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge doose ba.

Aluki 2:1

Ban daan dɔgɛ Azã la, wakat-ẽŋa tɩ na-keko A'ogisti daan bɔ nõorɛ yetɩ, ba kãalɛ a tẽŋa la wuu nẽrba.

Azã 8:44

Ya sɔ de la Asũtãana, la ya boorɩ tɩ ya ẽŋɛ la ya sɔ la n boorɩ se'em na. A de la nẽr-kʋʋra halɩ pĩ'iluŋo. A ka boe sɩra pʋam, sɩra n ka boe a pʋam na ĩyã. A sãn parna, ẽn ãn se'em n bɛla, se'ere n soe la, a de la põmpɔrma, la põmpɔrŋɔ wuu sɔ.

Aromduma 1:8

Pɔspɔsɩ, Azezi-krisi ĩyã mam pʋ'ʋsrɩ mam Zuudãana Nawẽnnɛ a yel-sõnnɛ yãma wuu ĩyã, se'ere n soe la, ba tɔgrɩ yãma n bɔ Azezi sɩra se'em mɛ dũnia wã wuu.

2 Tesaloniki 2:9

La sãn dɛna tõon-be'ero dãana la n wʋn wa'am na, a wʋn tara la Asũtãana pãŋa ɩta bõn-yãlma la yel-kɩrsɩ, la yɛla buuri zozo'e n de pã'asgɔ.

1 Timoti 4:1

Nawẽnnɛ Sɩa tɔgɛ mɛ vẽelga vẽelga yetɩ, dũnia ba'asgɔ wakatɛ, nẽrba basɛba wʋn basɛ Nawẽnnɛ sore doosgo, dee dɔla sɛla n de pã'asgɔ, la kʋlkã'arsɩ põmpɔrŋɔ zãsŋɔ.

Yemesi 3:15

Yɛm ẽŋa dagɩ yɛm sɛka n ze'ele Nawẽnnɛ zẽ'am. A de la tẽŋa wã zuo bõnɔ, a de la nẽrsaala bõnɔ, a ze'ele la Asũtãana zẽ'am.

1 Zã 5:19

Tõma mi tɩ tõma de la Nawẽnnɛ nẽrba. La dũnia dõma wuu boe la be'em dãana Asũtãana nu'usum.

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 13:3

Dũŋa la zuugo ayɩla daan pɔglʋm mɛ, ãna wʋ a ki mɛ na, la a pɔglʋŋɔ la daan bɔɩ mɛ. Tɩ la di'ige dũnia nẽrba wuu, tɩ ba dɔla dũŋa la.

Lilegere 16:16

Tɩ kʋlkã'arsɩ la lagsɛ na'adõma la zẽ'e-sɛka tɩ ba wi'iri la Ebre yetɔga tɩ «Armagedõ».

Lilegere 16:7

Tɩ mam wõm kõa n ze'ele kãabgɔ bĩmbĩnne na zẽ'am yetɩ: «Asɩra, Zuudãana Nawẽnnɛ n de ke'eŋo wuu dãana, fõn sarɩyadia la masɛ mɛ, dɛna sɩra.»

Lilegere 17:14

Ba wʋn zɛbɛ la Pebila la mɛ, la Pebila la wʋn zɛbɛ yãŋɛ ba mɛ, ẽŋa n de zuudãandõma Zuudãana, la na'adõma Naba la ĩyã. Pebila la, la nẽr-sɛba tɩ a wi, looge ba tɩ ba dɛna sɩra dõma la, n wʋn zɛbɛ yãŋɛ ba.»

Lilegere 20:8

Tɩ a yese pã'asɛ dũnia so'olʋm buuri wuu nẽrba, Gɔɔgɩ la Magɔɔgɩ. A wʋn lagsɛ ba mɛ tɩ ba zɛbɛ zɛbrɛ. Ba wʋn lagsɛ zo'oge wʋ tẽntõnbĩ'isgo n boe ko-kãtɛ nõorʋm se'em na.

Lilegere 3:10

Yãma n sakɛ mam yetɔga la mõrgɛ sẽŋɛ nẽŋa na ĩyã, mam mẽ wʋn gu'ura ya sõŋa tɩ toogo sɛka n sẽm dũnia wuu zuo, tɩ a makɛ nẽr-sɛba wuu n boe dũnia zuo la, da paagɛ ya.

Lilegere 6:17

Se'ere n soe la, ba sũ-isgre daarɛ paagɛ mɛ, nẽra ka boe n wʋn yãŋɛ põsɛ.»