အွန်လိုင်း သမ္မာကျမ်းစာ

« အရင်

နောက်တစ်ခု »

Lilegere 14:13 - Farefare Ninkaré

¹³ Tɩ mam wõm kõa n ze'ele saazuum yele mam yetɩ: «Gʋlsɛ yetɩ: ‹Lan pɔsɛ lɛɛlɛ wã, nẽr-sɛba n kiiri Zuudãana doosgo pʋam na tarɩ zu-yẽlga.› Tɩ Nawẽnnɛ Sɩa yetɩ: ‹La de la sɩra, ba wʋn vo'ose la ba tõon-tooro, ba tõon-sõma la dolɩ ba mɛ.› »

အခန်းကိုကြည့်ပါ။ ကော်ပီ

ZE'ELEGO PAALEGA

¹³ Ti mam wum kua tinsuŋan la, ti ka yeti, “Gulehɛ dina wa biŋe yeti, Yehe zina yɛ'a ha, Sum wan bɔna la sɛba woo en ki Daana la sore dɔlega puan.” Sia la yeti, “Ɛ̃ɛ, Ba wan vo'ohe ba namehegɔ la puan, se'ere en sɔi la, ba tuuma la wan dɔla ba.”

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Lilegere 14:13
41 ပူးပေါင်းရင်းမြစ်များ

Amatie 3:17

Tɩ kõa ze'ele Nawẽnnɛ yire yetɩ: «Ẽna de la mam Dayʋa tɩ mam nõŋɛ la m sũure wuu, a paagɛ la mam yɛm.»

အခန်းကိုကြည့်ပါ။

Aluki 16:25

Tɩ Abraham yele ẽ yetɩ: ‹M bia, tẽegɛ tɩ fõn daan boe dũnia zuo wakat-sɛka la, fõn daan tarɩ bõn-sõma mɛ, dee tɩ Alazaarɩ yẽta toogo. La lɛɛlɛ wã, a sũure mã'agɛ mɛ, dee tɩ fõn yãŋa nãmsra.

အခန်းကိုကြည့်ပါ။

Aluki 16:9

Bɛla ĩyã, mam yetɩ ya tɩ ya dɩkɛ dũnia bõntarsõm yõgɛ sɩrdõma, tɩ dũnia bõntarsõm na sãn wa ba'asɛ, ba wʋn to'oge ya tɩ ya bɔna Nawẽnnɛ yire wakatɛ n ka ba'asrɩ.»

အခန်းကိုကြည့်ပါ။

Aromduma 14:8

Tõma sãn vɔa, tɩ vɔa la Zuudãana ĩyã. La tɩ sãn ki, tɩ ki la Zuudãana ĩyã. Bɛla, tɩ sãn vɔa mɛ, bɩɩ tɩ sãn ki mɛ, tɩ de la Zuudãana la nẽrba.

အခန်းကိုကြည့်ပါ။

1 Korẽntɩ 15:18

La sɛba n bɔ Krisi sɩra dee ki la mẽ yi bɔɩ mɛ.

အခန်းကိုကြည့်ပါ။

1 Korẽntɩ 15:20

La, la dagɩ bɛla, Krisi ki dee vo'oge mɛ, ẽŋa n de pɔspɔsɩ dãana n vo'oge, pa'alɛ tɩ nẽrba basɛba n ki la mẽ wʋn vo'oge.

အခန်းကိုကြည့်ပါ။

1 Korẽntɩ 15:58

Bɛla, m sɔbi-nõŋrɩsɩ, mõrgɛ-ya ze'ele kãŋkãŋɛ. Tõnna-ya Zuudãana tõoma la wakatɛ wuu da basɛ, yãma n mi tɩ nãmsgɔ sɛka tɩ ya nãmsrɩ Zuudãana la ĩyã dagɩ zãŋa la.

အခန်းကိုကြည့်ပါ။

2 Korẽntɩ 5:8

Tõma tarɩ bʋraanɛ mɛ zo'oge, dee boorɩ nɩ tɩ tɩ basɛ dũnia ĩyã wã, dee sẽŋɛ ka bɔna Zuudãana la zẽ'am.

အခန်းကိုကြည့်ပါ။

Filipi 2:17

Ba sãn kʋ mam, la wʋn ãna wʋ kãabgɔ pa'asɛ yãma n bɔ Nawẽnnɛ sɩra tɩ la ãna wʋ kãabgɔ bɔ ẽ na pʋam. Baa la sãn dɛna bɛla, mam sũure ãn yẽlʋm mɛ, la mam wʋn ẽŋɛ sũ-yẽlga la yãma wuu.

အခန်းကိုကြည့်ပါ။

1 Tesaloniki 4:14

Tõma n bɔ sɩra tɩ Azezi ki mɛ, dee vo'oge la, bɛla tõma ken bɔ sɩra mɛ tɩ sɛba n dolɩ Azezi dee ki la, Nawẽnnɛ wʋn botɩ ba bɔna la Azezi.

အခန်းကိုကြည့်ပါ။

1 Tesaloniki 4:16

Se'ere n soe la, nõorɛ n wʋn bɔ, tɩ malɛkadõma naba tɔgɛ ke'enke'em, tɩ Nawẽnnɛ benkonne peebe, tɩ Zuudãana mẽŋa ze'ele Nawẽnnɛ yire sige, tɩ sɛba n dolɩ Azezi dee ki la dẽŋɛ vo'oge.

အခန်းကိုကြည့်ပါ။

1 Tesaloniki 5:10

Ẽŋa n ki tɩ ĩyã, tɩ a lemŋo daarɛ, tɩ sãn vɔa mɛ bɩɩ tɩ sãn ki mɛ, tɩ wʋn bɔna la ẽ lɛ.

အခန်းကိုကြည့်ပါ။

1 Timoti 5:24

Nẽrba basɛba tõon-be'ero puke mɛ lan dẽŋɛ ba wʋn di ba sarɩya. La nẽrba basɛba tõon-be'ero nãn ka puke, dee wʋn wa puke mɛ.

အခန်းကိုကြည့်ပါ။

1 Timoti 5:25

Bɛla mẽ, tõon-sõma basɛba puke mɛ, la sɛba n sʋgɛ la ka tã wʋn sʋgɛ ka puke.

အခန်းကိုကြည့်ပါ။

Lilegere 1:11

yetɩ: «Gʋlsɛ sɛla tɩ fʋ wʋn yẽ la ẽŋɛ gõŋɔ pʋam, soolʋm bɔ tẽnsɩ bayopɔɩ la Wẽndeto nẽrba: Efɛɛzɩ, la Simirni, la Pɛrgamɩ, la Tiyatiiri, la Sardɩ, la Filadɛlfi, la Laodise.»

အခန်းကိုကြည့်ပါ။

Lilegere 10:4

Saaga la n tãsɛ tɔgɛ la, mam yetɩ m gʋlsɛ la ban yele se'em na. La mam wõm na kõa n ze'ele Nawẽnnɛ yire tɔgɛ mam yetɩ: «Sʋgɛ sɛla tɩ saaga tãsɛ bʋyopɔɩ tɔgɛ la, da gʋlsɛ ba.»

အခန်းကိုကြည့်ပါ။

Lilegere 11:15

Tɩ malɛka bʋyopɔɩ dãana peebe benkonne, tɩ kõosɩ ze'ele Nawẽnnɛ yire tɔgɛ ke'enke'em yetɩ: «Dũnia so'olʋm lebge la tõma Zuudãana, la Krisi tɩ a tõm na n soe, la a na'am na boe la wakatɛ n ka ba'asrɩ.»

အခန်းကိုကြည့်ပါ။

Lilegere 11:19

Tɩ Wẽnde-kãtɛ n boe Nawẽnnɛ yire la yo'oge, tɩ nõor-bĩŋre daka la yẽta. Tɩ saaga yãgra, sũnna, tãsra, tɩ tẽŋa mĩim, tɩ sakuga zozo'e lui.

အခန်းကိုကြည့်ပါ။

Lilegere 16:17

Tɩ malɛka bʋyopɔɩ dãana ka'agɛ a laaga bõnɔ sapebsʋm pʋam. Tɩ kõa ze'ele na'am bĩmbĩnne n boe Wẽnde-kãtɛ la pʋam zẽ'am yetɩ: «La ẽŋɛ ba'asɛ.»

အခန်းကိုကြည့်ပါ။

Lilegere 19:9

Tɩ malɛka la yele mam yetɩ: «Gʋlsɛ yetɩ: Sɛba tɩ ba wi ba tɩ ba wa'am wa di Pebila la pɔgdire kibsa la tarɩ zu-yẽlga.» Dee le yetɩ: «Yetɔg-bãma de la Nawẽnnɛ yetɔga sɩra sɩra.»

အခန်းကိုကြည့်ပါ။

Lilegere 2:1

Sɛka tɩ mam yẽ la, a ken yele mam yetɩ: «Gʋlsɛ bɔ Efɛɛzɩ Wẽndeego nẽrba la gu'ura yetɩ: Sɛka n zãlɩ wõrbiɛ bayopɔɩ a zʋʋgɔ nu'ugo pʋam, dee sẽnna sãlma fɩtladõma bayopɔɩ tẽŋasʋka la n yele se'em n wãna:

အခန်းကိုကြည့်ပါ။

Lilegere 2:7

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ nõorɛ tɩ a di vɔm tɩa n boe Nawẽnnɛ yire la biɛ.› »

အခန်းကိုကြည့်ပါ။

Lilegere 20:6

Nẽr-sɛba n wʋn po vo'oge pɔspɔsɩ kũm vo'ore la, tarɩ zu-yẽlga, bãma de la Nawẽnnɛ nẽrba. Kũm bʋyi dãana la ka tã wʋn ẽŋɛ ba sɛla. Bãma n wʋn dɛna Nawẽnnɛ la Krisi kãabgɔ kẽma, la ba wʋn lagɩm na Krisi di na'am yʋʋma tʋsrɛ.

အခန်းကိုကြည့်ပါ။

Lilegere 21:5

Tɩ sɛka n zĩ na'am bĩmbĩnne zuo la yele yetɩ: «Bɩsɛ, mam ɩtɩ sɛla woo la paalsɩ.» Dee yele mam yetɩ: «Gʋlsɛ wãna, se'ere n soe la, mam yetɔga wã de la sɩra dee masɛ tɩ ba bɔ sɩra.»

အခန်းကိုကြည့်ပါ။

Lilegere 22:17

Nawẽnnɛ Sɩa, la pɔka la n mãasʋm a mẽŋa tɩ a ele la yetɩ: «Wa'am!» Sɛka n wõm bɛla, a mẽ yetɩ: «Wa'am!» Koyũuro n tarɩ sɛka, a wa'am, sɛka n boorɩ ko'om n bɔ'ɔrɩ vɔm, a wa'am wa to'oge zãŋa.

အခန်းကိုကြည့်ပါ။

Lilegere 6:11

Tɩ ba bɔ ba nẽra woo fu-pɛɛlga, dee yele ba yetɩ ba gu fẽe, halɩ tɩ ba kʋ ba sɔbiisi n de ba tõntõn-taaba, n de ba kʋ ba wʋ bãma la, tɩ ba sõorɛ paagɛ.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ