Lilegere 12:17 - Farefare Ninkaré

¹⁷ Tɩ pʋryõŋ-yãlma la sũure yĩige la pɔka la, tɩ a sẽŋɛ ka zɛbra la pɔka la yɩɩsɩ sɛba n weege ken sakra Nawẽnnɛ nõorɛ, dee tɔgra Azezi yelle bɔ'ɔra nẽrba la.

ZE'ELEGO PAALEGA

¹⁷ Ti bunsɛla la suure nyiie la pɔka la, ti a lebe, ta kɔ' zaberɛ la pɔka la kɔma basɛba la, sɛba en dole Yinɛ nuurɛ, gee tari Yezu yɛla la.

Lilegere 12:17 ပူးပေါင်းရင်းမြစ်များ

Amatie 28:20

La ya zãsʋm ba tɩ ba sakɛ bõn-sɛba wuu tɩ mam bɔ ya nõorɛ tɩ ya ɩta la. La bãŋɛ-ya tɩ mam boe la ya mɛ wakatɛ wuu, halɩ tɩ la ka paagɛ dũnia ba'asgɔ.»

Azã 8:44

Ya sɔ de la Asũtãana, la ya boorɩ tɩ ya ẽŋɛ la ya sɔ la n boorɩ se'em na. A de la nẽr-kʋʋra halɩ pĩ'iluŋo. A ka boe sɩra pʋam, sɩra n ka boe a pʋam na ĩyã. A sãn parna, ẽn ãn se'em n bɛla, se'ere n soe la, a de la põmpɔrma, la põmpɔrŋɔ wuu sɔ.

1 Korẽntɩ 2:1

M sɔbiisi, mam n daan wa'am ya zẽ'am wa mõolɛ Nawẽnnɛ kõ-yẽlga n sʋgɛ bɔ ya la, la dagɩ la yetɔg-mi'ilum, bɩɩ nẽrsaalba yɛm tɩ mam mõolɛ bɔ ya.

1 Pita 5:8

Dɛna-ya nẽrba n yõkrɩ ya mẽŋa, dee guusra ya mẽŋa sõŋa, tɩ ya bɛ Asũtãana eerɩ ya mɛ, wʋ gɩgnɛ n kaarɩ ɛɛra sɛla tɩ a yõkɛ obe.

1 Zã 2:3

Tɩ sãn sakra Nawẽnnɛ nõorɛ, bɛla n pa'alɩ tɩ tɩ sɩrɩ mi ẽ.

1 Zã 5:10

Bɛla, nẽr-sɛka n bɔ Nawẽnnɛ Dayʋa la sɩra, tarɩ kaseto ẽŋa mɛ a sũure pʋam. La nẽr-sɛka n ka bɔ Nawẽnnɛ sɩra, basɛ tɩ a ãna wʋ põmpɔrma la, ẽŋa n ka sakɛ Nawẽnnɛ n bɔ a Dayʋa la kaseto la ĩyã.

1 Zã 5:2

Sɛla n basɛ tɩ tõma mina tɩ tõma nõŋɛ Nawẽnnɛ kɔma n wãna: La de la tõma n nõŋɛ Nawẽnnɛ, dee sakra a nõorɛ wuu la.

Lilegere 1:2

Azã n gʋlsɛ sɛla wuu tɩ a yẽ la pa'alɛ tɩ la de la Nawẽnnɛ yetɔga tɩ Azezi-krisi puke pa'alɛ ẽŋa.

Lilegere 1:9

Mam de la Azã n de ya sɔbia n po nãmsra, lagɩm na yãma po tara pʋrɛ Nawẽnnɛ so'olʋm na pʋam, ken po lagɩm na yãma mõrgra sẽnna nẽŋa Azezi doosgo la pʋam. Mam daan tɔgɛ la Nawẽnnɛ yetɔga, la Azezi-krisi yelle, tɩ ba tarɩ mam sẽŋɛ tẽŋa tɩ ko'om gilge yʋ'ʋrɛ n de Patmõsɩ.

Lilegere 11:7

Ba sãn wa tɔgɛ yetɔga la ba'asɛ, dũŋa n wʋn ze'ele bog-ko'ogo la pʋam yese zɛbɛ la ba, yãŋɛ kʋ ba.

Lilegere 12:16

La tẽŋa sõŋɛ pɔka la mɛ, ya'agɛ nõorɛ fõogɛ ko'om na n ze'ele pʋryõŋ-yãlma la nõorʋm na.

Lilegere 13:7

Tɩ ba bɔ ẽ nõorɛ tɩ a zɛbɛ la Nawẽnnɛ nẽrba yãŋɛ ba. Ba bɔ ẽ ke'eŋo tɩ a yãŋɛ la buuri wuu nẽrba, la tẽnsɩ wuu nẽrba, la yetɔga buuri wuu nẽrba, la so'olʋm wuu nẽrba.

Lilegere 14:12

Bɛla, dẽnɩ tɩ Nawẽnnɛ nẽrba n sakra a nõorɛ dee bɔ Azezi sɩra la, tara sũ-ke'eŋo.

Lilegere 17:14

Ba wʋn zɛbɛ la Pebila la mɛ, la Pebila la wʋn zɛbɛ yãŋɛ ba mɛ, ẽŋa n de zuudãandõma Zuudãana, la na'adõma Naba la ĩyã. Pebila la, la nẽr-sɛba tɩ a wi, looge ba tɩ ba dɛna sɩra dõma la, n wʋn zɛbɛ yãŋɛ ba.»

Lilegere 17:6

La mam yẽ tɩ pɔg-ẽŋa yũ la Nawẽnnɛ nẽrba zɩɩm buge, nẽr-sɛba n bɔ Azezi sɩra tɩ ba kʋ ba la zɩɩm. Mam n yẽ ẽ na, la di'ige mam mɛ zozo'e.

Lilegere 18:20

«Sɛba n boe Nawẽnnɛ yire, ẽŋɛ-ya sũ-yẽlga sɛla n paagɛ ẽ na ĩyã. Yãma n welge to'ore dɛna Nawẽnnɛ nẽrba, a Tõntõnɩba, la a nõtɔ'ɔsrɩba, ẽŋɛ-ya sũ-yẽlga. Se'ere n soe la, Nawẽnnɛ di tẽŋa la sarɩya sã'am ẽ mɛ, be'em sɛka tɩ a ẽŋɛ ya la ĩyã.»

Lilegere 19:10

Tɩ mam ka dũma tẽŋa a nẽŋam tɩ m nã'asɛ ẽ, tɩ a yele mam yetɩ: «Da ẽŋɛ bɛla! Mam mẽ de la Nawẽnnɛ tõntõnna wʋ fõn, la fʋ sɔbiisi la n sakɛ sɩra tɩ Azezi pa'alɛ la. La de la Nawẽnnɛ n de fʋ nã'asɛ.» Sɩra la tɩ Azezi puke pa'alɛ la n bɛla tɩ Nawẽnnɛ Sɩa botɩ a nõtɔ'ɔsrɩba tɔ'ɔsra tɔgra.

Lilegere 19:19

Tɩ mam yẽ dũŋa la, la dũnia na'adõma, la ba zɛbzɛbrɩba n lagsɛ taaba tɩ ba zɛbɛ la sɛka n bã wemõa, la a zɛbzɛbrɩba la.

Lilegere 20:4

Tɩ mam yẽ na'am bĩmbĩna, tɩ ba bɔ nẽr-sɛba n zĩ ba zuto la ke'eŋo tɩ ba di sarɩya. Tɩ mam yẽ nẽr-sɛba tɩ ba daan wige ba zuto, ban bɔ Azezi sɩra, dee mõolɛ Nawẽnnɛ yetɔga la sɩɩsɩ. Nẽr-bãma daan ka nã'asɛ dũŋa la, la a bõnɔ na tɩ ba mãalɛ la, la ba ka to'oge a dãalgɔ ba dĩa zuto bɩɩ ba nu'usi zuto. Ba vo'oge mɛ lagɩm na Krisi di na'am yʋʋma tʋsrɛ la pʋam.

Lilegere 22:14

Sɛba n peege ba futo tarɩ zu-yẽlga. Bãma n wʋn tara nõorɛ tɩ ba di vɔm tɩa la biɛ, la bãma n wʋn doose tẽŋa la nõa kẽ tẽŋa la pʋam.

Lilegere 6:9

Tɩ Pebila la lakɛ bõnɔ bʋnuu dãana n tabɛ la, tɩ mam yẽ nẽr-sɛba tɩ ba daan kʋ ba, ban mõolɛ Nawẽnnɛ yetɔga la, dee vɔa wʋ yetɔga la n yele se'em na ĩyã, sɩɩsɩ n boe kãabgɔ bĩmbĩnne na tilum.