Lilegere 13:7 - Farefare Ninkaré

⁷ Tɩ ba bɔ ẽ nõorɛ tɩ a zɛbɛ la Nawẽnnɛ nẽrba yãŋɛ ba. Ba bɔ ẽ ke'eŋo tɩ a yãŋɛ la buuri wuu nẽrba, la tẽnsɩ wuu nẽrba, la yetɔga buuri wuu nẽrba, la so'olʋm wuu nẽrba.

ZE'ELEGO PAALEGA

⁷ Ti ba me le bo' en sore ti a zabɛ la nɛresunduma la nyaŋɛ ba. Ba bo' en la kpe'eŋo ti a sɔna buuri woo, la nɛreba woo, la tugum woo la tihi woo.

Lilegere 13:7 ပူးပေါင်းရင်းမြစ်များ

Aluki 4:6

Dee yele ẽ yetɩ: «Bãna wuu de la mam n soe, bɛla mam tã wʋn bɔ nẽr-sɛka woo tɩ mam boorɩ mɛ. Mam wʋn bɔ fɔ dũnia wã na'am la wuu, la so'olʋm bãma wuu pẽka.

Azã 19:11

Tɩ Azezi lerge ẽ yetɩ: «Nõorɛ la sãn ka ze'ele nɩ saazuum, fʋ ka tarɩ nɩ nõorɛ wʋn ẽŋɛ mam sɛla. Bɛla n soe tɩ sɛka n tarɩ mam wa'am wa bɔ fʋ la, tõm tõon-be'ego gãnna fõn.»

Lilegere 10:11

Tɩ ba yele mam yetɩ: «Dẽnɩ tɩ fʋ le tɔgɛ Nawẽnnɛ yetɔga pa'alɛ la wʋn ẽŋɛ tẽnsɩ zozo'e nẽrba, la so'olʋm zozo'e nẽrba, la yetɔga buuri zozo'e nẽrba, la na'adõma zozo'e se'em.»

Lilegere 11:18

Bu-zãŋsɩ wuu nẽrba sũure isge mɛ, la lɛɛlɛ wã fõn sũ-yĩire wakatɛ n paagɛ, tɩ fõn wʋn di sɛba n ki la sarɩya, la fõn wʋn yɔ fʋ tõntõnɩba la n de fʋ nõtɔ'ɔsrɩba, la fʋ nẽrba la n nã'asrɩ fõn, kɛ'ɛndõma la tarɩmdõma wuu mɛ. La de la wakatɛ tɩ fõn wʋn sã'am nẽr-sɛba n sã'anɩ dũnia la.»

Lilegere 11:7

Ba sãn wa tɔgɛ yetɔga la ba'asɛ, dũŋa n wʋn ze'ele bog-ko'ogo la pʋam yese zɛbɛ la ba, yãŋɛ kʋ ba.

Lilegere 12:17

Tɩ pʋryõŋ-yãlma la sũure yĩige la pɔka la, tɩ a sẽŋɛ ka zɛbra la pɔka la yɩɩsɩ sɛba n weege ken sakra Nawẽnnɛ nõorɛ, dee tɔgra Azezi yelle bɔ'ɔra nẽrba la.

Lilegere 17:15

Malɛka la le yele mam yetɩ: «Kʋlsɩ la tɩ fʋ yẽ, tɩ pɔg-yalsɩ dãana la zĩ ba nõorʋm na, de la nẽr-kʋʋŋɔ, tẽnsɩ wuu nẽrba, la so'olʋm to'oto'ore, la yetɔga buuri to'oto'ore nẽrba.

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.