Lilegere 12:9 - Farefare Ninkaré

⁹ Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

ZE'ELEGO PAALEGA

⁹ Ti ba lobe bunsɛla kãtɛ wa bahɛ timpaberɛ wa zuo na. Se'em en de diimen diimen zugɔ la ti ba yi'ira Sagena la Sitaani, se'em en pa'aheri tiŋa wa zuo za'a nɛreba la. Ba lobe en bahɛ la timpaberɛ wa zuo na, lagum lobe a suŋereba la, la en bahɛ na.

Lilegere 12:9 ပူးပေါင်းရင်းမြစ်များ

Amatie 13:39

Tɩ bɛ la n bʋrɛ kanarsɩ la dɛna Asũtãana. Tɩ bõnkɔɔla lagsgɔ wakatɛ la dɛna dũnia ba'asgɔ. Tɩ sɛba n lagsrɩ bõnkɔɔla la dɛna Nawẽnnɛ malɛkadõma.

Amatie 24:24

Nẽrba wʋn wa'am wa parɩm tɩ bãma n de Krisi, la nẽrba wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõnna tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge.

Amatie 25:41

La a wʋn yele sɛba n boe a gɔbga bɔba la yetɩ: ‹Sẽŋɛ-ya fõrgɛ, Nawẽnnɛ kã'a-be'ego boe ya zuo. Sẽŋɛ-ya ka kẽ bugum n ka kĩŋri tɩ Nawẽnnɛ mãasʋm tɩ a kẽ'esɛ Asũtãana, la a malɛkadõma la pʋam.

Amatie 4:1

Nawẽnnɛ Sɩa la daan tarɩ Azezi sẽŋɛ la weem tɩ Asũtãana makɛ ẽ.

Amatie 4:10

Tɩ Azezi yele ẽ yetɩ: «Sẽŋɛ fõrgɛ, Asũtãana! La gʋlsɛ Nawẽnnɛ gõŋɔ pʋam yetɩ: ‹Nã'asra Zuudãana Nawẽnnɛ, dee sakra ẽŋa ayɩla mã'a.› »

Amatie 4:5

Tɩ Asũtãana tarɩ Azezi sẽŋɛ Zerizalɛm, ka zom Wẽnde-kãtɛ la zuo ze'ele,

Amatie 4:8

Tɩ Asũtãana le tarɩ Azezi zom tãŋa n ba wɔgɛ zuo, ka pa'alɛ ẽ dũnia so'olʋm wuu la a na'am pãŋa,

Aluki 10:18

Tɩ Azezi yele ba yetɩ: «Mam yẽ la Asũtãana n ze'ele saazuum lui tẽŋa wʋ saaga n yãkɛ la.

Aluki 13:16

Tɩ pɔg-ẽna wã n de Abraham yɩɩŋa tɩ Asũtãana lʋ ẽ yʋʋma pia la anii wã, la ka narɩ tɩ mam lorge ẽ vo'osgo daarɛ?»

Aluki 22:3

Tɩ Asũtãana kẽ Azudaasɩ tɩ ba wi'iri Iskariyo n de Azezi karẽnbiisi pia la ayi la nẽra ayɩla sũurum.

Aluki 22:31

La Azezi yele Asimõ-pɩyɛɛrɩ yetɩ: «Asimõ, Asimõ, bãŋɛ tɩ Asũtãana sose la sore tɩ a makɛ ya bɩsɛ, wʋ nẽra n yeele si yɛsra urgo la.

Aluki 8:12

Sore la zuo tɩ bõnbuuri sɛba lui la, ãn wʋ nẽr-sɛba n wõm yetɔga la, tɩ Asũtãana wa'am wa yese yetɔga la ba sũure pʋam, botɩ ba kãn sakɛ yẽ fãarɛ.

Azã 12:31

Lɛɛlɛ wã de la dũnia wã sarɩyadia wakatɛ. Lɛɛlɛ wã ba wʋn dige dũnia wã naba basɛ yẽŋa.

Azã 14:30

Mam kãn le tɔgɛ la ya lɛ zo'oge, se'ere n soe la, dũnia naba sẽm mɛ. La a ka tarɩ pãŋa la mam.

Azã 16:11

A wʋn botɩ ba bãŋɛ sarɩyadia yelle, se'ere n soe la, Nawẽnnɛ di dũnia wã naba sarɩya mɛ, tɩ a koŋe bʋʋrɔ.

Azã 8:44

Ya sɔ de la Asũtãana, la ya boorɩ tɩ ya ẽŋɛ la ya sɔ la n boorɩ se'em na. A de la nẽr-kʋʋra halɩ pĩ'iluŋo. A ka boe sɩra pʋam, sɩra n ka boe a pʋam na ĩyã. A sãn parna, ẽn ãn se'em n bɛla, se'ere n soe la, a de la põmpɔrma, la põmpɔrŋɔ wuu sɔ.

Tõoma 5:3

Tɩ Apɩyɛɛrɩ soke ẽ yetɩ: «Ananiyasɩ, bẽm tɩ Asũtãana kẽ fʋ sũurum, tɩ fʋ parɩm bɔ Nawẽnnɛ Sɩa, looge fʋ va'am na tɩ fʋ koose la ligri basɛba sʋgɛ?

Aromduma 16:18

Se'ere n soe la, nẽr-bãma buuri ka tõnnɩ bɔ'ɔra tɩ Zuudãana Azezi-krisi, ba tõnnɩ na ba mẽŋa sõŋrɛ ĩyã. Ba tɔgrɩ la nõ-yẽlʋm yetɔga, la yetɔg-yẽlsɩ pã'asra nẽr-sɛba yɛm n ka zo'oge la.

Aromduma 16:20

Nawẽnnɛ n de sũ-mã'asʋm dãana la kãn yuuge dee sã'am Asũtãana pãŋa botɩ a bɔna ya nãma tẽŋa. Tɩ Zuudãana Azezi-krisi yel-sõnnɛ wʋn bɔna la ya lɛ.

2 Korẽntɩ 11:14

La ẽna wã dagɩ bõn-di'iŋa. Se'ere n soe la, Asũtãana mẽŋa teerɩ mɛ ãna wʋ peelem malɛka.

2 Korẽntɩ 11:3

La mam zotɩ la dabeem tɩ nẽr-sɛka wʋn pã'asɛ ya, tɩ ya wẽrgɛ ka le dɔla Krisi la sũure ayɩla, la pʋpeelem, wʋ Awa tɩ bõnsɛla la yʋʋn dɩkɛ yɛmkẽgsɩga pã'asɛ ẽ tɩ a tuuge la.

2 Korẽntɩ 12:7

La, lan wʋn ẽŋɛ se'em tɩ mam da tã'agɛ zẽkɛ m mẽŋa la bõn-yãlma tɩ Nawẽnnɛ puke pa'alɛ mam na, a basɛ tɩ Asũtãana ẽŋɛ sɛla n ãn wʋ gõ'a mam ĩyã pʋam nãmsra mam tɩ mam ka tãna wʋn zẽkɛ m mẽŋa.

2 Korẽntɩ 2:11

tɩ la da botɩ Asũtãana yãŋɛ tɔ. Se'ere n soe la, tõma mi ẽn boorɩ tɩ a ẽŋɛ se'em mɛ.

2 Korẽntɩ 4:4

La de la sɛba n ka bɔ Nawẽnnɛ sɩra la. Asũtãana n de dũnia wã naba la n pĩ ba yɛm tɩ ba da bãŋɛ Krisi n de Nawẽnnɛ wõnnɛ na kõ-yẽlga na'am pãŋa.

Efɛɛzɩ 4:14

Bɛla tɩ kãn le ãna wʋ kɔma tɩ nẽrba zãsnɩ zãsŋɔ buuri to'oto'ore pã'asra ba, ɩta yɛm tɩ ba botɩ ba tuuge, wʋ kʋsebgo, la ko-mĩ'isi n wẽ'erɩ õorŋɔ tɩ a yɛgna se'em na.

2 Tesaloniki 2:3

Da basɛ-ya tɩ nẽra pã'asɛ ya, baa lan de se'em wuu. Lan dẽŋɛ daar-ẽŋa n wʋn wa'am, dẽnɩ tɩ nẽrba zozo'e isge tulge zɛbra la Nawẽnnɛ, tɩ nẽr-sɛka n de tõon-be'ero dãana la wʋn wa'am wa puke a mẽŋa, ẽŋa n de nẽr-sɛka n wʋn sã'am.

1 Timoti 2:14

La, la dagɩ Adam tɩ Asũtãana daan pã'asɛ, a daan pã'asɛ la Awa yãŋɛ, tɩ a sɩ'ɩsɛ Nawẽnnɛ nõorɛ.

2 Timoti 3:13

La tõon-be'ero dõma, la sɛba n pã'asrɩ nẽrba wʋn ken kẽ'era la tõon-be'ero pʋam pa'asra wɛ'ɛsa, ba pã'asrɩ la nẽrba, dee pã'asra ba mẽŋa.

Hiburuduma 2:14

Kɔma la tɩ a tɔgrɩ la n de nẽrsaalba tara ĩyã la zɩɩm na, bɛla tɩ Azezi mẽ lebge nẽrsaala wʋ bãma la ki, tɩ a kũm na sã'am Asũtãana n de sɛka n basɛ tɩ nẽrba kiira la pãŋa.

1 Pita 5:8

Dɛna-ya nẽrba n yõkrɩ ya mẽŋa, dee guusra ya mẽŋa sõŋa, tɩ ya bɛ Asũtãana eerɩ ya mɛ, wʋ gɩgnɛ n kaarɩ ɛɛra sɛla tɩ a yõkɛ obe.

1 Zã 5:19

Tõma mi tɩ tõma de la Nawẽnnɛ nẽrba. La dũnia dõma wuu boe la be'em dãana Asũtãana nu'usum.

Azudi 1:9

La baa malɛkadõma kɛ'ɛma Amisɛlɩ n yʋʋn tɔgrɩ la Asũtãana wẽ'era nõke'ene Amoyisi kũm ĩyã la, a ka saagɛ tɔgɛ zɛrgɛ ẽ tʋ ẽ, a yʋʋn yetɩ: «Zuudãana la wʋn sɩbgɛ fɔ.»

Lilegere 12:12

Bɛla, Nawẽnnɛ yire, la yãma sɛba wuu n boe mĩ na, ẽŋɛ-ya sũ-yẽlga. La toogo n wʋn yẽ tẽŋa, la ko-kãtɛ, se'ere n soe la, Asũtãana sige ya zẽ'am la sũ-yĩire, ẽn mi tɩ a wakatɛ deege la fẽe la ĩyã.»

Lilegere 12:3

Tɩ bõn-bãnnɛ ayẽma puke saazuum: A de la pʋryõŋ-yãlma n ãn kãtɛ dɛna mõlga, a tarɩ la zuto bayopɔɩ, la ɩɩla pia, tɩ mũnsi vuge a zuto la wuu.

Lilegere 12:7

Tɩ zɛbrɛ isge Nawẽnnɛ yire. Tɩ malɛkadõma kɛ'ɛma Amisɛlɩ, la a malɛkadõma zɛbra la pʋryõŋ-yãlma la, tɩ pʋryõŋ-yãlma la, la a malɛgsɩ mẽ zɛbra la ba.

Lilegere 12:8

La ba koŋe pãŋa mɛ, tɩ sore ka le bɔna tɩ ba bɔna Nawẽnnɛ yire.

Lilegere 13:14

Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

Lilegere 16:14

Ba de la Asũtãana kʋlkã'arsɩ n ɩtɩ bõn-yãlma. Ba we'esɩ la dũnia na'adõma wuu zẽ'am tɩ ba lagsɛ ba, tɩ ba zɛbɛ la Nawẽnnɛ n de ke'eŋo wuu dãana, a dabs-kãtɛ la daarɛ.

Lilegere 18:2

A tɔgɛ la ke'enke'em yetɩ: «A lui mɛ, a lui mɛ! Babilɔnɩ n de tẽn-kãtɛ la lui mɛ. A lebge la kʋlkã'arsɩ kẽ'a zẽ'a, a de la kʋlkã'ar-bɛ'ɛsɩ, la bõn-ẽgla n de bõn-dẽgrɔ tɩ nẽrba sisri sʋka zẽ'a.

Lilegere 18:23

Fɩtla bugum peelem kãn le nẽegɛ mĩ. Ba kãn le wõm pɔgdire kõa mĩ. Tẽŋa la leebdõma daan de la dũnia nẽrzuto. La tẽŋa la tɩɩm tõoma pã'asɛ so'olʋm buuri wuu nẽrba mɛ.»

Lilegere 19:20

Tɩ ba yõkɛ dũŋa la, la põmpɔrŋɔ nõtɔ'ɔsa la n daan ẽŋɛ bõn-yãlma dũŋa la nifum pã'asɛ sɛba n to'oge dũŋa la dãalgɔ, dee nã'asɛ a bõnɔ tɩ ba mãalɛ la. Ba lobe dũŋa, la põmpɔrŋɔ nõtɔ'ɔsa la wuu la vɔɔsɩ basɛ bugum mõgrɛ n diti kidibre pʋam.

Lilegere 2:13

‹Mam mi zẽ'e-sɛka tɩ yãma boe la mɛ, zẽ'e-ẽŋa tɩ Asũtãana na'am bĩmbĩnne boe. La ya dɩkɛ ya mẽŋa lablɛ la mam mɛ, ze'ele kãŋkãŋɛ bɔ mam sɩra ka basɛ, baa la wakatɛ sɛka tɩ ba daan kʋ A'ãntipasɩ n de sɩra dãana n tɔgɛ mam yelle ya zẽ'am, zẽ'e-sɛka tɩ Asũtãana boe la.

Lilegere 2:24

La yãma Tiyatiiri nẽr-sɛba n ka sakrɩ zãsŋɔ bãma, dee ka mina sɛla tɩ ba wi'iri tɩ Asũtãana yɛla n sʋgɛ la, mam ka tarɩ sɛla wʋn yele ya pa'asɛ.

Lilegere 2:9

‹Mam mi ya nãmsgɔ la ya nõŋɔ la yelle mɛ, la baa bɛla, ya de la bõntatba. Mam mi be'em yetɔg-sɛba tɩ nẽr-sɛba n yetɩ bãma de la Zifdõma dee ka dɛna la tɔgɛ ya. Ba de la Asũtãana nẽrba.

Lilegere 20:10

Tɩ ba wʋn yõkɛ Asũtãana n pã'asrɩ dũnia nẽrba la lobe basɛ bugum mõgrɛ n diti kidibre pʋam, zẽ'e-sɛka tɩ ba daan põn lobe dũŋa, la põmpɔrŋɔ nõtɔ'ɔsa la. Bilam ba wʋn nãmsra la wʋntɛɛŋa la yʋ'ʋŋɔ wakatɛ n ka ba'asrɩ.

Lilegere 20:8

Tɩ a yese pã'asɛ dũnia so'olʋm buuri wuu nẽrba, Gɔɔgɩ la Magɔɔgɩ. A wʋn lagsɛ ba mɛ tɩ ba zɛbɛ zɛbrɛ. Ba wʋn lagsɛ zo'oge wʋ tẽntõnbĩ'isgo n boe ko-kãtɛ nõorʋm se'em na.

Lilegere 3:9

Mam n wʋn ẽŋɛ nẽr-sɛba n dolɩ Asũtãana la se'em n wãna: Nẽr-bãma yetɩ bãma de la Zifdõma, la dagɩ bɛla, ba de la põmpɔrndõma. Mam wʋn basɛ mɛ tɩ ba wa'am wa ka dũma ya nẽŋam, la ba wʋn bãŋɛ tɩ mam nõŋɛ ya.

Lilegere 9:1

Tɩ malɛka bʋnuu dãana peebe benkonne. Tɩ mam yẽ wõrbiire n ze'ele saazuum lui dũnia zuo. Tɩ ba bɔ ẽ bog-ko'ogo saafɩbiire.

Lilegere 9:20

La nẽr-sɛba n weege tɩ tooro bãma ka kʋ ba la, ka teege yɛm basɛ ban ɩtɩ sɛla tɩ ba mẽŋa boorɩ la. Ba ken dɔla la kʋlkã'arsɩ, la baga tɩ ba dɩkɛ sãlma, la zũuro, la yõgõm, la kuga, la dɔɔrɔ mãalɛ, tɩ ba ka yẽta, ka wõnna, ka tãna sẽnna.