Lilegere 13:14 - Farefare Ninkaré

¹⁴ Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

ZE'ELEGO PAALEGA

¹⁴ Ti doohe la kirehi wa ti ba bo' sore ti a ze'ele yia bunsilemasio la na'arɛ tum bo' en la, ti a nyaŋɛ pã'ahɛ timpaberɛ wa zuo nɛreba za'a, yɛta ba yeti, ba maalɛ yia bunsilemasio la ti su'a pɔgelum en gee ti a sina gee vɔna la naanɛ,

Lilegere 13:14 ပူးပေါင်းရင်းမြစ်များ

2 Tesaloniki 2:4

A wʋn sise bõn-sɛba wuu tɩ nẽrba nã'asrɩ, dee yetɩ ba de la wẽnnɛ, a wʋn zẽkɛ a mẽŋa mɛ gãnna bõn-bãma wuu. Halɩ, a wʋn põn sẽŋɛ ka kẽ la Nawẽnnɛ deego la pʋam zĩ'ire yetɩ ẽŋa de la Nawẽnnɛ.

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 13:1

Bɛla poorʋm, mam yẽ la dũŋa n ze'ele ko-kãtɛ pʋam dooge. A tarɩ la ɩɩla pia, la zuto bayopɔɩ, tɩ mũnsi pia vuge a ɩɩla la wuu. La yʋ'ʋra n pɔ'ɔrɩ Nawẽnnɛ yʋ'ʋrɛ n gʋlsɛ a zuto la zuo.

Lilegere 13:15

Tɩ ba bɔ dũŋa bʋyi dãana la ke'eŋo tɩ a bɔ bõnɔ na tɩ ba mãalɛ tɩ a ãna wʋ pɔspɔsɩ dũŋa la vo'osʋm, tɩ a tãna tɔgra, dee kʋ sɛba wuu n ka nã'asrɩ ẽ na.

Lilegere 13:8

Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.

Lilegere 14:11

Nẽr-bãma nãmsgɔ bug-zũ'usi zonnɩ la saazuum wakatɛ wuu. Nẽr-sɛba wuu n nã'asrɩ dũŋa la, la a bõnɔ na tɩ ba mãalɛ la, dee to'oge a yʋ'ʋrɛ dãalgɔ la, kãn malɩn yẽ vo'osgo wʋntɛɛŋa la yʋ'ʋŋɔ.»

Lilegere 14:9

Tɩ malɛka bʋtã dãana dɔla malɛkadõma bayi la tɔgra ke'enke'em yetɩ: «Nẽra sãn nã'asɛ dũŋa la, la a bõnɔ na tɩ ba mãalɛ la, la a sãn to'oge a dãalgɔ la a dĩire zuo bɩɩ a nu'ugo zuo,

Lilegere 15:2

Tɩ mam yẽ sɛla n ãn wʋ ko-kãtɛ n yẽgrɩ wʋ bɩsga n gaam na bugum. La mam yẽ la nẽr-sɛba n zɛbɛ yãŋɛ dũŋa, la a bõnɔ tɩ ba mãalɛ, dee ka sakɛ to'oge a yʋ'ʋrɛ la kãllɛ dãalgɔ la, n ze ko-kãtɛ n yẽgrɩ wʋ bɩsga la nõorʋm. Ba zãlɩ la kõnnɔ tɩ Nawẽnnɛ bɔ ba.

Lilegere 16:13

Tɩ mam yẽ kʋlkã'arsɩ batã n ãn wʋ lonno n ze'ele pʋryõŋ-yãlma la nõorʋm, la dũŋa la nõorʋm, la põmpɔrŋɔ nõtɔ'ɔsa la nõorʋm yɛsra.

Lilegere 16:2

Tɩ pɔspɔsɩ malɛka sẽŋɛ ka ka'agɛ a laaga bõnɔ basɛ dũnia zuo. Tɩ nõrtãnkɛ'ɛ-tɔɔsɩ n dõnnɩ ĩyã yõgɛ nẽr-sɛba n tarɩ dũŋa la dãalgɔ, dee nã'asra a bõnɔ na tɩ ba mãalɛ la.

Lilegere 18:23

Fɩtla bugum peelem kãn le nẽegɛ mĩ. Ba kãn le wõm pɔgdire kõa mĩ. Tẽŋa la leebdõma daan de la dũnia nẽrzuto. La tẽŋa la tɩɩm tõoma pã'asɛ so'olʋm buuri wuu nẽrba mɛ.»

Lilegere 19:20

Tɩ ba yõkɛ dũŋa la, la põmpɔrŋɔ nõtɔ'ɔsa la n daan ẽŋɛ bõn-yãlma dũŋa la nifum pã'asɛ sɛba n to'oge dũŋa la dãalgɔ, dee nã'asɛ a bõnɔ tɩ ba mãalɛ la. Ba lobe dũŋa, la põmpɔrŋɔ nõtɔ'ɔsa la wuu la vɔɔsɩ basɛ bugum mõgrɛ n diti kidibre pʋam.

Lilegere 2:10

Da zoe-ya dabeem yãma n wʋn nãmsɛ la. Bɩsɛ-ya, Asũtãana wʋn makɛ ya bɩsɛ mɛ, botɩ ba kẽ'esɛ ya nẽrba basɛba yʋ'a deem, la ya wʋn yẽ nãmsgɔ mɛ dabsa pia. Bɔ-ya mam sɩra halɩ ka paagɛ ya kũm, tɩ mam wʋn bɔ ya bɔ'a n de vɔm.

Lilegere 20:10

Tɩ ba wʋn yõkɛ Asũtãana n pã'asrɩ dũnia nẽrba la lobe basɛ bugum mõgrɛ n diti kidibre pʋam, zẽ'e-sɛka tɩ ba daan põn lobe dũŋa, la põmpɔrŋɔ nõtɔ'ɔsa la. Bilam ba wʋn nãmsra la wʋntɛɛŋa la yʋ'ʋŋɔ wakatɛ n ka ba'asrɩ.

Lilegere 3:10

Yãma n sakɛ mam yetɔga la mõrgɛ sẽŋɛ nẽŋa na ĩyã, mam mẽ wʋn gu'ura ya sõŋa tɩ toogo sɛka n sẽm dũnia wuu zuo, tɩ a makɛ nẽr-sɛba wuu n boe dũnia zuo la, da paagɛ ya.