Lilegere 13:16 - Farefare Ninkaré

¹⁶ La dũŋa la pẽrgɛ nẽrba wuu mɛ, tarɩmdõma la kɛ'ɛndõma, bõntatba la nasdõma, yamsɩ la burkĩndõma tɩ ba dãalɛ ba zʋʋgɔ nu'ugo bɩɩ ba dĩire.

ZE'ELEGO PAALEGA

¹⁶ Gee ti naanɛ wa doohe nɛra woo, bumbila la bunkutɛ, buntata la naha, se'em en boi fai, la da'aberɛ za'a daalɛ ba zuɔ nu'uhi, bii ba gbɛ'ɛra,

Lilegere 13:16 ပူးပေါင်းရင်းမြစ်များ

Tõoma 26:22

La Nawẽnnɛ sõŋɛ mam mɛ wa paam zĩna, bɛla tɩ mam zɛ kalam tɔgra mam n yẽ sɛla bɔ'ɔra yãma, kɛ'ɛndõma la tarɩmdõma wuu. Mam n yele sɛla wuu la, la de la Nawẽnnɛ nõtɔ'ɔsrɩba, la Amoyisi n yʋʋn yetɩ sɛla wʋn ẽŋɛ la.

1 Korẽntɩ 12:13

Tõma Zifdõma, la sɛba n dagɩ Zifdõma, la sɛba n de yamsɩ, la sɛba n dagɩ yamsɩ, tõma wuu n daan mise ko'om pʋam na, Nawẽnnɛ Sɩa botɩ tɩ lebge la ĩyã ayɩla. Nawẽnnɛ tõm na Sɩa ayɩla bɔ tɩ wuu.

Galatɩ 3:28

Yãma n lagɩm na Krisi la, bɔkrɛ ka le bɔna tɩ fʋ de la Zifu, bɩɩ bu-zãŋka, yamŋa bɩɩ nẽra n soe a mẽŋa, pɔka bɩɩ bʋraaga, ya wuu de la ayɩla.

Galatɩ 6:17

Nẽra nẽra da le basɛ tɩ toogo paagɛ mam, se'ere n soe la, yisa sɛba tɩ mam tarɩ m ĩyã la pa'alɩ mɛ tɩ mam de la Azezi nẽra.

Efɛɛzɩ 6:8

La ya mina tɩ nẽra woo wʋn yẽ a tõonɛ yõorɔ Zuudãana Krisi zẽ'am masɛ wʋ tõon-sõŋɔ sɛka tɩ a tõm na, a sãn dɛna la nẽra yamŋa bɩɩ a sãn dagna nẽra yamŋa.

Kolɔsɩ 3:11

Nẽr-sɛba n tarɩ ãsʋm paalga wã, la sãn dɛna Zifdõma, bɩɩ bu-zãŋsɩ, bɩɩ sɛba n wã, la sɛba n ka wã, bɩɩ sɛba nini n ka pike, la weem nẽrba, bɩɩ yamsɩ, la sɛba n dagɩ yamsɩ, welgre ka le bɔna ba tẽŋasʋka. La de la Krisi mã'a n gãnnɩ sɛla woo, dee sɔna a nẽrba wuu.

2 Timoti 3:8

Nẽr-bãma ka sakrɩ sɩra, wʋ Azanɛsɩ la Azãmbrɛsɩ n yʋʋn ka sakɛ bɔ Amoyisi se'em na. Ba de la nẽrba yɛm n bʋrʋm, tɩ ba Nawẽnnɛ doosgo la lebge zãŋa.

Lilegere 11:18

Bu-zãŋsɩ wuu nẽrba sũure isge mɛ, la lɛɛlɛ wã fõn sũ-yĩire wakatɛ n paagɛ, tɩ fõn wʋn di sɛba n ki la sarɩya, la fõn wʋn yɔ fʋ tõntõnɩba la n de fʋ nõtɔ'ɔsrɩba, la fʋ nẽrba la n nã'asrɩ fõn, kɛ'ɛndõma la tarɩmdõma wuu mɛ. La de la wakatɛ tɩ fõn wʋn sã'am nẽr-sɛba n sã'anɩ dũnia la.»

Lilegere 15:2

Tɩ mam yẽ sɛla n ãn wʋ ko-kãtɛ n yẽgrɩ wʋ bɩsga n gaam na bugum. La mam yẽ la nẽr-sɛba n zɛbɛ yãŋɛ dũŋa, la a bõnɔ tɩ ba mãalɛ, dee ka sakɛ to'oge a yʋ'ʋrɛ la kãllɛ dãalgɔ la, n ze ko-kãtɛ n yẽgrɩ wʋ bɩsga la nõorʋm. Ba zãlɩ la kõnnɔ tɩ Nawẽnnɛ bɔ ba.

Lilegere 19:18

Ya wʋn di la na'adõma nẽnnɔ, la kɛ'ɛndõma, la sʋdaasɩ nẽnnɔ, la wiiri, la wi-bã'arba nẽnnɔ, la nẽrba wuu, burkĩndõma, la yamsɩ, la kɛ'ɛndõma, la tarɩmdõma wuu nẽnnɔ.»

Lilegere 19:20

Tɩ ba yõkɛ dũŋa la, la põmpɔrŋɔ nõtɔ'ɔsa la n daan ẽŋɛ bõn-yãlma dũŋa la nifum pã'asɛ sɛba n to'oge dũŋa la dãalgɔ, dee nã'asɛ a bõnɔ tɩ ba mãalɛ la. Ba lobe dũŋa, la põmpɔrŋɔ nõtɔ'ɔsa la wuu la vɔɔsɩ basɛ bugum mõgrɛ n diti kidibre pʋam.

Lilegere 19:5

Tɩ kõa ze'ele na'am bĩmbĩnne na zẽ'am yetɩ: «Yãma n de Nawẽnnɛ tõntõnɩba n zotɩ ẽ na, tarɩmdõma, la kɛ'ɛndõma, nã'asɛ-ya tɩ Nawẽnnɛ.»

Lilegere 20:12

Tɩ mam yẽ nẽr-sɛba n ki la, kɛ'ɛndõma, la tarɩmdõma n ze na'am bĩmbĩnne na nẽŋam. Tɩ ba lagsɛ gõnnɔ. La ba lakɛ la gõŋɔ ayẽma n de vɔm gõŋɔ. Tɩ ba di sɛba n ki la sarɩya masɛ wʋ ba tõoma n de se'em, wʋ lan gʋlsɛ gõnnɔ na pʋam se'em na.

Lilegere 20:4

Tɩ mam yẽ na'am bĩmbĩna, tɩ ba bɔ nẽr-sɛba n zĩ ba zuto la ke'eŋo tɩ ba di sarɩya. Tɩ mam yẽ nẽr-sɛba tɩ ba daan wige ba zuto, ban bɔ Azezi sɩra, dee mõolɛ Nawẽnnɛ yetɔga la sɩɩsɩ. Nẽr-bãma daan ka nã'asɛ dũŋa la, la a bõnɔ na tɩ ba mãalɛ la, la ba ka to'oge a dãalgɔ ba dĩa zuto bɩɩ ba nu'usi zuto. Ba vo'oge mɛ lagɩm na Krisi di na'am yʋʋma tʋsrɛ la pʋam.

Lilegere 6:15

Tɩ dũnia na'adõma, la nẽr-kegro, la sʋdaasɩ kɛ'ɛndõma, la bõntatba, la pãnsɩ dõma, la yamsɩ, la burkĩndõma wuu sʋgra tãnsɩ bogro pʋam, la tãmpĩisi lɛma.

Lilegere 7:3

«Nãn da sã'am-ya tẽŋa, bɩɩ ko-kãtɛ, bɩɩ tɩɩsɩ, basɛ-ya tɩ tɩ ẽŋɛ Nawẽnnɛ tõntõnɩba la dĩa dãalgɔ, dee tɩ ya sã'am.»