Lilegere 13:6 - Farefare Ninkaré

⁶ Tɩ a pɔsɛ tɔgra pɔ'ɔra Nawẽnnɛ dee pɔ'ɔra a yʋ'ʋrɛ, la zẽ'e-sɛka tɩ a boe, la sɛba n boe Nawẽnnɛ yire la wuu.

ZE'ELEGO PAALEGA

⁶ Ti bunsɛla wa ya'ɛ a nuurɛ tuura Yinɛ, tuura a yu'urɛ la, la a tanɛ pu'uhegɔ yire la, la sɛba woo en boi tinsuŋan ha la.

Lilegere 13:6 ပူးပေါင်းရင်းမြစ်များ

Amatie 12:34

Yãma ãn wʋ kãmpẽesɩ buuri, yãma n de nẽr-bɛ'ɛsɩ wãna wã, ya wʋn ẽŋɛ la wãne tɔgɛ tɔg-sõma? Se'ere n soe la, sɛla n zo'oge sũure pʋam na tɩ nõorɛ tɔgrɩ.

Amatie 15:19

Se'ere n soe la, pʋtẽ'e-yooro ze'etɩ la nẽrsaala sũure pʋam botɩ a bɔɔra tɩ a ẽŋɛ be'em: Nẽr-kʋa, la yalsɩ, la taaba pɔgba la taaba sɩrba gã'a, la nayigum, la põmpɔrŋɔ, la pɔ'ɔrɛ yetɔga.

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Aromduma 3:13

Ba nõa ãn wʋ yɔɔgɔ n vuke. Ba tarɩ ba zɩlɩsɩ la pã'asra la nẽrba. Ba nõorɛ yetɔga ãn wʋ bõnsɛla zẽlõm na.

Kolɔsɩ 1:19

La paagɛ la Nawẽnnɛ yɛm tɩ a basɛ tɩ ẽŋa n ãn se'em na wuu, Azezi mẽ ãna bɛla.

Kolɔsɩ 2:9

Se'ere n soe la, Nawẽnnɛ n ãn se'em wuu la, Krisi mẽ ãn na bɛla mẽŋa.

Hiburuduma 9:2

Ba yʋʋn tĩ la fuu-deego beŋe zẽ'esɩ bayi, wi'ira pɔspɔsɩ zẽ'a la tɩ Nawẽnnɛ zẽ'e-sõŋɔ. Bilam, fɩtladõma dɔglgɔ zẽ'a, la taablɩ tɩ ba dɔglɩ borborɩ bɔ'ɔra Nawẽnnɛ n boe mĩ.

Hiburuduma 9:24

Krisi n kẽ zẽ'e-sɛka la, dagɩ deego tɩ nẽrsaala ẽŋɛ bɔ Nawẽnnɛ n mãmsrɩ Nawẽnnɛ zẽ'e-sõŋɔ mẽŋa mẽŋa la, a kẽ la Nawẽnnɛ yire mẽŋa, bɔna Nawẽnnɛ nẽŋam tõma sõŋrɛ ĩyã.

Lilegere 11:12

La nõtɔ'ɔsrɩba bayi la wʋn wõm na kõa n ze'ele Nawẽnnɛ yire yele ba yetɩ: «Zom-ya wa'am.» Tɩ ba kẽ sawara pʋam zɔnna wɛ'ɛsa Nawẽnnɛ yire, tɩ bɛ'ɛba la bɩsra ba.

Lilegere 12:12

Bɛla, Nawẽnnɛ yire, la yãma sɛba wuu n boe mĩ na, ẽŋɛ-ya sũ-yẽlga. La toogo n wʋn yẽ tẽŋa, la ko-kãtɛ, se'ere n soe la, Asũtãana sige ya zẽ'am la sũ-yĩire, ẽn mi tɩ a wakatɛ deege la fẽe la ĩyã.»

Lilegere 15:5

Bɛla poorʋm mam bɩsɛ mɛ, yẽ tɩ Wẽnde-kãtɛ n boe Nawẽnnɛ yire la pʋam deego la yo'oge mɛ.

Lilegere 18:20

«Sɛba n boe Nawẽnnɛ yire, ẽŋɛ-ya sũ-yẽlga sɛla n paagɛ ẽ na ĩyã. Yãma n welge to'ore dɛna Nawẽnnɛ nẽrba, a Tõntõnɩba, la a nõtɔ'ɔsrɩba, ẽŋɛ-ya sũ-yẽlga. Se'ere n soe la, Nawẽnnɛ di tẽŋa la sarɩya sã'am ẽ mɛ, be'em sɛka tɩ a ẽŋɛ ya la ĩyã.»

Lilegere 21:3

Tɩ mam wõm kõa n ze'ele na'am bĩmbĩnne na zẽ'am tɔgɛ ke'enke'em yetɩ: «Nawẽnnɛ kẽ'a zẽ'am boe la nẽrsaalba tẽŋasʋka. A wʋn kẽ'era la ba lɛ, tɩ ba dɛna a nẽrba. Nawẽnnɛ mẽŋa n wʋn bɔna la ba lɛ.

Lilegere 4:1

Bɛla poorʋm, mam bɩsɛ mɛ yẽ tɩ kʋlɩŋa n yo'oge Nawẽnnɛ yire. Tɩ kõa la tɩ mam wõm pɔspɔsɩ n tɔgɛ la mam wʋ benkonne n peebe la, yele mam yetɩ: «Zom wa'am kalam, tɩ mam wʋn pa'alɛ fʋ sɛla n wʋn wa ẽŋɛ.»

Lilegere 4:4

La na'am bĩmbĩna pisyi la anaasɩ n daan gilge na'am bĩmbĩn-ẽŋa, tɩ kẽma pisyi la anaasɩ n yɛ fu-pɛɛlsɩ vuge sãlma mũnsi zẽa ba zuto.

Lilegere 5:13

Tɩ mam wõm bõn-nãanɩsɩ wuu n boe Nawẽnnɛ yire, la tẽŋa zuo, la tẽŋa pʋam pʋam, la ko-kãtɛ pʋam, la bõn-nãanɩsɩ n boe zẽ'esɩ wuu n yetɩ: «Sɛka n zĩ na'am bĩmbĩnne zuo, la Pebila la n soe pẽka, la nã'asgɔ, la na'am pãŋa, la ke'eŋo wakatɛ n ka ba'asrɩ.»

Lilegere 7:15

Bɛla n soe tɩ ba zɛ Nawẽnnɛ na'am bĩmbĩnne na nẽŋam, tõnna bɔ'ɔra ẽ wʋntɛɛŋa la yʋ'ʋŋɔ a yire la pʋam. Sɛka n zĩ na'am bĩmbĩnne zuo la n wʋn gu'ura ba.

Lilegere 7:9

Bɛla poorʋm mam bɩsrɩ mɛ, yẽ nẽr-kʋʋŋɔ zozo'e tɩ nẽra nẽra ka tã wʋn kãalɛ. Ba de la so'olʋm wuu nẽrba, la buuri wuu nẽrba, la tẽnsɩ wuu nẽrba, la yetɔga buuri wuu nẽrba. Ba daan yɛ la fu-pɛɛlsɩ zãla karkɔŋa võorɔ ba nu'usum zɛ na'am bĩmbĩnne, la Pebila la nẽŋam.