Hiburuduma 8:3 - Farefare Ninkaré

³ Ba loorɩ kãabgɔ kẽma nẽŋadãana woo tɩ a bɔ'ɔra la Nawẽnnɛ bɔ'a, la a kãabra bɔ'ɔra ẽ. Bɛla tɩ la mẽ masɛ tɩ ẽŋa tara sɛla bɔ Nawẽnnɛ.

ZE'ELEGO PAALEGA

³ Ba loore Malema kiima woo ti a kaabera la bo'olum kaabegɔ, gee ti la me dɛna ti malema kiima kana wa mɛŋa me ni tara sɛla na kaabɛ.

Hiburuduma 8:3 ပူးပေါင်းရင်းမြစ်များ

Azã 6:51

Mam n de di-sɛka n bɔ'ɔrɩ vɔm n ze'ele Nawẽnnɛ yire sigum, tɩ nẽra sãn di di-ẽna, a wʋn vɔa wakatɛ wuu. La di-sɛka tɩ mam wʋn bɔ dũnia dõma tɩ ba yẽ vɔm na, de la mam ĩyã.»

Aromduma 4:25

Nawẽnnɛ daan basɛ tɩ ba kʋ Azezi la tõma tõon-be'ero ĩyã, dee vo'oge ẽ tɩ a botɩ tõma dɛna nẽrba n masɛ a zẽ'am.

Aromduma 5:6

Se'ere n soe la, tõma n daan ka tã wʋn looge yelle la, Nawẽnnɛ n looge yɛm wakat-sɛka la n paagɛ la, Krisi ki mɛ tõon-be'ero dõma ĩyã.

Aromduma 5:8

La Nawẽnnɛ pa'alɛ ẽŋa n nõŋɛ tõma zozo'e se'em mɛ, tɩ tõma n daan ken dɛna tõon-be'ero dõma la, tɩ Krisi ki tõma ĩyã.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Efɛɛzɩ 5:2

Ɩta-ya sɛla woo la nõŋlʋm wʋ Krisi n nõŋɛ tɩ se'em dɩkɛ a vɔm bɔ tõma ĩyã, tɩ la ãna wʋ kãabgɔ n tarɩ yũuŋ-sõŋɔ paara Nawẽnnɛ yɛm na.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Hiburuduma 2:17

Bɛla n soe tɩ la daan masɛ tɩ a lebge nẽrsaala ãna wʋ a sɔbiisi la sɛla woo pʋam, tã'agɛ dɛna ba kãabgɔ kẽma nẽŋadãana n de ninbãal-zɔta, dee dɛna sɩra dãana Nawẽnnɛ tõoma pʋam. A ẽŋɛ la bɛla yese nẽrba tõon-be'ero, naagɛ ba la Nawẽnnɛ.

Hiburuduma 3:1

Bɛla m sɔbiisi, yãma tɩ Nawẽnnɛ wi tɩ ya welge to'ore dɛna a nẽrba la, bɩsra-ya Azezi, ẽŋa n de sɛka tɩ Nawẽnnɛ tõm, la ẽŋa n de tõma kãabgɔ kẽma nẽŋadãana Nawẽnnɛ sore doosgo la pʋam.

Hiburuduma 5:1

Nawẽnnɛ kãabgɔ kẽma nẽŋadãana woo, ba loorɩ ẽ na nẽrsaalba pʋam tɩ a tõnna bɔ'ɔra Nawẽnnɛ, nẽrba ĩyã. Ẽŋa n bɔ'ɔrɩ Nawẽnnɛ bɔ'a, dee kãabra bɔ'ɔra ẽ ba tõon-be'ero ĩyã.

Hiburuduma 7:27

Ẽŋa ka ãn wʋ kãabgɔ kẽma nẽŋadõma basɛba la, tɩ daarɛ woo la dɛna ba dẽŋɛ kãabɛ ba mẽŋa tõon-be'ero ĩyã, dee yãŋa kãabɛ nẽrba tõon-be'ero ĩyã la. Ẽŋa dɩkɛ la a mẽŋa kãabɛ nõorɛ ayɩla mã'a bɔ nẽrba tõon-be'ero ĩyã.

Hiburuduma 8:4

Azezi sãn boe nɩ na tẽŋa wã zuo, a ka de nɩ kãabgɔ kẽema. Se'ere n soe la, kãabgɔ kẽma põn bɔna mɛ bɔ'ɔra bɔ'a wʋ Amoyisi lɔɔ la n de se'em na.

Hiburuduma 9:14

Krisi zɩɩm na tarɩ pãŋa mɛ gãnna bɛla zozo'e. Ẽŋa ka tarɩ tuure, la doose la Nawẽnnɛ Sɩa n boe wakatɛ wuu tɩ a dɩkɛ a mẽŋa bɔ Nawẽnnɛ, peege tɩ tõon-be'ero n sẽm na kũm na, tɩ tɩ sũure ãna sõŋa, tɩ tɩ tõnna bɔ'ɔra vɔm dãana Nawẽnnɛ.