Lilegere 14:10 - Farefare Ninkaré

¹⁰ Nawẽnnɛ sũure wʋn yĩige la ẽ, tɩ a sɩbgɛ ẽ wʋ dã-ke'eŋo n ka pulum tɩ a pɩrɛ wannɛ bɔ ẽ tɩ a yũ. A wʋn nãmsɛ la kidibre n diti bugum pʋam, malɛg-sõma, la Pebila la nẽŋam.

ZE'ELEGO PAALEGA

¹⁰ ba me wan nyu Yinɛ sunsunyiim daam la en ka'ɛ iŋɛ Yinɛ sunsunyiim wula puan, ti sɛla ka gɛregɛ bɔ la. Ba wan nyɛ namehegɔ bugum puan, la tahi bugum puan, Fa'a suŋereba la nɛŋan, la Pebila la nɛŋan.

Lilegere 14:10 ပူးပေါင်းရင်းမြစ်များ

Amatie 20:22

Tɩ Azezi lerge ba yetɩ: «Ya ka mi yãma n sosrɩ sɛla. Ya wʋn tã'agɛ nãmsɛ nãmsgɔ sɛka tɩ mam wʋn nãmsɛ wã?» Tɩ ba yetɩ: «Tɩ wʋn tã'agɛ ẽŋɛ bɛla.»

Amatie 25:41

La a wʋn yele sɛba n boe a gɔbga bɔba la yetɩ: ‹Sẽŋɛ-ya fõrgɛ, Nawẽnnɛ kã'a-be'ego boe ya zuo. Sẽŋɛ-ya ka kẽ bugum n ka kĩŋri tɩ Nawẽnnɛ mãasʋm tɩ a kẽ'esɛ Asũtãana, la a malɛkadõma la pʋam.

Amatie 26:39

La a sẽŋɛ la nẽŋa fẽe ka võglɛ a nẽŋa tẽŋa pʋ'ʋsɛ Nawẽnnɛ yetɩ: «M Sɔ, la sãn tãna, fʋ basɛ tɩ nãmsgɔ ẽna tole dee basɛ ma. La, la da kãn dɛna mam n boorɩ se'em, la dɛna fõn boorɩ se'em.»

Amarkɩ 8:38

Nẽr-sɛka n zoe yãnnɛ mam ĩyã, la mam yetɔga la ĩyã, zamãana ẽna wã n ka dolɩ Nawẽnnɛ la sɩra, dee dɛna tõon-be'ero dõma wã tẽŋasʋka, Nẽrsaala Dayʋa la mẽ wʋn zoe yãnnɛ na ẽ, wakat-sɛka tɩ a wʋn leme wa'am la a Sɔ Nawẽnnɛ na'am pãŋa, la a malɛkadõma la.»

Amarkɩ 9:44

zẽ'e-ẽŋa tɩ zũnzũa boe mĩ dita nẽrba ĩyã ka kiira, dee tɩ bugum na ka kĩŋra.]

Tõoma 10:22

Tɩ ba yele ẽ yetɩ: «Akɔrnɛlɩ, a de la sʋda-kɛ'ɛma, tɩ a ɩrgɔ masɛ, tɩ a nanna Nawẽnnɛ, tɩ Zifdõma wuu tɔgra a yelle sõŋa. Tɩ Nawẽnnɛ daan tõm a malɛka tɩ a wa'am wa yele ẽ yetɩ, a botɩ fõn wa'am a yire wa yele ẽ fõn tarɩ yetɔg-sɛka la.»

2 Tesaloniki 1:7

dee basɛ tɩ yãma sɛba n nãmsrɩ la, lagɩm na tõma vo'ose wakat-sɛka tɩ Zuudãana Azezi wʋn ze'ele Nawẽnnɛ yire wa'am, la a malɛkadõma n tarɩ pãn-kãtɛ,

Azudi 1:7

La sãn dɛna Sodom la Gomõorɩ dõma, la tẽnsɩ sɛba n lɛm ba la, n mẽ yʋʋn ẽŋɛ wʋ bɛla, tõm yalsɩ tõoma, la, la dagɩ la nẽrsaalba mã'a. Ba yʋʋn yẽ sɩbgrɛ mɛ n de bugum n ka kĩŋri, tɩ la dɛna kã'aŋɔ bɔ nẽrba basɛba.

Lilegere 15:7

Tɩ bõn-vɔɔsɩ banaasɩ la ayɩla bɔ malɛkadõma bayopɔɩ la sãlma laasɩ bayopɔɩ n pɩrɛ la Nawẽnnɛ n vɔa wakatɛ wuu la sũ-isgre.

Lilegere 16:19

Tẽŋa la n mĩim na, tẽn-kãtɛ la pãrsɛ la zẽ'esɩ batã. Tɩ dũnia so'olʋm wuu tẽnsɩ lui. Nawẽnnɛ tẽegɛ Babilɔnɩ tẽn-kãtɛ la yelle mɛ, botɩ a yũ a sũ-isgre kãtɛ n ãn wʋ dãam n boe a wannɛ pʋam na.

Lilegere 18:3

So'olʋm buuri wuu tõm na a yalsɩ tõoma wʋ dãam tɩ ba yũ la. Tɩ dũnia na'adõma lagɩm na ẽ tõm yalsɩ tõoma. Tɩ dũnia leebdõma doose a nẽnnõm lɔgrɔ n zo'oge la poorʋm yẽ bõntarsõm, bɛla tɩ a sã'am.»

Lilegere 18:6

Ẽŋɛ-ya ẽ wʋ ẽŋa n ẽŋɛ basɛba se'em na, yɔ-ya ẽ ẽn ẽŋɛ se'em na nõorɛ ayi. Pɩrɛ-ya a wannɛ na la dã-ke'eŋo nõorɛ ayi bɔ ẽ, wʋ ẽn botɩ nẽrba basɛba yũ se'em na.

Lilegere 19:15

Tɩ sʋkɔbgɔ n saasɛ tara nõorɛ ze'ele a nõorʋm yɛsra. A wʋn dɩkɛ la sʋ'a la zɛbɛ yãŋɛ so'olʋm buuri wuu. A wʋn tara la kuto dasaarɛ sɔna ba. A wʋn mẽrɛ ba la viinye biɛ wẽkrɛ bõnɔ n pa'alɩ ke'eŋo dãana Nawẽnnɛ sũ-isgre la pʋam.

Lilegere 19:20

Tɩ ba yõkɛ dũŋa la, la põmpɔrŋɔ nõtɔ'ɔsa la n daan ẽŋɛ bõn-yãlma dũŋa la nifum pã'asɛ sɛba n to'oge dũŋa la dãalgɔ, dee nã'asɛ a bõnɔ tɩ ba mãalɛ la. Ba lobe dũŋa, la põmpɔrŋɔ nõtɔ'ɔsa la wuu la vɔɔsɩ basɛ bugum mõgrɛ n diti kidibre pʋam.

Lilegere 20:10

Tɩ ba wʋn yõkɛ Asũtãana n pã'asrɩ dũnia nẽrba la lobe basɛ bugum mõgrɛ n diti kidibre pʋam, zẽ'e-sɛka tɩ ba daan põn lobe dũŋa, la põmpɔrŋɔ nõtɔ'ɔsa la. Bilam ba wʋn nãmsra la wʋntɛɛŋa la yʋ'ʋŋɔ wakatɛ n ka ba'asrɩ.

Lilegere 20:14

Tɩ ba lobe kũm, la kɩ'ɩn-tẽŋa basɛ bugum mõgrɛ la pʋam. Bugum mõgrɛ la de la kũm bʋyi dãana.

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»