Lilegere 12:1 - Farefare Ninkaré

¹ Bõn-bãn-kãtɛ n puke saazuum. Pɔka n dɩkɛ wẽntulle pile wʋ fuugo la, tɩ wõrga bɔna a nãma tẽŋa, dee tɩ a vuge mũŋa n tarɩ wõrbiɛ pia la ayi.

ZE'ELEGO PAALEGA

¹ Ti daalehum kãtɛ niiɛ saazuo ha, ti pɔka yɛ wuntɛɛŋa wa wuu futo la, ti ŋmarega bɔna ka nama tiŋa, ti ka vuga muŋa en de ŋmarebibehi pia la siyi.

Lilegere 12:1 ပူးပေါင်းရင်းမြစ်များ

Amatie 12:38

Azezi n tɔgɛ bɛla la, tɩ lɔɔ karẽnsãandõma, la Farisi dõma yele ẽ yetɩ: «Karẽnsãama, tõma boorɩ tɩ fʋ ẽŋɛ la bõn-yãlma n pa'alɛ tɩ fõn ze'ele la Nawẽnnɛ zẽ'am tɩ tɩ yẽ.»

Amatie 24:30

La sɛla n pa'alɩ Nẽrsaala Dayʋa la lemŋo la wʋn puke saazuum. Tɩ dũnia nẽrba buuri wuu wʋn kaasra fabla. La ba wʋn yẽ Nẽrsaala Dayʋa la n boe sawara pʋam sẽna la pãŋa, tɩ a na'am pãŋa peelem nẽegɛ zozo'e.

Amarkɩ 13:25

La wõrbiɛ wʋn ze'ele saazuum lui. La bõn-sɛba n boe saazuum wʋn mĩim mɛ.

Aluki 21:11

la tẽŋa wʋn tĩi mĩim mɛ, la kɔm, la bã'a-loŋrɩsɩ n wʋn wa'am zẽ'esɩ zozo'e, la yel-kãra n kẽ'esrɩ nẽrba dabeem, la bõn-yãlma n wʋn ẽŋɛ saazuum.

Aluki 21:25

«Bõn-yãlma n wʋn ẽŋɛ wẽntulle, la wõrga, la wõrbiɛ pʋam. La dũnia nẽrba buuri wuu wʋn fabla mɛ zɛ yɛrɩ, ko-kãtɛ ko-mĩ'isi n wʋn tĩi wẽ'era ɩta voole la ĩyã.

Azã 3:29

La ãn wʋ nẽra n di pɔga: Pɔgdita la n soe pɔka la, la pɔgdita la sɩrɛ n ze dee sɛlsra a yetɔga la, a tarɩ sũ-yẽlga mɛ zozo'e. Bɛla mam tarɩ sũ-yẽlga mɛ zozo'e.

Tõoma 2:19

Mam wʋn botɩ bõn-yãlma ẽŋɛ saazuum, dee botɩ yel-kɩrsɩ n pa'alɩ mam pãŋa ẽŋɛ tẽŋa zuo: Zɩɩm, la bugum, la bug-zũ'usi zozo'e n wʋn bɔna.

Aromduma 13:14

Ɩta-ya tɩ Zuudãana Azezi-krisi n ẽŋɛ se'em na, da basɛ-ya tɩ nẽrsaala n boorɩ se'em yelle pakɛ ya, tɩ ya bɔɔra tɩ ya ɩta yãma mẽŋa yɛmleego n boorɩ se'em.

Aromduma 3:22

La de la nẽra n bɔ Azezi-krisi sɩra ĩyã, tɩ Nawẽnnɛ botɩ a masɛ a zẽ'am. A ɩtɩ bɛla bɔ'ɔra la nẽr-sɛba wuu n bɔ Azezi-krisi sɩra la, bɔkrɛ ka boe.

2 Korẽntɩ 11:2

Mam ɩtɩ la sũure yãma ĩyã, la sũure ẽŋa ze'ele la Nawẽnnɛ zẽ'am. Se'ere n soe la, mam yetɩ m dɩkɛ ya bɔ la Krisi mã'a, mam boorɩ tɩ ya tara la ya mẽŋa sõŋa tɩ m dɩkɛ ya bɔ ẽ wʋ pugla n nãn ka mi bʋraaga tɩ ba dɩkɛ bɔ sɩra.

Galatɩ 3:27

Yãma wuu tɩ ba mise ya ko'om pʋam na, ya lagɩm na Krisi dɛna ayɩla, ãna wʋ ẽŋa n ãn se'em na.

Galatɩ 4:26

La Zerizalɛm sɛka n boe saazuum na ka boe yamnɛ pʋam, tõma de la tẽn-ẽŋa nẽrba, wʋ Asaara kɔma n dagɩ yamsɩ la.

Galatɩ 6:14

La sãn dɛna mam, mam ka wẽ'erɩ m yõ'ogɔ la sɛla yelle, sãn dagna tɩ Zuudãana Azezi-krisi n ki dɔ-puurŋa zuo la mã'a yelle. Krisi kũm na ĩyã dũnia yɛla wuu ãn wʋ ba ki mɛ ka le sɔna mam, tɩ mam mẽ ãna wʋ mam ki mɛ, ka le bɔna dũnia yɛla pʋam.

Efɛɛzɩ 5:32

Ẽna de la yel-kãtɛ n sʋgɛ yetɔg-bãna pʋam, mam n tɔgrɩ la de la Krisi, la a nẽrba la yelle.

Lilegere 1:20

Wõrbiɛ bayopɔɩ tɩ fʋ yẽ mam zʋʋgɔ nu'ugo pʋam, la sãlma fɩtladõma bayopɔɩ la võorɛ n wãna: Wõrbiɛ bayopɔɩ la de la tẽnsɩ bayopɔɩ la Wẽndeto la nẽrba gu'urba, la fɩtladõma bayopɔɩ la de la tẽnsɩ bayopɔɩ la Wẽndeto nẽrba.»

Lilegere 11:19

Tɩ Wẽnde-kãtɛ n boe Nawẽnnɛ yire la yo'oge, tɩ nõor-bĩŋre daka la yẽta. Tɩ saaga yãgra, sũnna, tãsra, tɩ tẽŋa mĩim, tɩ sakuga zozo'e lui.

Lilegere 12:3

Tɩ bõn-bãnnɛ ayẽma puke saazuum: A de la pʋryõŋ-yãlma n ãn kãtɛ dɛna mõlga, a tarɩ la zuto bayopɔɩ, la ɩɩla pia, tɩ mũnsi vuge a zuto la wuu.

Lilegere 15:1

Tɩ mam le yẽ bõn-bãnnɛ ayẽma saazuum n de yel-kãtɛ n ẽgrɩ palẽŋa. La de la malɛkadõma bayopɔɩ n zãlɩ tooro bayopɔɩ n de ba'asgɔ tooro. Se'ere n soe la, bãma n wʋn ẽŋɛ tɩ Nawẽnnɛ sũ-yĩire la ba'asɛ.

Lilegere 21:14

Tẽŋa la lalga ẽebɛ la kuga pia la ayi zuto. Tɩ Azezi n de Pebila la Tõntõnɩba pia la ayi la yʋ'ʋra gʋlsɛ kug-bãma zuto.

Lilegere 21:23

Tẽŋa la ka boorɩ wẽntulle, bɩɩ wõrga tɩ ba nẽegɛ ẽ, se'ere n soe la, Nawẽnnɛ na'am pãŋa peelem n nẽerɩ ẽ, tɩ Pebila la dɛna a fɩtla.