Lilegere 11:17 - Farefare Ninkaré

¹⁷ «Zuudãana Nawẽnnɛ n de ke'eŋo wuu dãana, n daan boe, n ken bɔna la, tõma pʋ'ʋsrɩ la fõn fʋ yel-sõnnɛ, fõn dɩkɛ fʋ ke'eŋo n zo'oge vigle fʋ na'am na ĩyã.

ZE'ELEGO PAALEGA

¹⁷ yuuna yeti, “Tu bo' fum fara fara, Gani za'a Yinɛ wa, Se'em en de, gee daa pun dɛna, Se'ere en sɔi la, fum dikɛ la fum pankãtɛ la, pɔhɛ bihera tiŋa wa

Lilegere 11:17 ပူးပေါင်းရင်းမြစ်များ

Amatie 11:25

Wakat-ẽŋa Azezi tɔgɛ mɛ yetɩ: «Mam Sɔ Nawẽnnɛ n de saazuum la tẽŋa wã Zuudãana, mam pẽgrɩ fɔ, se'ere n soe la, fõn sʋgɛ bõn-bãna wã mɛ tɩ yɛm dõma la bãŋrɩba ka mina, dee pa'alɛ nẽr-sɛba n ãn wʋ kɔm-pɩgsɩ la.

Aluki 10:21

Wakat-ẽŋa tɩ Nawẽnnɛ Sɩa botɩ Azezi sũure ẽŋɛ yẽlʋm, tɩ a yetɩ: «Mam Sɔ Nawẽnnɛ n de saazuum la tẽŋa wã Zuudãana, mam pẽgrɩ fɔ, se'ere n soe la, fõn sʋgɛ bõn-bãna wã mɛ tɩ yɛm dõma la bãŋrɩba ka mina, dee pa'alɛ nẽr-sɛba n ãn wʋ kɔm-pɩgsɩ la. Ẽe, mam Sɔ, la de la fõn boorɩ bɛla la ĩyã.»

Azã 11:41

Tɩ ba lakɛ kugre la. Tɩ Azezi gorge saazuum yetɩ: «M Sɔ, mam pʋ'ʋsrɩ fɔ, fõn selse mam pʋ'ʋsgɔ la.

2 Korẽntɩ 2:14

Mam pʋ'ʋsrɩ Nawẽnnɛ n botɩ tõma dɔla Krisi poore daarɛ woo a tã'arɛ la pʋam, dee botɩ tõma ĩyã nẽrba bãŋra Krisi zẽ'a woo, wʋ yũuŋ-yẽlga n taagɛ zẽ'a wuu la.

2 Korẽntɩ 9:15

Tɩ pʋ'ʋsɛ-ya Nawẽnnɛ a yel-sõnnɛ, a bɔ'a n ka tarɩ makrɛ la ĩyã.

1 Timoti 1:12

Mam pʋ'ʋsrɩ tɩ Zuudãana Azezi-krisi n bɔ mam pãŋa, la ẽn bãŋɛ tɩ mam de sɩra dãana looge mam tɩ m tõm a tõonɛ wã.

Lilegere 1:4

Mam Azã n gʋlsɛ gõŋɔ wã bɔ'ɔra tẽnsɩ bayopɔɩ n boe Azi so'olʋm pʋam na Wẽndeto nẽrba. Zuudãana Nawẽnnɛ n daan boe, n ken bɔna, dee wʋn bɔna wakatɛ wuu la, la sɩɩsɩ bayopɔɩ n boe a na'am bĩmbĩnne nẽŋam, la Azezi-krisi n tɔgrɩ Nawẽnnɛ yelle sɩra, ẽŋa n ki dee dɛna pɔspɔsɩ dãana n vo'oge, dɛna dũnia na'adõma naba la, wʋn ẽŋɛ ya yel-sõnnɛ, dee bɔ ya sũ-mã'asʋm. Azezi-krisi nõŋɛ tõma mɛ, ki tɩ a zɩɩm fãagɛ tõma tõon-be'ero pʋam,

Lilegere 1:8

Zuudãana Nawẽnnɛ n de ke'eŋo wuu dãana la yetɩ: «Mam de la pĩ'iluŋo la ba'asgɔ, mam n daan boe, n ken bɔna, dee wʋn bɔna wakatɛ wuu.»

Lilegere 11:15

Tɩ malɛka bʋyopɔɩ dãana peebe benkonne, tɩ kõosɩ ze'ele Nawẽnnɛ yire tɔgɛ ke'enke'em yetɩ: «Dũnia so'olʋm lebge la tõma Zuudãana, la Krisi tɩ a tõm na n soe, la a na'am na boe la wakatɛ n ka ba'asrɩ.»

Lilegere 15:3

Ba yõonɩ na Nawẽnnɛ tõntõnna Amoyisi yõonɛ, la Pebila la yõonɛ yetɩ: «Zuudãana Nawẽnnɛ n de ke'eŋo wuu dãana, fõn tõoma de la tõon-kãra, la tõon-yãlma. So'olʋm buuri wuu Naba, fõn yɛla la masɛ mɛ, la ba de la sɩra.

Lilegere 16:14

Ba de la Asũtãana kʋlkã'arsɩ n ɩtɩ bõn-yãlma. Ba we'esɩ la dũnia na'adõma wuu zẽ'am tɩ ba lagsɛ ba, tɩ ba zɛbɛ la Nawẽnnɛ n de ke'eŋo wuu dãana, a dabs-kãtɛ la daarɛ.

Lilegere 16:5

Tɩ mam wõm malɛka n bɩsrɩ ko'om yelle la n yele Nawẽnnɛ yetɩ: «Fõn de la pʋpeelem dãana, fõn daan boe mɛ, dee ken bɔna. Fõn di sarɩya se'em na masɛ mɛ.

Lilegere 16:7

Tɩ mam wõm kõa n ze'ele kãabgɔ bĩmbĩnne na zẽ'am yetɩ: «Asɩra, Zuudãana Nawẽnnɛ n de ke'eŋo wuu dãana, fõn sarɩyadia la masɛ mɛ, dɛna sɩra.»

Lilegere 18:8

Bɛla ĩyã tooro wʋn wa'am a zuo la daarɛ ayɩla pʋam: La de la bã'asɩ n kʋʋrɩ, la sũ-sã'aŋɔ, la kɔm, la bugum n wʋn di ẽ, se'ere n soe la, Zuudãana Nawẽnnɛ n di a sarɩya la de la ke'eŋo dãana.»

Lilegere 19:11

La mam yẽ la Nawẽnnɛ yire n yo'oge, tɩ wemõ-pɛɛlga bɔna mĩ, tɩ sɛka n bã ẽ na yʋ'ʋrɛ dɛna Atẽntẽa, la Sɩra Dãana. A diti la sarɩya tɩ la masɛ, dee zɛbra zɛbrɛ tɩ la masɛ.

Lilegere 19:6

Tɩ mam le wõm kõa n ãn wʋ nẽr-kʋʋŋɔ zozo'e n tɔgrɩ, dee ãna wʋ ko-kãtɛ dãmnɛ, dee ãna wʋ saaga n tãsrɩ ke'enke'em yetɩ: «Aleluya! Nã'asɛ-ya Nawẽnnɛ. Zuudãana Nawẽnnɛ n de ke'eŋo dãana la n soe na'am.