Lilegere 14:2 - Farefare Ninkaré

² Tɩ mam wõm kõa n ze'ele Nawẽnnɛ yire tɩ a dãmnɛ ãna wʋ ko-kãtɛ dãmnɛ, dee ãna wʋ saaga n tãsrɩ sũnna, dee ãna wʋ kõl-wẽ'erba n wẽ'erɩ ba kõnnɔ.

ZE'ELEGO PAALEGA

² Ti mam wum ti kua ze'ele tinsuŋan na, sũna wuu kulaahi ko'om en sũni la, gee tahera wuu saa en taheri la. Kua la ti mam wum la ani mɛ wuu kɔ̃len-ŋmɛ'ɛreba en ŋmɛ'ɛri ba kɔlɔ la.

Lilegere 14:2 ပူးပေါင်းရင်းမြစ်များ

1 Korẽntɩ 13:1

Mam sãn tɔgra nẽrsaalba buuri wuu yetɔga, la malɛkadõma yetɔga, dee ka tara nõŋlʋm, mam ãn wʋ dẽnlɔŋɔ bɩɩ pɩrga n wẽ'erɩ zãŋa.

Lilegere 1:10

Tɩ Zuudãana daarɛ n de Lasrɩ daarɛ la, tɩ Nawẽnnɛ Sɩa bɔna la mam, botɩ mam wõm kõa n tɔgɛ ke'enke'em mam poorʋm wʋ benkonne n peebe la,

Lilegere 1:15

A nãma daan yẽgrɩ wʋ zũuro tɩ ba zuge ba bugum pʋam na, dee tɩ a kõa la ãna wʋ ko-kãtɛ dãmŋɔ la.

Lilegere 11:12

La nõtɔ'ɔsrɩba bayi la wʋn wõm na kõa n ze'ele Nawẽnnɛ yire yele ba yetɩ: «Zom-ya wa'am.» Tɩ ba kẽ sawara pʋam zɔnna wɛ'ɛsa Nawẽnnɛ yire, tɩ bɛ'ɛba la bɩsra ba.

Lilegere 11:15

Tɩ malɛka bʋyopɔɩ dãana peebe benkonne, tɩ kõosɩ ze'ele Nawẽnnɛ yire tɔgɛ ke'enke'em yetɩ: «Dũnia so'olʋm lebge la tõma Zuudãana, la Krisi tɩ a tõm na n soe, la a na'am na boe la wakatɛ n ka ba'asrɩ.»

Lilegere 15:2

Tɩ mam yẽ sɛla n ãn wʋ ko-kãtɛ n yẽgrɩ wʋ bɩsga n gaam na bugum. La mam yẽ la nẽr-sɛba n zɛbɛ yãŋɛ dũŋa, la a bõnɔ tɩ ba mãalɛ, dee ka sakɛ to'oge a yʋ'ʋrɛ la kãllɛ dãalgɔ la, n ze ko-kãtɛ n yẽgrɩ wʋ bɩsga la nõorʋm. Ba zãlɩ la kõnnɔ tɩ Nawẽnnɛ bɔ ba.

Lilegere 18:22

Ba kãn le wõm kõl-wẽ'erba wẽ'a, la yõonyõonɩba yõoma, la wɩɩsɩ, la benkɔma peebgo, la ba kãn le yẽ nẽra n tarɩ nu'ugo tõonɛ a pʋam, la ba kãn wõm nẽerɛ dãmnɛ mĩ.

Lilegere 5:8

Ẽn to'oge gõŋɔ la, bõn-vɔɔsɩ banaasɩ la, la kẽma pisyi la anaasɩ la, ka la dũma a nẽŋam. Ba nẽra woo zãlɩ la kõlŋɔ, la sãlma laasɩ n pɩrɛ la tɩdarɛ n tarɩ yũuŋo n ãn yẽlʋm, n de Nawẽnnɛ nẽrba pʋ'ʋsgɔ.

Lilegere 6:1

La mam yẽ mɛ tɩ Pebila la lakɛ bõnɔ na n tabɛ zẽ'esɩ bayopɔɩ la ayɩla. Tɩ mam wõm bõn-vɔɔsɩ banaasɩ la ayɩla n tɔgrɩ tɩ a kõa ãna wʋ saaga n tãsrɩ la yetɩ: «Wa'am!»

Lilegere 8:7

Tɩ pɔspɔsɩ malɛka la peebe benkonne. Tɩ sakuga la bugum n gaam na zɩɩm ka'agɛ dũnia zuo. Tɩ dũnia zẽ'esɩ batã pʋam, bugum di zẽ'a ayɩla, tɩ tɩɩsɩ zẽ'esɩ batã pʋam, bugum di zẽ'a ayɩla, tɩ mõ-mã'asa wuu di bugum.