Lilegere 14:4 - Farefare Ninkaré

⁴ Nẽr-bãma ka dẽgɛ ba mẽŋa la pɔgsɩ, ba tarɩ ba mẽŋa sõŋa mɛ. Ba dolɩ la Pebila la zẽ'e-sɛka woo tɩ a we'esɩ. Ba yẽ fãarɛ nẽrsaalba pʋam tɩ ba dɛna la pɔspɔsɩ dõma bɔ Nawẽnnɛ, la Pebila la.

ZE'ELEGO PAALEGA

⁴ Nɛrebana wa ka galum ba mɛhi la pɔgehi, se'ere en sɔi la, ba daa dela burakaha. Bana en dole Pebila la zi'an woo ti ka yɛ'a. Ba yɔ to'e ba mɛ saaleba woo puan ti ba dɛna wala diina bo' Yinɛ, la Pebila la,

Lilegere 14:4 ပူးပေါင်းရင်းမြစ်များ

Amatie 19:12

Nẽrba basɛba n boe tɩ ba dɔgɛ ba tɩ ba ãna wʋ ba fɔ ba mɛ na, ka dita pɔgsɩ. Tɩ nẽrba mẽ fɔ bʋraasɩ basɛba. Tɩ Nawẽnnɛ so'olʋm ĩyã, tɩ sɛba mẽ ka dita pɔgsɩ. Sɛka n tã wʋn yãŋɛ to'oge yetɔg-ẽna, a to'oge.»

Amatie 25:1

Azezi ken yetɩ: «Wakat-ẽŋa Nawẽnnɛ so'olʋm wʋn ãna wʋ pug-sarsɩ pia n dɩkɛ ba fɩtladõma yese sẽŋɛ tɩ ba ka tʋ'ʋsɛ pɔgdita.

Amatie 8:19

Tɩ lɔɔ karẽnsãama ayɩla wa'am a zẽ'am wa yele ẽ yetɩ: «Karẽnsãama, mam wʋn dɔla fʋ sẽnna zẽ'e-sɛba wuu tɩ fʋ wʋn sẽnna.»

Azã 10:27

Mam piisi la wõnnɩ mam kõa mɛ, mam mi ba mɛ, la ba dolɩ mam mɛ.

Azã 12:26

La nẽra sãn bɔɔra tɩ a tõm bɔ mam, dẽnɩ tɩ a dɔla mam. La mam n boe zẽ'e-sɛka la, mam tõntõnna mẽ wʋn bɔna la bilam. La nẽra sãn tõnna bɔ'ɔra mam, mam Sɔ wʋn pẽgɛ ẽ.

Azã 13:37

Tɩ Apɩyɛɛrɩ soke ẽ yetɩ: «Zuudãana, bẽm ẽŋɛ tɩ mam kãn tã'agɛ doose fõn sẽŋɛ lɛɛlɛ wã? Mam sakɛ tɩ m ki mɛ fõn ĩyã.»

Azã 8:12

Tɩ Azezi le tɔgɛ la nẽrba la yetɩ: «Mam de la dũnia peelem. Nẽr-sɛka n dolɩ mam, a kãn malɩn sẽnna lika pʋam, a wʋn yẽ peelem n bɔ'ɔrɩ vɔm.»

Tõoma 20:28

Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa.

1 Korẽntɩ 16:15

M sɔbiisi, ya mi Astefanasɩ la a yir-dõma yelle, bãma n dẽŋɛ bɔ Nawẽnnɛ sɩra Akayi so'olʋm pʋam. Ba tõm mɛ bɔ Nawẽnnɛ nẽrba. Mam belnɩ ya mɛ

1 Korẽntɩ 6:20

Nawẽnnɛ da ya la da'aga n de toogo, bɛla, dɩkɛ-ya ya ĩyã, nã'asra Nawẽnnɛ.

1 Korẽntɩ 7:28

La fʋ sãn di pɔga, la dagɩ be'em. La pug-sɛka n mẽ ele sɩra, la dagɩ be'em. Nẽr-sɛba n tarɩ pɔgba, bɩɩ sɩrba la wʋn yẽ la sũ-sã'aŋɔ dũnia wã pʋam, bɛla tɩ mam ka bɔɔra tɩ yel-bãma paagɛ ya.

2 Korẽntɩ 11:2

Mam ɩtɩ la sũure yãma ĩyã, la sũure ẽŋa ze'ele la Nawẽnnɛ zẽ'am. Se'ere n soe la, mam yetɩ m dɩkɛ ya bɔ la Krisi mã'a, mam boorɩ tɩ ya tara la ya mẽŋa sõŋa tɩ m dɩkɛ ya bɔ ẽ wʋ pugla n nãn ka mi bʋraaga tɩ ba dɩkɛ bɔ sɩra.

Efɛɛzɩ 1:14

A Sɩa la n de sɛla n pa'alɛ tɩ tɩ wʋn yẽ sɛla woo tɩ a bĩŋe nõorɛ tɩ a bɔ tɔ la, halɩ ka paagɛ wakat-sɛka tɩ a wʋn fãagɛ tõma wuu n de a nẽrba la ba'asɛ la, bõn-ẽŋa n wʋn basɛ tɩ tɩ pẽgɛ ẽ, a na'am pãŋa la ĩyã.

Efɛɛzɩ 5:27

Tɩ ba da tara dẽgrɔ, la be'em, la sɛla n ka ãn sõŋa, ba tara pʋpeelem ka tara dõrga, tɩ a wʋn tarɩ ba sẽŋɛ a zẽ'am la nã'asgɔ.

1 Timoti 4:3

Nẽr-bãma zãsnɩ nẽrba yetɩ, pɔgsɩ da ɛlla sɩrba, tɩ bʋraasɩ mẽ da dita pɔgba, la ba sisra dia basɛba da dita. La de la põmpɔrŋɔ, Nawẽnnɛ nãam bõn-bãma tɩ nẽr-sɛba n sakɛ ẽŋa mina sɩra la pʋ'ʋsra ẽ a yel-sõnnɛ dee dita ba.

Hiburuduma 12:23

La ya ken lɛm na Nawẽnnɛ nẽrba lagsgɔ n de a kɔm-kẽendõma tɩ ba yʋ'ʋra gʋlsɛ Nawẽnnɛ yire la. La ya lɛm Nawẽnnɛ n de nẽrba wuu sarɩyadita. Ya lɛm na nẽr-sɛba n masɛ Nawẽnnɛ zẽ'am, dee masɛ sɛla woo pʋam na sɩɩsɩ zẽ'am.

Yemesi 1:18

Ẽŋa mẽŋa n boorɩ tɩ a basɛ tɩ a sɩra yetɔga la bɔ tõma vɔm. A ẽŋɛ bɛla tɩ tõma dɛna la pɔspɔsɩ dõma bõn-sɛba wuu tɩ a nãam na pʋam.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.

Lilegere 17:14

Ba wʋn zɛbɛ la Pebila la mɛ, la Pebila la wʋn zɛbɛ yãŋɛ ba mɛ, ẽŋa n de zuudãandõma Zuudãana, la na'adõma Naba la ĩyã. Pebila la, la nẽr-sɛba tɩ a wi, looge ba tɩ ba dɛna sɩra dõma la, n wʋn zɛbɛ yãŋɛ ba.»

Lilegere 21:22

Mam ka yẽ Wẽndeego tẽŋa la pʋam, se'ere n soe la, Zuudãana Nawẽnnɛ n de ke'eŋo wuu dãana, la Pebila la n boe mĩ.

Lilegere 21:23

Tẽŋa la ka boorɩ wẽntulle, bɩɩ wõrga tɩ ba nẽegɛ ẽ, se'ere n soe la, Nawẽnnɛ na'am pãŋa peelem n nẽerɩ ẽ, tɩ Pebila la dɛna a fɩtla.

Lilegere 3:4

La nẽrba basɛba n boe yãma pʋam Sardɩ ka dẽgɛ ba futo. Bãma n wʋn yɛ fu-pɛɛlsɩ doose mam, bãma n masɛ la ĩyã.

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.