Hiburuduma 6:2 - Farefare Ninkaré

² la ko'om misga zãsŋɔ, la ban paglɩ nu'usi nẽrba zuto pʋ'ʋsra yelle, la kũm vo'ore, la dũnia ba'asgɔ sarɩyadia yelle.

ZE'ELEGO PAALEGA

² ko'omsua yɛla, nu'uhi pagelegɔ yɛla, kum vo'ore yɛla, la ba'ahegɔ gakerɛ yɛla.

Hiburuduma 6:2 ပူးပေါင်းရင်းမြစ်များ

Amatie 28:19

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ.

Amatie 3:14

Tɩ Azã daan zagsɛ, dee yetɩ: «La de nɩ na mam n wʋn wa'am fõn zẽ'am tɩ fõn mise mam, tɩ fõn sẽna mam zẽ'am?»

Amarkɩ 16:16

Sɛka woo n bɔ sɩra, botɩ ba mise ẽ ko'om pʋam, a wʋn yẽ fãarɛ. La sɛka woo n ka bɔ sɩra, ba wʋn di a sarɩya sɩbgɛ ẽ.

Amarkɩ 7:4

Ba sãn ze'ele da'am wa'am, ba wʋn peege ba mẽŋa mɛ dee di. La malŋɔ basɛba zozo'e tɩ ba ɩtɩ, la de la wama, la yɔa, la kuto laasɩ peere.

Amarkɩ 7:8

Ya basɛ Nawẽnnɛ nõorɛ mɛ dee dɔla nẽrsaalba malŋɔ.»

Aluki 11:38

Tɩ Farisi nẽra la yẽ tɩ Azezi ka peege nu'usi wʋ ban ɩtɩ ba sisgo se'em na, dee yetɩ a di, tɩ la di'ige ẽ.

Aluki 12:50

La dẽnɩ tɩ mam yẽ nãmsgɔ zozo'e wʋ mam mise la ko'om pʋam na, la a yelle la wʋn nãmsɛ mam mɛ halɩ tɩ la wa ẽŋɛ ba'asɛ.

Aluki 14:14

Fʋ sãn ẽŋɛ bɛla, fʋ wʋn tara zu-yẽlga, se'ere n soe la, ba kãn yãŋɛ ẽŋɛ lebse fo. Bɛla, wakat-sɛka tɩ Nawẽnnɛ wʋn botɩ nẽr-sɛba n ẽŋɛ sɛla n masɛ a yɛm na vo'oge la, fʋ wʋn yẽ yɔɔrɔ.»

Aluki 3:16

La ban tẽ'esrɩ bɛla la, tɩ Azã yele ba yetɩ: «Mam misri ya la ko'om pʋam, la nẽra n boe tara pãŋa gãnna mam sẽna, la mam põn ka masɛ tɩ m pirge a tagra bɔ ẽ. Ẽŋa n wʋn mise ya Nawẽnnɛ Sɩa, la bugum pʋam.

Azã 1:33

La mam daan ka mi ẽ, la Nawẽnnɛ n tõm mam tɩ m mise nẽrba ko'om pʋam na, yele mam tɩ: ‹Fʋ sãn wa yẽ Nawẽnnɛ Sɩa n sige zoole sɛka zuo la, la de la ẽŋa n misri nẽrba Nawẽnnɛ Sɩa la pʋam.›

Azã 5:29

vo'oge ze'ele yɔɔrɔ pʋam yese. Tɩ sɛba n ẽŋɛ sõŋa yẽ vɔm Nawẽnnɛ zẽ'am, la sɛba n ẽŋɛ be'em, a wʋn di ba sarɩya.

Tõoma 10:47

Tɩ Apɩyɛɛrɩ yetɩ: «Nẽr-bãna wã to'oge la Nawẽnnɛ Sɩa wʋ tõma n daan to'oge se'em na. Bɛla, ãne n wʋn tã'agɛ gu ba yetɩ, ba da to'oge ko'om misga?»

Tõoma 13:3

Tɩ ba lʋ nõorɛ dɩkɛ nu'usi paglɛ ba zuto pʋ'ʋsɛ, dee basɛ ba tɩ ba sẽŋɛ.

Tõoma 16:15

Tɩ tõma daan mise ẽŋa la a yir-dõma ko'om pʋam. Tɩ a sose tõma yetɩ: «Ya sãn sakɛ tɩ mam sɩrɩ bɔ Zuudãana sɩra mɛ, ya wa'am kẽ'era mam yire.» La a pẽrgɛ tõma mɛ, tɩ tõma sakɛ.

Tõoma 16:33

La wakat-ẽŋa mẽŋa tɩ a tarɩ ba ka pɛ ba nõtɔ la. La bilam zẽ'am tɩ ba mise ẽŋa la a yir-dõma wuu ko'om pʋam la Azezi yʋ'ʋrɛ.

Tõoma 17:18

Tɩ bãŋrɩba daan bɔna mĩ tɔgra la Apolɩ, basɛba dolɩ la A'epikiri zãsŋɔ, dee tɩ basɛba dɔla Astoyisi zãsŋɔ. Tɩ nẽrba basɛba soke yetɩ: «Yetɔg-tɔgsa wã boorɩ tɩ a yetɩ bẽm?» Tɩ basɛba yetɩ: «La ãn wʋ a mõolɩ la wẽn-paalsɩ yelle la.» Se'ere n soe la, Apolɩ mõolɩ la Azezi kõ-yẽlga, la kũm vo'ore yelle.

Tõoma 2:38

Tɩ Apɩyɛɛrɩ lerge ba yetɩ: «Teege-ya yɛm basɛ tõon-be'ero, tɩ ya nẽra woo botɩ ba mise ẽ ko'om pʋam la Azezi-krisi yʋ'ʋrɛ, tɩ Nawẽnnɛ basɛ ya tõon-be'ero taalɛ dee bɔ ya a Sɩa la.

Tõoma 2:41

Tɩ nẽrba la zozo'e daan sakɛ Apɩyɛɛrɩ yetɔga la, botɩ ba mise ba ko'om pʋam. Nẽr-sɛba n daan pa'asɛ ba pʋam daar-ẽŋa masɛ wʋ nẽr-tʋsatã.

Tõoma 23:6

Tɩ Apolɩ bãŋɛ tɩ sarɩyaditba la basɛba de la Saduse dõma, dee tɩ basɛba mẽ dɛna Farisi dõma, tɩ a tɔgɛ ke'enke'em yele ba wuu yetɩ: «M sɔbiisi, mam de la Farisi nẽra, mam sɔ de la Farisi mẽŋa mẽŋa. Mam n tarɩ pʋtẽ'erɛ tɩ sɛba n kiiri la wʋn le vo'oge mɛ na, bɛla ĩyã tɩ ba sãm mam.»

Tõoma 24:15

Mam tarɩ pʋtẽ'erɛ la Nawẽnnɛ wʋ bãma n tarɩ pʋtẽ'erɛ se'em na, tɩ nẽrba wuu, nẽr-sõma la nẽr-bɛ'ɛsɩ wʋn vo'oge mɛ.

Tõoma 24:21

La ba kãn yẽ sɛla, sãn dagna mam daan ze'ele ba tẽŋasʋka tɔgɛ ba ke'enke'em yetɩ: ‹La de la mam n tarɩ pʋtẽ'erɛ tɩ sɛba n ki la wʋn vo'oge mɛ na ĩyã, tɩ mam zɛ ya nẽŋam tɩ ya dita mam sarɩya zĩna wã.› »

Tõoma 24:25

La Apolɩ n yãŋa wa tɔgra ɩrgɔ n masɛ, la yõk-m-mẽŋa, la sarɩyadia n sẽm yelle, tɩ dabeem yõkɛ Afeligsi, tɩ a yele Apolɩ yetɩ: «Basɛ bɛla, mam sãn wa yẽ nẽŋa, mam wʋn le wi fo.»

Tõoma 26:8

Bẽm tɩ la dɛna toogo bɔ ya, tɩ ya sakɛ tɩ Nawẽnnɛ vo'orɩ kũm?

Tõoma 4:2

Tɩ ba sũure yĩige la Tõntõnɩba la n zãsnɩ nẽrba la, dee mõola Azezi kũm vo'ore yelle pa'ala tɩ nẽr-sɛba n ki la wʋn vo'oge mɛ na.

Tõoma 6:6

Tɩ ba tarɩ ba sẽŋɛ Tõntõnɩba la zẽ'am, tɩ ba dɩkɛ ba nu'usi paglɛ ba zuto pʋ'ʋsɛ Nawẽnnɛ bɔ ba.

Aromduma 2:16

Bõn-bãna wʋn puke la daar-sɛka tɩ Nawẽnnɛ wʋn botɩ Azezi-krisi di nẽrba yɛla n sʋgɛ sarɩya, masɛ wʋ kõ-yẽlga la tɩ mam mõolɛ n yetɩ se'em na.

1 Korẽntɩ 10:2

La ãn wʋ Nawẽnnɛ yʋʋn mise ba mɛ sawatɛ la pʋam, la ko-kãtɛ la pʋam tɩ ba dɛna ayɩla la Amoyisi.

1 Korẽntɩ 12:13

Tõma Zifdõma, la sɛba n dagɩ Zifdõma, la sɛba n de yamsɩ, la sɛba n dagɩ yamsɩ, tõma wuu n daan mise ko'om pʋam na, Nawẽnnɛ Sɩa botɩ tɩ lebge la ĩyã ayɩla. Nawẽnnɛ tõm na Sɩa ayɩla bɔ tɩ wuu.

2 Korẽntɩ 5:10

Se'ere n soe la, tõma wuu wʋn ze'ele la Krisi nẽŋam tɩ a di tõma sarɩya, dee bɔ nẽra woo yɔɔrɔ tɩ la masɛ wʋ ẽn tõm se'em dũnia wã, a sãn tõm sõŋa, bɩɩ a sãn tõm be'em.

Filipi 3:21

A sãn wa'am, a wʋn teege tõma ĩyã wã n põ'orɩ la mɛ, tɩ a ãna wʋ a mẽŋa ĩyã n tarɩ nã'asgɔ la. A wʋn dɩkɛ la a pãn-kãtɛ sɛka tɩ a tarɩ botɩ sɛla woo sakra a nõorɛ la, ẽŋɛ bɛla.

Kolɔsɩ 2:12

Ban daan mise ya ko'om pʋam na, la ãn wʋ ba lagɩm ya mɛ la Krisi laagɛ. La yãma mẽ lagɩm na ẽ mɛ vo'oge, yãma n bɔ Nawẽnnɛ pãŋa n botɩ Krisi vo'oge sɩra la ĩyã.

2 Timoti 2:18

Bãma bʋrgɛ mɛ basɛ sɩra sore la, yetɩ kũm vo'ore la põn tole mɛ, ba ẽŋɛ bɛla basɛ tɩ nẽr-sɛba n bɔ sɩra la basɛba n lɛbra poorʋm.

Hiburuduma 11:35

Pɔgsɩ yẽ ba nẽrba n ki mɛ dee vo'oge. Sɛba yẽ nãmsgɔ mɛ zozo'e dee zagsɛ yolsgo, se'ere n soe la, ba boorɩ tɩ ba wa vo'oge mɛ yẽ vɔm n ãn sõŋa gãnna.

Hiburuduma 9:10

Ba de la dia, la bõn-yũula, la ko'om peere buuri to'oto'ore yelle mã'a. Ɩrgɔ bãma de la ĩyã yɛla n de dũnia wã bõnɔ n yʋʋn boe tɩ nẽrba dɔla, halɩ wa paagɛ wakat-sɛka tɩ Nawẽnnɛ malɩn malgɛ sɛla woo sõŋa.

2 Pita 3:7

Nawẽnnɛ yetɔga mẽŋa n ken botɩ dũni-ẽna wã, la saazuum bɔna gu'ura tɩ bugum wa sã'am ba. A basɛ tɩ ba bɔna gu'ura la daar-sɛka tɩ a wʋn di nẽrsaalba sarɩya, sã'am tõon-be'ero dõma la.