Lilegere 14:7 - Farefare Ninkaré

⁷ A daan tɔgrɩ mɛ ke'enke'em yetɩ: «Zoe-ya Nawẽnnɛ, la ya nã'asɛ ẽ, se'ere n soe la, wakatɛ paagɛ mɛ tɩ a wʋn di nẽrba sarɩya. Ka-ya dũma nã'asɛ Nawẽnnɛ n nãam saazuum, la tẽŋa, la ko-kãtɛ, la kʋlsɩ wuu n bulli la.»

ZE'ELEGO PAALEGA

⁷ Ti a yele la kɔkɛ'ɛŋa yeti, “Zoti ya Yinɛ, gee bo' ya en pɛka, se'ere en sɔi la, a gakerɛ saŋa la paaɛ ya. Me na'ahɛ ya en, eŋa se'em en naam saazuo la tiŋa, ko'kãtɛ, la kulaahi, ko'om zi'ihi woo la.”

Lilegere 14:7 ပူးပေါင်းရင်းမြစ်များ

Amatie 25:13

Bɛla, guuse ya mẽŋa, se'ere n soe la, ya ka mi daar-sɛka bɩɩ wakat-sɛka tɩ Nẽrsaala Dayʋa la wʋn leme wa'am.»

Aluki 17:18

Bẽm tɩ ẽna n de sãana la mã'a n leme wa'am tɩ a pʋ'ʋsɛ Nawẽnnɛ a yel-sõnnɛ?»

Tõoma 14:15

«Nẽrba wã, bẽm tɩ ya yetɩ ya ẽŋɛ wãna? Tõma mẽ de la nẽrsaalba wʋ yãma n ãn se'em na, la tõma mõolɩ la kõ-yẽlga pa'ala yãma tɩ ya basɛ bõn-bãna wã n ka tarɩ yõorɔ, dee dɔla Nawẽnnɛ n de vɔm dãana. Ẽŋa n nãam saazuum la tẽŋa, la ko-kãtɛ, la bõn-sɛba wuu n boe ba pʋam na.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

Lilegere 11:13

Wakatɛ ẽŋa mẽŋa, tẽŋa n wʋn mĩim halɩ zozo'e. Tɩ Zerizalɛm tẽŋa la zẽ'esɩ pia pʋam, zẽ'a ayɩla wʋn lui saam. Tɩ nẽrba tʋsa ayopɔɩ ki, tẽŋa la n mĩim na ĩyã. Tɩ dabeem wʋn yõkɛ nẽr-sɛba n weege la, tɩ ba bɔ Nawẽnnɛ n boe saazuum nã'asgɔ.

Lilegere 11:18

Bu-zãŋsɩ wuu nẽrba sũure isge mɛ, la lɛɛlɛ wã fõn sũ-yĩire wakatɛ n paagɛ, tɩ fõn wʋn di sɛba n ki la sarɩya, la fõn wʋn yɔ fʋ tõntõnɩba la n de fʋ nõtɔ'ɔsrɩba, la fʋ nẽrba la n nã'asrɩ fõn, kɛ'ɛndõma la tarɩmdõma wuu mɛ. La de la wakatɛ tɩ fõn wʋn sã'am nẽr-sɛba n sã'anɩ dũnia la.»

Lilegere 15:4

Zuudãana, ãne n kãn zoe fõn, nã'asɛ fõn yʋ'ʋrɛ la? Se'ere n soe la, fõn mã'a n de pʋpeelem dãana. So'olʋm wuu nẽrba wʋn wa'am wa ka dũma nã'asɛ fɔ, se'ere n soe la, fõn tõoma n masɛ la puke mɛ tɩ ba yẽ.»

Lilegere 16:9

Tɩ tʋʋlg-kãtɛ yõ'ogɛ nẽrba, tɩ ba tʋʋra Nawẽnnɛ n de ke'eŋo wuu dãana n tara nõorɛ la tooro bãma la. La ba ka teege yɛm basɛ tõon-be'ero nã'asɛ Nawẽnnɛ.

Lilegere 18:10

Ban zotɩ dabeem la a nãmsgɔ la, ba wʋn zɛ la zãazãarɛ dee yɛta yetɩ: «Waɩ, waɩ! Tẽn-kãtɛ la, Babilɔnɩ tẽŋa n tarɩ pãŋa la, karf-ayɩla pʋam tɩ fõn yẽ sɩbgrɛ wãna!»

Lilegere 18:17

Karf-ayɩla pʋam tɩ a bõntarsõm na wuu darɛ sã'am.» Õornɔ kɛ'ɛndõma, la nẽr-sɛba n kẽ'erɩ õornɔ sẽnna sore, la sɛba n tõnnɩ õornɔ na pʋam, la nẽr-sɛba n kẽ'erɩ õornɔ na ɛɛra lɛɛbra la ze la zãazãarɛ,

Lilegere 18:19

La ba vaarɩ la tẽntõnnɔ pukra ba zuto, kaasra, dee fabla yetɩ: «Waɩ, waɩ! Tẽn-kãtɛ ẽna bõntarsõm ĩyã tɩ nẽr-sɛba n tarɩ õornɔ ɛɛra ko-kãtɛ la pʋam lɛɛbra la lebge bõntatba. La karf-ayɩla pʋam tɩ a bõntarsõm na wuu darɛ sã'am.»

Lilegere 19:5

Tɩ kõa ze'ele na'am bĩmbĩnne na zẽ'am yetɩ: «Yãma n de Nawẽnnɛ tõntõnɩba n zotɩ ẽ na, tarɩmdõma, la kɛ'ɛndõma, nã'asɛ-ya tɩ Nawẽnnɛ.»

Lilegere 4:11

«Tɩ Zuudãana Nawẽnnɛ, fõn masɛ fʋ to'oge na'am pãŋa, la nã'asgɔ, la ke'eŋo, la de la fõn nãam sɛla woo, la de la fõn boorɩ ĩyã, tɩ fõn nãam ba tɩ ba bɔna.»

Lilegere 4:9

Bõn-vɔɔsɩ banaasɩ la ẽn nã'asra sɛka n zĩ na'am bĩmbĩnne zuo n vɔa wakatɛ wuu la mɛ, pẽgra ẽ dee pʋ'ʋsra ẽ a yel-sõnnɛ.

Lilegere 8:10

Tɩ malɛka bʋtã dãana peebe benkonne. Tɩ wõrbi-kãtɛ n diti bug-zɩlɩŋa ze'ele saazuum lui mõga, la kʋlsɩ ko'om pʋam, a lui la ko'om na zẽ'esɩ batã ayɩla pʋam.